गृहपृष्ठ शिक्षाका कर्मचारीले राखे सरकारसँग यस्तो माग

शिक्षाका कर्मचारीले राखे सरकारसँग यस्तो माग

manakamana-ad-Singlepage Below Next & Previous

काठमाडौं-  शिक्षा सेवाका कर्मचारीहरुले संघीय सेवाको दरबन्दी कायमै राख्न सरकारसँग माग गरेका छन् । संघीय सेवाको दरबन्दी कायमै राखेर आफुहरुलाई प्रदेश र स्थानीय तहमा खटाउन सरकारसँग माग गरेका हुन् ।

कर्मचारी समायोजन ऐन अनुसार आफूहरुलाई प्रदेश र स्थानीय तहमा खटाउँदा संघीय सेवाको दरबन्दी भने कायमै राख्न माग गर्दै शिक्षा मन्त्रालय अन्तरगतका कर्मचारीहरुले बुधबार बिहान शिक्षा, विज्ञान तथा प्रविधिमन्त्री गिरिराजमणि पोखरेललाई ज्ञापन पत्र बुझाएका हुन।

उनीहरुले कर्मचारी समायोजन गर्दा प्रदेश र स्थानीय तहका कर्मचारीहरुको वृत्तिविकासमा प्रतिकूल असर पर्न नदिन पनि सरकारको गम्भिर ध्यानाकर्षण गराएका छन्। संघीय सेवाको दरबन्दी कायमै राखेर प्रदेश र स्थानीय तहमा आफुहरुलाई खटाउन माग गर्दै मन्त्री पोखरेलको ध्यानाकर्षण गराइएको निजामती कर्मचारीहरुको आधिकारिक ट्रेड युनियन, शिक्षा विभागीय कार्य समितिका अध्यक्ष हरिभक्त पौडेलले जानकारी दिए।

शिक्षा सेवाका कर्मचारीले कर्मचारी समायोजन ऐनमा आफूहरुको बरियताक्रममा नै प्रतिकूल हुने व्यवस्था गरिएको उल्लेख गर्दै तत्काल सो प्रावधान हटाउन पनि सरकारसँग माग गरेका छन्।

उनीहरुले आफूहरुको सो माग तत्काल सम्बोधन नभए आन्दोलन गर्न बाध्य हुने चेतावनी दिए । शिक्षा, विज्ञान तथा प्रविधिमन्त्री पोखरेलले शिक्षा सेवाका कर्मचारीहरुको सो मागका सम्बन्धमा प्रधानमन्त्री केपी शर्मा ओली र संघीय मामिला तथा सामान्य प्रशासनमन्त्री लालबाबु पण्डितसँग छलफल गरी आवश्यक निर्णय लिने आश्वास दिएका थिए ।

प्रतिकृया दिनुहोस्

Nic Asia Bank-750X100-SinglePage Below Facebook Comment Ad

सम्बन्धित शीर्षकहरु

Singlepage Above Footer