मकै पोल्ने महिलालाई बालेनले हात जोडेर बिन्ती गरे, भाइरल भयो भिडियो !

काठमाडौँ महानगरपालिका मेयर बालेन शाह फुटपाथ पसल हटाउँन आफैँ सडकमा ओर्लिएका छन् । महानगरिय प्रहरीले फुटपाथ हटाउँदा चर्को आलोचना भए पछि बालेनले फरक शैली अपनाएका छन् ।

फुटपाथ हटाउँन बालेन यस पटक डण्डा लिएर होइन ठण्डा भएर सडकमा आएका छन् । केहि समय अघि बालुवाटारमा मकै पोल्ने दम्पत्तीमाथी महानगरीय प्रहरीले लछारपछार गरे पछि बालेनको समेत चर्को आलोचना भएको थियो । यस पटक भने उनी फरक ढंगले प्रस्तुत भएका छन् ।

फुुटपाथ व्यापारीहरुसँग बालेन आफैँले नरम कुराकानी गर्दै बाटोबाट हटाइदिन अनुरोध गरेका छन् । यस पटक प्रहरी नबोकी बालेन सडकमा पुगेका छन् । नयाँ बानेश्वर क्षेत्रको फुटमाथ मा व्यापार गरिरहेकाहरुको विचमा गएर बालेनले हात जोेडेर विन्ती गरेका छन् ।

अझ रोचक कुरा त के छ भने केहि समय अघि मकै पोल्ने दम्पत्तीलाई काठमाडौँ महानगरपालिकाको महानगरीय प्रहरीले लछारपछार गरेर गाडा जफत गरेको थियो तर बालेनले भने मकै पोल्ने एक जना महिलासँग गएर हात जोडेर प्लिज हटाइदिनुस् सटरमा गएर व्यापार गुर्नस् न है भन्दै विन्ती बिसाएका छन् ।

बेलुकी ७ बजेतिर केही सहयोगीसहित साह सडकमा निस्केका हुन् । उनलाई सडकमा देख्नासाथ मानिसहरु भिड लागेर फोटोरभिडियो खिच्न थाले । केही व्यक्तिहरु बालेन बालेन भन्दै हुटिङ गरिरहेका थिए, चिच्याइरहेका थिए , साह भने व्यापारीलाई सम्झाउन र थर्काउन व्यस्त भए ।

ठेलामा तरकारी बेचिरहेका एक व्यापारीलाई पाखुरामा समात्दै उनी सोध्छन्, ‘यसरी बाटोमा ठेला राख्न पाइयो हजुर ?’‘पसलहरु सबै खाली छन् । पसलमा कसैले भाडा लिदैन । तपाईंहरुले बाटोमा गरेर कमाउनुहुन्छ भने थोरै भाडा तिरेर पसलमा गर्नुस् । एम्बुलेन्स हिँड्छन् तपाईंले रोकिदिनुभयो भने कस्तो हुन्छ ? है सर ।’

बालेन त्यसपछि फुटपाथमा मकै पोलिरहेकी महिलासामु पुग्छन् ।उनी प्रश्न गर्छन् ‘यो बाटो कसरी बनेको हजुरलाई थाहा छ रु मान्छेहरुको घर भत्काएर, उहाँहरुलाई रुवाएर बनाएको बाटो हो । हजुरले यसरी हाल्दिन मिल्छ रु थोरै भाडा तिरेर पसलमा राखिदिनुस् न ।’

महिलाले यस्तो काम गर्न सटर भाडामा नपाइने बताउँछिन् ।बालेन जवाफ दिन्छन्, ‘भाडामा गर्न मिल्छ । पसल भाडामा लिएर राखिस्यो । थोरै भाडा तिर्नुपर्छ । हजुरको व्यापार पनि चल्छ ।’त्यसपछि उनी महिलालाई सोध्छन्, ‘मासिक कति कमाउनुहुन्छ रु’महिलाले जवाफ दिन्छिन्, ‘भाडा तिर्ने र खाने मात्रै हो ।’

बालेन सम्झाउँदै भन्छन्, ‘थोरै भाडा तिरेर पसलमा राख्नुस् न । यो बाटोमा एम्बुलेन्स हिँड्छ, गाडी हिँड्छ । यसो नगर्दिनुस् । यति बाटो बनाउन सरकारले एक करोड खर्च गरेको हुन्छ । हामी तपाईंहरुलाई उठाउन आएको होइन, अनुरोध गर्न आएको । (हात जोड्दै) प्लीज..प्लीज‘प्लीज‘ यस्तो नगरिदिनुस् ।’

वरिपरीका व्यापारीले फुटपाथ व्यापारलाई महानगरले व्यवस्थित गर्नुपर्ने कुरा गर्न थाल्छन् । त्यसपछि बालेन केही आक्रोशमा आउँछन् ।अरुतिर हेर्दै भन्छन्, ‘बजार खाली छन् । तपाईंहरु भाडामा नलिने अनि, कसरी व्यवस्थित गरिदिनुपर्छ ?

त्यसपछि महिलातिर फर्केर भन्छन्, ‘आमा प्लीज।। आमा प्लीज‘ । सटर भाडामा पाइन्छ । जति पनि पाइन्छ । यो बाटो गाडी हिँड्नलाई होनि त आमा है ।’बालेनले आफ्नो शैली थोरै भएका छन् तर फुटपाथ हटाउँने कुरामा उनी कठोर भएरै लाग्ने संकेत गरेका छन् । बालेन आएर सम्झाएर गए पछि अर्को दिन प्रहरी आएर उठाउँने होकी भन्ने त्रास फुटपाथ व्यापारीमा देखिन्छ ।

फुटपाथ व्यापारीकोमा गएर मेयर बालेन शाहले हात जोडेर बिन्ती गरेको भिडियो अहिले सामाजिक संलालमा भाइरल भएको छ ।