भाइरल वडा अध्यक्षले गरे कमाल, बालेनको जस्तै प्रशंसा चुलियो !

नेपाली काग्रेसको तर्फबाट उमेदवार बनेर काठमाडौँ महानगरपालिका वडा नम्बर १६को वडा अध्यक्षमा निर्वाचित भएका मुकुन्द रिजाल भाइरल वडा अध्यक्षका रुपमा चिनिन्छन् । दोस्रो कार्यकालका लागी वडा अध्यक्ष निर्वाचित भएका उनी सुरु देखिनै चर्चामा रहेका छन् ।

पहिलो पटक पाँच बर्ष वडा अध्यक्ष हुँदा पनि कतै नसुनिएको नाम दोस्रो पटक वडा अध्यक्ष हुने बेला देखिनै चर्चामा आएको छ । काठमाडौँका मेयर बालेन शाहले महानगरपालिकाको कार्यपालिका बैठक लाइभ गर्ने भनेर निर्णय गरि बैठक लाइभ गरिएकै दिन देखी मुकुन्द चर्चामा रहेका छन् ।

पहिलो दिनको बैठकमा नगर प्रमुख बालेनको अगाडी चर्को स्वरमा बोलेर बैठक कसरी चलाउँने सिकेर आउँनुस् भन्दै चर्किए पछि सुरु भएको मकुुन्दको चर्चा अनेक रुपमा हुने गरेको छ । कहिले कार्यकक्षमै टिकटक बनाएर त कहिले अरुनै कारणले उनी सँधै चर्चामा रहेका छन् । अहिले भने भाइरल वडा अध्यक्ष मुकुन्दको चर्चा फरक ढंगले भएको छ सबैले प्रशसां गर्ने गरी ।

काठमाडौँ महानगरपालिकाको पहिलो बैठकमा नगर प्रमुख बालेनसँग चर्काचर्की गरेका मुकुन्द त्यस यता बालेनको प्रमुख सहयोगीका रुपमा देखिएका छन् । हरेक बैठकमा उनले बालेनलाई सहगोग पुग्ने गरि बोलिरहेका छन् । केहि दिन अघि मात्रै बसेको काठमाडौँ महानगरपालिकाको नगरसभा बैठकमा उनले राखेको प्रस्तावे भने दुनियाँको मन जितेको छ ।

रिजालले नगरसभा बैठकमा लोकप्रिय कुरा गरेका छन् । उनले जनप्रतिनिधिहरूको तलब–सुविधा काटेर त्यो रकम विकासको काममा खर्च गर्न प्रस्ताव गरे । एकएक लोकप्रिय प्रस्ताव गरे पछि उनको प्रशंसा चुलिएको छ । मुकुन्दले गजबको प्रस्ताव ल्याएको भन्दै चर्चा परिचर्चा भइरहेको छ ।

केही वडाध्यक्षले जनप्रतिनिधहरुलाई औपचारिक पोशाक र लोगोको व्यवस्था गर्नुपर्ने माग गरेका थिए । औपचारिक पोशाक नलगाउँदा जनताले काठमाडौंका जनप्रतिनिधिलाई चिन्न नसकेको उनीहरुको गुनासो थियो । १६ नम्बरका वडाध्यक्ष रिजालले भने फरक विचार राखे । उनले जनप्रतिनिधिहरूले आफ्नो सेवा–सुविधाभन्दा जनताको कामलाई प्राथमिकतामा राख्नुपर्ने बताए ।

रिजालले भने, ‘हामी लोकसेवा लडेर जागिर खान आएका होइनौँ । आफ्नो इच्छाले जनताको सेवा गर्न आएका हौँ । त्यसैले हामीलाई कुनै तलब–सुविधा चाहिँदैन । हाम्रो सुविधा काटेर लोकसेवा लडेर आएका कर्मचारीको सुविधा वृद्धि गर्दा राम्रो हुन्छ ।’

उनले जनप्रतिनिधिको तलब–भत्तामा मासिक ५५/६० लाख खर्च हुने उल्लेख गरे । त्यो काटिएको खण्डमा वर्षको ६ करोड रुपैयाँ र पाँच वर्षमा ३० करोड बचत हुने हिसाब उनले सुनाए । यो रकमबाट महत्त्वपूर्ण विकास आयोजना सम्पन्न हुन सक्ने उनको भनाइ छ
।
रिजालले थपे, ‘हामीलाई लोगो, पोसाक, जुत्ता महानगरबाट चाहिएको छैन । यदि ड्रेस चाहिने हो भने त्यो हामीलाई तोकिदिनुस्, हामी त्यो लुगा आफैँले व्यवस्था गर्न सक्छौँ । महानगरले दिनु पर्दैन । हामी महानगरबाट लिन आएका होइनौँ, जनतालाई दिन आएका हौँ । हामीसँग भएको गाडी, घोडा, मोबाइल सबै फिर्ता लिइदिनुहुन अनुरोध गर्दछु ।