‘माधव नेपालले संविधानको रक्षा गरे भन्नु र हुटिट्याउँले आकाश थामेको छ भन्नु एकै हो’

नेकपा एमाले भित्रको आफुलाई विद्रोही समूह दावी गर्ने र संविधानको रक्षाका लागी पार्टी भन्दा माथी उठेर काम गरेको बनाउँने माधव कुमार नेपाल समूहको दावीलाई वरिष्ठ अधिवक्ता विष्णु भट्टराईले हास्यास्पद भन्दै यस्ता कुरा गर्दै नहिड्न भनेका छन् ।

ओटीभी नेपाल डटकम सँगको विशेष कुराकानीमा वरिष्ठ अधिवक्ता भट्टराईले माधव नेपालले संविधानको रक्षा गरेको छु भन्दै गफ दिँदै हिड्नु र हुटिट्याँउले मैले आकाश थामेको छु भन्दै हिड्नु एकै भएको बताएका छन् । ‘संविधान कसैले जोगाएर जोगीने कुरा होइन यो आफैँमा राजनितिक दस्तावेज हो जनताको चेतना स्तर सँगै आफैँ परिवर्तन भएर जानेछ’ भट्टराईले भनेका छन् ।

सर्वोच्च अदालतको परमादेश बाट प्रधानमन्त्री बनेका शेरबहादुर देउवाको सरकार विरुद्ध खरो रुपमा प्रस्तुत भएका भट्टराईले यो सरकार अनैतिकहरुको जमात भएको बताए । निती बाट बाट नेता र नेतृत्व जन्मने भन्दै उनले यो सकारमा कुनै निती नभएका कारण यो अनैतिकहरुको जमानत भएको उनको जिकीर छ ।

देउवा सरकारलाई शासन गर्ने कुनै अधिकार नभएको भन्दै उनले अहिलको सरकार असंवैधानिक भएको पनि जिकिर गरेका छन् । ‘म जिम्मेवारीका साथ भन्दै छु यो सरकार असंवैधानिक हो मलाई देखाइदिनुस् यो सरकारले शासन गर्ने जनादेश कहिले प्राप्त गर्यो ? जसले जनादेश प्राप्त गरेको थियो उसले त विघठन गरिसक्यो । यो त रमिते सरकार हो रमिता देखाएर बसिरहेको छ’ । भट्टराईले भने ।

कुराकानीको क्रममा वरिष्ठ अधिवक्ता भट्टराईले देउवा सरकारले संविधान संशोधन गरेर मन्त्रीको संख्या बढाउँन भित्र भित्रै तयारी गरिरहेको पनि खुलासा गरेका छन् । मन्त्री खान दवाव दिनेको हुल थामिनसक्नु भए पछि देउवाले त्यस्तो तयारी गरेको उनको दावी छ । संविधान संशोधन गर्न त दुइ तिहाइ चाहिन्छ अनि यो सरकारले कसरी सक्छ त ? भन्ने प्रश्नमा भट्टराईले ‘अनी माधव नेपाल जस्ता अरु मान्छे ओलीको पार्टीमा पाइदैन र’?भन्दै प्रश्न गरे ।

माधव नेपालको राजनिती समाप्त हुने ठोकुवा गर्दै वरिष्ठ अधिवक्ता भट्टराईले अहिले माधव नेपालहरुले गरको जस्तो हर्कत राजनितिको कुन सिद्धान्त बमोजिम गर्न मिल्छ ल मलाई बताइदिनुस् त भन्दै प्रश्न गरका छन् । ‘एउटा पार्टी बाट चुनाव जितेर आउँने अनि सरकार बनाउँदा अर्को पार्टीलाई सहयोग गर्ने यस्तो पनि हुन्छ? । यहि तरिकाले माधव नेपालको राजनिती समाप्त हुँदैछ’ उनले भने ।

समसामयिक बिषयलाई केन्द्रमा राखेर वरिष्ठ अधिवक्ता विष्णु भट्टराई सँग ओटीभी नेपालले गरेको भिडियो कुराकानी हेर्नुहोस्