बालकोटमा ६ घण्टा राखेर ओलीले चिनिँया नेतालाई राम्रो चिनाइदिए प्रचण्ड र माधवको चरित्र !

चिनियाँ कम्युनिस्ट पार्टीका विदेश विभाग प्रमुख लिउ जियान्चाओ चार दिने औपचारिक नेपाल भ्रमणका क्रममा काठमाडौँमा रहेका छन् । उनले प्रमुख राजनितिक दलका प्रमुख नेताहरुसँग भेटघाट गरिसकेका छन् ।

सबैभन्दा पहिला प्रधानमन्त्री शेरबहादुर देउवासँग प्रधानमन्त्री निवास बालुवाटारमै गएर भेटेका जियान्चाओले माओवादी केन्द्रका अध्यक्ष पुष्पकमल दहाल प्रचण्डलाई प्रचण्ड निवास खुमलटारमै र नेकपा एमालेका अध्यक्ष केपी ओलीलाई ओली निवास बालकोटमा गएर भेटेका थिए। एमाले विभाजन गरेर बनेको दल नेकपा एसका अध्यक्ष माधव कुमार नेपाल र एस पार्टीका नेताहरुलाई भने उनले एभरेष्ट होटलमा बोलाएर भेटेका थिए ।

जियान्चाओले भेट गरेका नेताहरु मध्ये सबैभन्दा धेरै समय प्रमुख प्रतिपक्षी दल नेकपा एमालेका अध्यक्ष केपी ओलीसँग कुराकानी गरेका थिए । चिनिँया टोली एमाले अध्यक्ष ओलीको घरमा ६ घण्टा बसेको थियो । ओलीसँगको भेटलाई निकै महत्व उनीहरुले दिएका थिए ।

नेपालमा फेरी बाम एकता गराउँनका लागी चिनले पहल गरिरहेको भन्ने चर्चा चलिरहेका बेला एमाले अध्यक्ष ओलीसँग चिनिँया टोलीले बिताएको लामो समयलाई निकै अर्थपुर्ण तरिकाले हेरिएको छ । बाम एकताका लागी दबाव नदिए पनि बिचार मिल्ने पार्टीहरु एक ठाउँमा आउँनु राम्रो हुन्छ भनेर सन्देश जियान्चाओले सुनाएका छन् ।

जियान्चाओले माओवादी केन्द्रका अध्यक्ष पुष्पकमल दहाल प्रचण्ड , नेकपा एमालेका अध्यक्ष केपी ओली देखी नेकपा एसका अध्यक्ष माधव कुमार नेपालसँगको कुराकानीमा पनि एउटै कुरालाई जोड दिएर भनेका थिए त्यो भनेको विचार मिल्ने पार्टीहरु एक भए हामी खुशि हुन्छौँ तर त्यसका लागी दबाव भने दिँदैनौँ ।

एमाले अध्यक्ष ओलीले चाहेमा बाम एकता हुन सक्छ भनेर बुझेरनै चिनिँया टोलीले ओलीलाई धेरै महत्व दिएको बताइन्छ । ६ घण्टा लामो कुराकानीमा फेरी पहिले जस्तै कम्युनिष्ट पार्टीहरु मिल्ने सम्भावना कति रहेको छ ? भनेर जियान्चाओले ओलीेसँग जिज्ञासा राखेको र ओलीले तत्काल त्यो सम्भावना नभएको र एमाले एक्लै चुनावमा जाने बताएका थिए ।

ओलीले जियान्चाओसँगको भेटमा आफ्नो सरकार ढालेर काग्रेसलाई सत्ताको चाबी बुझाउँनका लागी प्रचण्ड र माधव नेपालले के कती सम्मको हर्कत गरे भन्ने बिषयमा विस्तृत कुरा सुनाएका थिए । नाम मात्रै कम्युनिष्ट तर चरित्र केहि पनि कम्युनिष्ट नभएकाहरुलाई बोेकेर हिड्न गारो हुने भन्दै ओलीले एमाले एक्लै चुनावमा जान चाहेको बताएका थिए ।

