गोविन्दराज जोशीको ठोकुवा ‘देउवाले प्रचण्डलाई काग्रेसको सभापती बनाउँछन् ‘

आसन्न निर्वाचनमा कम्युनिष्टसँग गठबन्धन गर्ने बिषयमा नेपाली काग्रेस भित्र चर्को मतभेद देखिएको बेलामा जीवनभर काग्रेसको राजनिती गरेका चर्चित राजनितिज्ञ गोविन्दराज जोशीले नयाँ खुलासा गरेका छन् ।

नेपाली काग्रेस पार्टी विपी कोइरालाको सिद्धान्तबाट पूर्ण रुपमा विमुख भएको भन्दै नेता जोशीले सत्ताका लागी जे पनि गर्ने निती लिएर काग्रेस हिँडेको भन्दै यसले काग्रेसलाई समाप्त पार्ने ठोकुवा गरेका छन् । काग्रेस सभापती शेरबहादुर देउवा र नेता रामचन्द्र पौडेलकै कारण काग्रेस पतनको बाटोमा गएको जिकिर उनको छ ।

ओटिभी नेपाल डटकमको स्थानिय निर्वाचन विशेषमा कुराकानी गर्दै नेता जोशीले शेरबहादुर देउवा र रामचन्द्र पौडेलहरुमा गठबन्धन विना संसारनै चल्दैन भने जस्तो चिन्तन देखिएको बताए । विपीको विचार बेचेर अहिलको काग्रेस नेतृत्व सत्ताका लागी जे पनि गर्ने हदमा अघि बढेको आरोप उनले लगाए ।

कुराकानीका क्रममा जोशीले शेरबहादुर देउवाले प्रधानमन्त्री पद बचाउँनका लागी माओवादी केन्द्रका अध्यक्ष पुष्पकमल दहाल प्रचण्डलाई काग्रेसको सभापती बनाउँने दाबी गरे । जोशीले ठोकुवा गर्दै भनेका छन् ‘देउवालाई प्रधानमन्त्री पद जान्छ भन्ने लागेका दिन नेपाली काग्रसको सभापती प्रचण्डको हो ‘। लेखेर राख्नुस् ।

काग्रेस र कम्युनिष्टको गठबन्धन अप्राकृतिक होइन की गठबन्धन भन्नुनै आफैँमा अप्राकृतिक भएको दाबी पनि जोशीले गरेका छन् । गठबन्धनको संस्कृती बनाउँनु पर्छ भन्दै काग्रेसकै नेताहरुले बोलेको देख्दा आफुलाई उदेक लागेको भन्दै त्यस्ता मान्छेको नाम लिन समेत आफुलाई लाज भएको उनले बताएका छन् ।

अब काग्रेस , माओवादी र एस पार्टी फरक फरक पार्टी हो भनेर हिड्नु पनी नपर्ने जोशीले बताएका छन् ।’ एउटै विचार भए पछि किन फरक फरक पार्टी बनाएर हिड्नु पर्यो एउटै बनाए हुन्छ , सभापती कसलाई बनाउँने भन्ने समस्या होला तीनै जनालाई बनाए भैगो’ । जोशीले भेनका छन् ।

देउवा , प्रचण्ड र माधव नेपालको विचारमा के चाँही फरक छ ? भन्दै जोशीले प्रतिपश्न पनि गरेका छन् । ‘हो एउटा फरक छ प्रचण्डजी अली मोटो हुनुहुन्छ , देउवाजी अली अग्लो हुनुहुन्छ , माधवजी अली होचो हुनुहुन्छ यती फरक छ अरु छैन ‘। जोशीले भनेका छन् ।

स्थानिय तहको निर्वाचन , गठबन्धन लगायतका समसामयिक बिषयलाई केन्द्रमा राखेर ओटिभी नेपाल डटकमले नेता गोविन्दाराज जोशीसँग ओटिभी नेपाल डटकमले गरेको भिडियो कुराकानी हेर्नुहोस्