सबैलाई चकित बनाउँदै बालेनको नाममा हर्क साम्पाङले गरे यस्तो घोषणा !

स्थानिय तहको निर्वाचनमा स्वतन्त्र उम्मेदवारी दिएर भारी मतले निर्वाचित भएका काठमाडौँ महानगरपालिकाका मेयर बालेन शाह र धरान उपमहानगरपालिका मेयर हर्क साम्पाङ विचको सम्बन्ध सँगै उतारचढावपुर्ण रह्यो । दुई विच अहिले फेरी हार्दिक सम्बन्ध देखिएको छ।

लामो समय सम्म तिक्तक्तापुर्ण रहेको बालेन र हर्कको सम्बन्ध फेरी सुमधुर बन्दै गएको छ । धरानका मेयर हर्क साम्पाङले बालेनको पक्षमा दरिलो साथ दिएका छन् । अहिले चौतर्फी रुपमा बालेनलाई घेराबन्दीमा पार्न खोजिएको भन्दै उनले अब स्वतन्त्रहरु एक हुनु पर्ने बताएका छन् ।

काठमाडौँको फोहोर व्यवस्थापन देखी अवैध संरचनाहरुमा बालेनले डोजर लगाउँदा पनि धरानका मेयर साम्पाङले आलोचना गरेका थिए । दुई विचको सम्बन्धमा ठूलो दरार उत्पन्न भएको थियो । हर्कले बालेन विरुद्ध स्टाटसको बर्षा गराएका थिए । अहिले भने साम्पाङ एकाएक बालेनको सपोर्टमा देखिएका छन् ।

सकुम्बासीबस्तीमा डोजर चलाए पछि बालेनको चौतर्फी आलोचना भए पनि हर्कले भने दरिलो साथ दिएका छन् । केहि दिन अघि साम्पाङले लेखेको एउटा स्टाटस बालेनले सेयर गरिदिएका थिए । बालेनले आफ्नो स्टाटस सेयर गरे पछि दंग परेका साम्पाङले त्यस यता लगातार बालेनको समर्थनमा स्टाटस लेखिरहेका छन् ।

एकातिर सुकुम्बासी बस्तीको बिषय त अर्को तर्फ अमेरिकी राजदुतलाई भेटेको बिषयमा एमालेका नेता भिम रावलसँग बालेनको जुहारी चलिरहेका बेला साम्पाङले भने यसलाई भने बालेनलाई गरिएको घेराबन्दीको रुपमा अर्थाएका छन् ।

मेयर हर्क साम्पाङले काठमाडौं महानगरपालिकाका मेयर बालेन शाहलाई घेराबन्दीमा पारिएको भन्दै स्वतन्त्रहरू एक हुने समय आएको बताएका छन्।
काठमाडौं महानगरपालिकाका मेयर शाहविरूद्धको घेराबन्दी निन्दनीय रहेको भन्दै साम्पाङले स्वतन्त्रहरु एक हुने बेला आएको बताएका हुन् ।

उनले सामाजिक सञ्जालमा लेखेका छन् ‘कथाले माग्यो अब ! स्वतन्त्रहरू एक बन्ने बेला आएको छ १ स्वतन्त्र मेयर बालेन शाहलाई जुन किसिमले घेरा बन्दीमा पारिएको छ, त्यो निन्दनीय छ , यो बेला अरुले साथ देऊन नदेऊन तर मेरो साथ रहनेछ !’

पछिल्लो समय राजनीतिक दलका शीर्ष नेताहरुले बालेनको कामप्रति प्रश्न उठाउँदै आएका छन्। लामो समय तिक्तक्तापुर्ण रहेको बालेन र हर्क साम्पाङको सम्बन्ध सुधार भए पछि देशैभरका समर्थकहरु खुशि देखिएका छन् ।

स्वतन्त्रहरु एक हुनु पर्ने बेला आएको भन्ने हर्कको बुझाइमा समर्थन गर्दैै बालेन र हर्कका समर्थकहरुले प्रतिक्रिया जनाइरहेका छन् । हर्कको स्टाटसमा हजारौँले लाइक ,कमन्ट र सेयर गरिरहेका छन् । बालेनको आलोचना गर्दै आएका साम्पाङ एकाएक कसरी प्रशंसक बनेर निस्किए भनेर कतिपय भने चकित बनेका छन् ।