प्रचण्डलाई ठेगान लगाउने गोल्डेन चान्स ! के त्यत्ति गर्न तयार होलान ओली, देउवा ?

नेकपा माओवादी केन्द्रका अध्यक्ष पुष्पकमल दहाल प्रचण्ड आफुलाई गतिशिल नेता भन्दछन् । आलोचकहरुले उनलाई अस्थिर नेता भन्ने गर्दछन् । कपिपयले त प्रचण्डलाई राष्ट्रिय समस्या भन्दै उनकै कारण यो देशमा स्थिरता र विकास नभएको समेत भन्ने गरेका छन् ।

सत्ताको निर्णायक चाबी बोकेर लामै समय नेपालको राजनितीमा राज गरेका प्रचण्ड आफुलाई प्रधानमन्त्री मेकरको रुपमा पनि दाबी गर्दछन् । मैले फलाना फलानालाई प्रधानमन्त्री बनाएँ भनेर गौरववोध गर्ने गरेका प्रचण्ड यस पटक आफैँ प्रधानमन्त्री बन्ने दाउमा रहेका छन् ।

गठबन्धनबाट प्रधानमन्त्री बन्ने खेलमा रहेका प्रचण्ड प्रधानमन्त्री बन्न सक्छन् की सक्दैनन् भनेर विभिन्न कोणबाट चर्चा , बहस र विश्लेषण सरु भएको छ । प्रचण्डलाई प्रधानमन्त्री मानेर जान नेपाली काग्रेस तयार होला की नहोला ? आजको महत्वपुर्ण सवाल यो रहेको छ ।

प्रचण्डलाई प्रधानमन्त्री बनाउन नहुने मत नेपाली काग्रेस भित्र बलियो रहेको छ । चुनावी परिणामले काग्रेस कम्युनिष्टको अपवित्र गठबन्धनलाई अस्विकार गरेको छ । यस्तो अवस्थामा अब गठबन्धन कायम रहला कि नरहला भन्ने सवाल अर्को महत्वपुर्ण सवाल रहेको छ ।

गठबन्धन भत्कन सक्ने सम्भावना पनि उत्तिकै देखिएको छ यस्तो अवस्थामा सरकार कसरी बन्ला त ? बाम गठबन्धनको पनि चर्चा चलिरहँदा काग्रेस एमाले मिलेर सरकार बनाएर देशलाई विकास र समृद्धी दिनु पर्ने आवाज पनि उठ्न थालेको छ ।

राजनितिक विश्लेषक डा विजय मिश्रले काग्रेस र एमाले मिलेर सरकार बनाउनु अहिलेको लागी सबै भन्दा राम्रो विकल्प भएको बताएका छन् । ओटिभी नेपाल डटकमसँग कुराकानी गर्दै मिश्रले काग्रेस एमाले मिलेर प्रचण्डलाई ठेगान लगाउनु पर्ने बताएका छन् ।

द्धन्द्धकालका विभिन्न मुद्धाहरुका कारण जो सँग टाँसिएर भए पनि सरकारमा जानै पर्ने बाध्यतामा माओवादी केन्द्र रहेको भन्दै उनले यहि बेलामा देउवा र ओली मिलेर प्रचण्डलाई ठिक पार्नु पर्ने बताएका छन् । प्रचण्ड कुनै पनि हालतमा प्रधानमन्त्री बन्न नसक्ने जिकिर पनि उनले गरेका छन् ।

ठोकुवानै गर्दै डा मिश्रले प्रचण्ड यो जुनिमा प्रधानमन्त्री बन्न नसक्ने दाबी गरेका छन् । यस भन्दा अघि सरकार निर्माणको चाबी बोकेर बसेका प्रचण्डको हातबाट त्यो चाबी फुत्कीएको भन्दै उनले अब प्रचण्डलाई बाहिर राखेर पनि सरकार बन्ने विकल्पै विकल्प रहेको जिकिर उनले गरेका छन् ।

समसामयिक बिषयलाई केन्द्रमा राखेर राजनितिक विश्लेषक डा बिजय मिश्र सँग ओटिभी नेपाल डटकमले गरेको भिडियो कुराकानी हेर्नुहोस्