ओली निवास बालकोटमा मंगलबार झण्डै ६ घण्टा भएको कुराकानीमा चिनियाँ नेता लिउले विगतमा जस्तै नेपालमा वामपन्थी शक्तिबीच एकताको सम्भावना कति छ भनेर जिज्ञासा राखेको उक्त भेटमा सहभागी नेताहरुले जानकारी दिए।

चिनियाँ नेता लिउले कांग्रेस, कम्युनिस्ट लगायत नेपालका सबै राजनीतिक दलसँग चिनियाँ कम्युनिस्ट पार्टीले समान सम्बन्ध राख्न चाहेको बताएका थिए।‘लिउले नेपालका कम्युनिस्ट पार्टी मिलेको चीनलाई राम्रो लाग्ने बताउनुभयो। तर नेपालमा वाम पार्टी मिल्ने वा नमिल्ने आन्तरिक कुरा भएकाले त्यसका लागि चीनले कुनै हस्तक्षेप नगर्ने स्पष्ट पार्नुभयो’ भेटमा सहभागी एकजना एमाले नेताले भने।

प्रत्युत्तरमा एमाले अध्यक्ष ओलीले आफू वामपन्थी शक्तिबीच एकताको विपक्षमा नरहेको बताएका थिए। ‘विगतमा वामपन्थी शक्तिबीच फुट हाम्रा कारणले आएको थिएन, अहिले पनि हामीलाई मिल्न आपत्ति छैन। यद्यपि तत्काल हामी कसैसँग एकता गरिहाल्न गइरहेका छैनौं, एक्लै चुनाव लड्ने हाम्रो नीति छ’ ती नेताका अनुसार ओलीले चिनियाँ नेतासँग भने।

नेपालमा संसदीय चुनाव नजिकिँदै गर्दा चीनले नेपालका वामपन्थी दललाई मिल्न पहल गरिरहेको हुनसक्ने चर्चा भएका बेला चिनियाँ नेता लिउले ठूला वामदल मिलेको हेर्न चाहेको चिनियाँ चाहना अभिव्यक्त गर्नुलाई अर्थपूर्ण मानिएको छ।पूर्वप्रधानमन्त्रीसमेत रहेका ओली र चिनियाँ नेताबीचको कुराकानी मुख्यतः चार विषयमा केन्द्रित रहेको एमाले नेताहरुले जानकारी दिए।

उनीहरुका अनुसार पहिलो, चिनियाँ कम्युनिस्ट पार्टी र एमालेबीचको पार्टीगत सम्बन्ध, दोस्रो नेपालमा वामपन्थी दलहरुबीचको एकता सम्भावना, तेस्रो नेपाल र चीनबीचको द्वीपक्षीय सम्बन्ध र चौथो नेपालमा बढ्दो अमेरिकी सक्रियता।

नेपालका सबै दल राष्ट्रिय हित र सार्वभौमिकताको रक्षाका सवालमा एकठाउँ उभिउन् भन्ने चाहना चिनियाँ नेताले व्यक्त गरेका थिए। ‘नेपालका राजनीतिक दलले आफ्नो निर्णय आफैं लिनसकुन्। त्यसमा हामी पनि हस्तक्षेप गर्दैनौं र कुनै पनि बाह्य शक्तिले पनि त्यसो नगरुन्’ अमेरिकाको पछिल्लो समय बढेको सक्रियातर्फ इंगित गर्दै उनले भनेका थिए।

ओलीसँगको भेटमा चिनियाँ नेता लिउले नेपालले चीनसँगको सम्बन्धलाई कम प्राथमिकता दिन थालेको हो कि भन्ने आशंका व्यक्त गरेका थिए। प्रत्युत्तरमा ओलीले नेपाल चीनसँगको मित्रवत् सम्बन्धप्रति प्रष्ट रहेको र चीनका विरुद्ध कसैलाई पनि नेपाली भूमि प्रयोग गर्न नदिने प्रतिवद्धता जनाएको एमाले नेताहरुले बताए।