गठबन्धन गर्दा चुनाव हार्ने कन्फर्म भए पछि चितवन छोडेर टाप कस्दै प्रचण्ड !

सर्वोच्च अदालतको परमादेशबाट बनेको शेरबहादुर देउवा नेतृत्वको सरकारले तोकेको प्रतिनिधीसभा र प्रदेशसभाको निर्वाचनको मिति नजिक आइरहेका बेला निर्वाचनको चटारोले दलहरुलाई छपक्कै छोपेको छ । गठबन्धनका दलहरुले भागबण्डाको हिसाब मिलाउन नसकेर पिरोलिएका छन् ।

स्थानिय तहको निर्वाचनमा गठबन्धन गरेर चितवनको भरतपुर महानगरपालिकाको मेयरमा छोरी रेणु दहाललाई मेयर बनाउन सफल भएका नेकपा माओवादी केन्द्रका अध्यक्ष पुष्पकमल दहाल प्रचण्ड मंसिर ४ गते हुने प्रतिनिधीसभाको निर्वाचनमा चितवन ३ बाट चुनाव जितेर सांसद हुँदै प्रधानमन्त्री बन्ने दाउमा रहेका छन् तर प्रचण्डको दाउमा घाउ लाग्ने विश्लेषण सुरु भएको छ ।

माओवादी केन्द्रका अध्यक्ष प्रचण्डले गठबन्धन गर्दा पनि चितवनमा चुनाव हार्ने विभिन्न विश्लेषणहरु बाहिर आउन थालेका छन् । चितवनको चुनाव यस पटक पनि निकै पेचिलो बन्ने अवस्था देखिएको छ । हालै मात्रै पाँच पटक सम्म चितवनको अध्यक्ष भएका माओवादी केन्द्रका चितवन इन्चार्ज समेत रहेका केन्द्रिय सदस्य यम परियार सहितको ठूलो टिमले माओवादी केन्द्र परित्याग गरि एमाले प्रवेश गरेका छन् । यसले पनि प्रचण्डलाई ठूलो धक्का दिएको बताइन्छ ।

कुनै समय प्रचण्डको निकट रहेर काम गरेका डा ऋषिराज बरालले यस पटक चितवनमा प्रचण्डले नराम्रोसँग पराजय बेहोर्ने ठोकुवा गरेका छन् । आफु सँग आएको सुचना र राजनितिक विश्लेषणका आधारमा प्रचण्डले चितवनमा चुनाव जित्न नसक्ने ठोकुवा डा बरालले गरेका छन् ।

ओटिभी नेपाल डटकम सँग विशेष कुराकानी गर्दै डा बरालले प्रचण्ड चितवन छोड्न नचाहने तर उनले जित्न पनि नसक्ने अवस्था रहेको बताएका छन् । चितवन छोड्न मन नभएको तर जित्न नसक्ने अवस्था आए पछि प्रचण्ड नमज्जासँग पिरोलिएको डा बरालले भनेका छन् ।

प्रचण्डले म चितवनबाट लड्छु भनेर मुखले त भनिरहेका छन् तर उनको मनले यो पटक चितवनमा चुनाव जितिदैन भन्ने कन्फर्म भैसेकेको छ त्यस कारण उनी ठुलो तनावमा रहेका छन् । डा बरालले भनेका छन् । प्रचण्डले चितवनमा हार्ने चुनाव लड्दैनन् अर्कैै सुरक्षित क्षेत्रको खोजी पनि उनले गरिरहेको दाबी उनले गरेका छन् ।

अन्तिम सम्म चितवनमै विभिन्न तिकडम गरेर पनि जित्न सकिन्छ की भन्ने दाउमा प्रचण्ड रहेको पनि डा बरालले भनेका छन् । अन्तिम सम्म चितवनमै कसरी जित्न सकिन्छ भनेर हेर्छन् नसकिने भयो भने पछि बाटो लाग्छन् । डा बरालले भनेका छन् । प्रचण्डले गोरखा , रुकुम या सिन्धुली तिर पनि आँखा लगाइरहेको उनले भनेका छन् ।

चितवनबाट चुनाव लडेमा प्रचण्डलाई नेपाली काग्रेसलेनै हराइदिने ठोकुवा पनि डा बरालले गरेका छन् । यो पटकको निर्वाचनमा प्रचण्डलाई हराउने खेलमा काग्रेसनै लाग्ने विश्लेषण उनले गरेका छन् । प्रचण्डले चुनाव जित्दा देउवालाईनै अप्ठेरो पर्ने भन्दै उनले भोली प्रधानमन्त्रीमा डिस्टर्ब नगरोस् भनेर पनि काग्रेसले प्रचण्डलाई चुनाव हराउने विश्लेषण सुनाए ।

पूर्व प्रधानमन्त्रीहरु मध्ये सबैभन्दा कमजोर अवस्था प्रचण्डकै रहेको पनि डा बरालले भनेका छन् । नेकपा एसका अध्यक्ष माधव कुमार नेपालको भन्दा पनि कमजोर अवस्थामा प्रचण्ड रहेको उनले भनेका छन । बरु माधव नेपालले रौतहटबाट चुनाव जित्लान् प्रचण्डलाई चुनाव जित्न गारो रहेको उनले भनेका छन् । देउवा र ओली भने बलियो रहेको तर्क उनको रहेको छ ।

प्रचण्डले कसैलाई पनि बाँकी नराखेको भन्दै हिजो प्रचण्डका लागी ज्यान दिन तयार भएकाहरुनै आज टाढा भएको बताए । प्रचण्ड परिवारवादमा चुर्लम्म डुबेको भन्दै डा बरालले राजनितिक जीवनको उत्तरार्ध हरिबिजोग हुने दाबी गरे । अहिले प्रचण्डले इण्डियन गोटिको रुपमा काम गरिरहेको आरोप पनि उनले लगाए ।

राजनितिक विश्लेषक डा ऋषिराज बरालसँग समसामयिक बिषयमा केन्द्रित रहेर ओटिभी नेपाल डटकमले गरेको विस्तृत भिडियो कुराकानी हेर्नुहोस्