बदला त यस्तो होस् जुन भगवती चौधरीले बिजय गच्छादारसँग लिइन् !

पाँच बर्ष अघि भएको निर्वाचनमा सुनसरी ३ मा काग्रेस नेता बिजय कुमार गच्छादरले धाँधली गरेर हराएको भन्दै एमाले नेतृ भगवती चौधरीले सँधै भरी गुनासो गरिरहिन् तर यस पटकको निर्वाचनको उनै चौधरीले गच्छादारसँग साँवा व्याज सहित असुल गर्ने गरि बदला लिएकी छिन् ।

२०७४ सालमा भएको प्रतिनिधीसभाको निर्वाचनमा सुनसरी क्षेत्र नम्बर ३ मा नेकपा एमालेको तर्फबाट उम्मेदवार बनेकी भगवती चौधरीलाई नेपाली काग्रेसका उम्मेदवार विजय कुमार गच्छादारले धाँधलीपुर्ण तरिकाले निर्वाचन हराएको आरोप लागेको थियो तर यस पटकको निर्वाचनमा उनै भगवतीले गच्छादारसँग बदला लिएकी छिन् ।

पाँच बर्ष अघि मत गणनाको अन्तिम समयमा झेली गरेर भगवतीलाई हराएर गच्छादरलाई जिताएको आरोप लाग्ने गरेको छ । त्यस बखत भगवतीले आफु माथी अन्याय भएको भन्दै अदालतमा मुद्धा समेत हालेकी थिइन् तर अहिले उनले गच्छादरसँग साँवा व्याज समेत उठ्ने गरि हिसाब उठाएकी छन् ।

२०४८ साल देखी लगातार चुनाव जितेर सांसद बन्दै आएका गच्छादारको अपराजित यात्रामा ब्रेक लागेको छ । तेस्रो पटकको प्रयासमा एमाले नेतृ भगवती चौधरीले गच्छादारलाई सानदार रुपले पारजित गरेकी छिन् । भर्खरै सम्पन्न सुनसरी ३को मतगणनामा काग्रेस उम्मेदवार गच्छादारलाई हराएर एमाले उम्मेदवार भगवती चौधरी बिजयी भएकी छिन् ।

मतगणनाको पछिल्लो परिणामअनुसार सुनसरी–३ मा तीन पटकको प्रयासमा गच्छदारलाई हराएर एमालेकी भगवती चौधरीले संसद्मा प्रवेश गरेकी हुन्। ०४८ सालदेखि निरन्तर चुनाव जित्दै आएका नेपाली कांग्रेसका विजयकुमार गच्छदारको संसद यात्रामा ‘ब्रेक’ लगाएर भगवती साहसिक मात्रै बनिनन्, भाग्यमानी महिलासमेत बनेकी छन्।

साथै प्रदेश १ बाट एमालेका तर्फबाट संघीय संसद्मा प्रतिनिधित्व गर्नेमा भगवती एक्ली महिला बनेकी छन्। २०७० मा एमालेको पूरै संगठन लाग्दा र २०७४ मा वाम गठबन्धनबाट चुनाव लड्दासमेत पराजित भएकी भगवती यसपटक भने सत्ता गबठन्धनबाट निर्वाचनमा उठेका गच्दारलाई हराएर भाग्यमानी साबित भएकी हुन्।

दोस्रो संविधानसभा निर्वाचन ०७० र ०७४ को संसदीय निर्वाचनमा उनै गच्छदारसँग पराजित भएकी भगवतीको तेस्रो प्रयास सफल भएको छ।०७४ मा झिनो मतान्तरले पराजित भएकी चौधरीले गच्छदारबाट धाँधली भएको आरोपसमेत लगाएकी थिइन्। एमालेकी केन्द्रीय सदस्यसमेत भइसकेकी उनी पूर्व वन राज्यमन्त्री समेत हुन्। ०४६ सालको जनआन्दोलनमा सहभागी भएकी उनी ०४८ सालदेखि नेकपा एमालेको सदस्यता लिएकी हुन्। फरवार्ड माइक्रोफाइनान्स लघुबित्त संस्थामार्फत महिला तथा विपन्नलाई रोजगारी सिर्जनामा उनको योगदान छ।

उनले दशकदेखि हुन नसकेको विकास निर्माणको काम आफूले पाँच वर्षमै गर्ने बताउँदै आएकी छन्। चुनावी अभियानमा क्रममा भगवतीलाई ‘प्रभाशाली मन्त्री’ का रूपमा पनि प्रचार गरिएको थियो। उनी एमालेकी शक्तिशाली नेत्री रहेको कतिपय कार्यकर्ताको बुझाइ छ।

चौधरीले आर्थिक अभावमा रहेका महिलालाई लक्षित गर्दै उक्त माइक्रोफाइनान्स सञ्चालनमा ल्याएकी थिइन्। जसले गर्दा पनि उनलाई आज चुनाव जित्नका लागि सहज भएको हो। चौधरीले गरिब तथा विपन्न वर्गका महिलाहरूलाई दैनिक पाँच रुपैयाँका दरले बचत गर्न सिकाइन्। निरक्षर महिलाले पनि बचतको सिको गरे। सोही कारण पाँच, दस रुपैयाँबाट सुरु भएको बचत लाखमा पुगेको छ। चौधरीले आफ्नो क्षेत्रका महिलाको जीवनस्तर उकास्नका निम्ति सामाजिक कामसँगै वित्तीय सचेतना ल्याएका कारण पनि उनको पक्षमा जनताहरू आकर्षित भएको बताइन्छ।

नेकपा एमाले सुनसरी जिल्ला सदस्य एकराज दाहाल भन्छन्, ‘सुनसरी ३ मा अहिले नतिजा हेर्दा सिंगो नेकपा एमालेले जितेको हो। यहाँका जनताले कांग्रेसलाई हराएको भन्दा पनि भगवती चौधरीलाई जिताएको हो, एमालेलाई जिताएको हो।’

उनले ०७० र ०७४ मा पनि आफूहरूले चुनाव जिते पनि धाँधली भएको आरोप दोहो¥याए। ‘यसअघि पनि कांग्रेसले भन्दापनि विजय गच्छदारले जालझेल गरेको हो, धाँधली गरेर चुनाव जितेको हो,’ उनले भने, ‘अहिले गच्छदारले भ्रष्टाचारको मुद्वा खेपिरहेका कारण पनि हामीलाई चुनाव जित्न सहज भयो।’

गच्छदारले कहिले कांग्रेसको नाममा त कहिले फोरमको नाममा पटकपटक निर्वाचन जिते पनि यसपटक भने जनताले परिवर्तनको पक्षमा मत खसालेका कारण एमालेको जित भएको उनको तर्क छ।

उनै भगवतीलाई पटकपटक टिकट किन भन्ने जिज्ञासामा उनले भने, ‘भगवती चौधरी जनतामाझ काम गरेको र जनतामाझ परिचित भएकाले उहाँलाई टिकट दिइएको हो, एकजना थारु, त्यो पनि महिला भएका कारण महिलालाई प्राथमिकतामा राखिइको हो।’

गच्छदारले सातपटक चुनाव लड्दा चौधरीले तीनपटक टिकट पाउनु नौलो कुरा नभएको उनको ठम्याइ छ। उनले भने, ‘यसपटक उहाँले सकारात्मक काम गर्नुहुनेछ, अर्कोपटक भने एमालेले विकल्प खोज्न पनि सक्छ।’