मोदीको अगाडी थरथर काम्यो देउवा सरकार, जनता मार्दा पनि उसकै चाकरी !

सर्वोच्च अदालतको परामादेश बाट प्रधानमन्त्री बनेका शेरबहादुर देउवा माआवादी केन्द्रका अध्यक्ष पुष्पकमल दाहाल प्रचण्डले भनेझै कन्फरटेवल सरकार होकी भन्ने प्रमाणित हँदै गएको छ । इण्डीएन एसएसबीले तुइनको तार काटिदिएका कारण तुइनमा झुन्डिएका जयसिंह धामी महाकाली नदिमा खसेर वेपत्ता भएको कुरालाई ढाकछोप गर्न देउवा सरकारले न्वारन देखिको बल लगाएको छ

इण्डीयन ज्यादतीको विरुद्ध दरो सँग उभिनु पर्ने सरकारले उल्टै गलत समाचा र सुचना संप्रेषण नगर्नु भन्ने मिडियालाई उर्दि जारी गरेको छ ।प्रत्यक्षलदर्शीहरुले जयसिंहलाई तुइन तार्ने क्रममा इण्डीयन एसएसवीले तुइन काटेर महाकालीमा बेपत्ता बनाएको र सो घटनापछि एसएसवीका जवान भागेको बयान दिएका छन भने सरकारले गलत सूचना भन्दै आपत्ति जनाएको छ ।

जयसिंहलाई तुइन तार्ने स्थानीय कल्याण सिंह धामीले एसएसबीले तुइन काटेर जयसिंहलाई महाकालीमा बेपत्ता बनाएको बताउनु भएको छ । धामीका अनुसार जयसिंह नेपालतर्फको भूमिबाट तुइनमा सर्कंदै थिए, उता भारतीय सशस्त्र सीमा बल ९एसएसबी० का जवान तुइनको लट्ठा फुस्काउँदै थिए । ‘उताबाट अचानक रूखको लट्ठा फुस्काउन थाले, हामीले होहल्ला गर्दागर्दै तुइन फुस्कियो, जयसिंह तारसहित खोलामा खसे र बेपत्ता भए । वारि काठको खम्बा र पारि रूखको हाँगामा लट्ठा बाँधिएको थियो । रूखमा बाँधिएको तुइन फुकाल्दा घटना भएको भन्नेमा कल्याणसिंह प्रस्ट छन् ।

जयसिंहले तुइनमा चढ्ने तयारी गर्दागर्दै पारिपट्टि तुइन बाँधेको ठाउँनजिकै एसएसबीका एक जवान देखिए पनि वारिपट्टि शंका भइसकेको थियो । किनकि यस्ता तुइन बेलाबेलामा एसएसबीले काट्दै आएको थियो । ‘तर, मान्छे नै झुन्डिएका बेला तुइन काट्ला भनेर सोच्नै सकिएन, त्यही भूल भयो,’ कल्याणसिंह भन्छन्, ‘एसएसबीका मान्छे रूखसम्म पुगुञ्जेल तरिसक्छु भनेर जयसिंहले तुइन सर्काउन थाले, उनी फटाफट पारि पनि पुगिसकेका थिए, तीन–चार मिटर मात्र बाँकी रहँदा तुइनसहित जयसिंह महाकालीमा पछारिए ।’

तर प्रधानमन्त्री शेरबहादुर देउवा नेतृत्वको सरकारको गृह मन्त्रालय यो कुरालाई मान्न तयार देखिएको छैन । उस्ले दार्चुला घटनाको अनुसन्धान तथा छानबिन जारी रहेकोले भ्रम सिर्जना हुने गरी सूचना सम्प्रेषण नगर्न अनुरोध गरेको छ । मन्त्रालयका प्रवक्ता फणिन्द्रमणि पोखरेलले शनिबार विज्ञप्ति जारी गर्दै घटनाको सथ्यतथ्य पुष्टि भइनसकेको अवस्थामा भ्रम सिर्जना हुने सूचनारसमाचार सामग्री प्रकाशन नगर्न सम्बन्धित सबैमा गरेका छन् ।

दार्चुलाको व्यास गाउँपालिका–२ बाट तुइन प्रयोग गरी भारततर्फको बाटो हुँदै सदरमुकाम खलंगा आउने क्रममा शुक्रबार एसएसबीले तुइन काटिदिँदा स्थानीय ३३ वर्षीय जयसिंह धामी महाकाली नदीमा बेपत्ता छन् ।

उक्त घटनाप्रति दुःख प्रकट गर्दै मन्त्रालयले स्थानीय प्रशासन एवं सुरक्षा निकायहरुलाई वास्तविकता पत्ता लगाउन आवश्यक निर्देशन दिइसकेको र सत्यतथ्य जानकारी तथा खोज उद्धारको लागि जिल्ला प्रशासन कार्यालय, दार्चुलाबाट नेपाल प्रहरी, सशस्त्र प्रहरी बल र राष्ट्रिय अनुसन्धान विभागको टोली खटिइ घटनास्थलमा आवश्यक जाँचबुझ गरिरहेको विज्ञप्तिमा उल्लेख गरेको छ । टोली फर्किए पश्‍चात् यथार्थ जानकारी प्राप्त हुने पनि प्रवक्ता पोखरेलले जारी गरेको विज्ञप्तिमा उल्लेख छ ।

प्रत्यक्षदर्शीले बोलेको भिडियो समेत सार्वजनिक भएको अवस्थामा उल्टै इण्डीयन सरकारलाई बल पुग्ने गरी नेपाल सरकारले घटनालाई तोडमोड गर्न खोज्नुले जनमानसमा शंका उत्पन्न भएको छ । हिजै मात्रै इण्डीयन प्रधानमन्त्री मोदीले नेपाललाई भुटान सँग तुलना गर्दै टुइट गरेका थिए । नेपाल सरकारले नै ढाकछोप गरि घटनालाई सामान्यीकरण गर्न खोजको भन्दै नेपाली जनमानसमा आक्रोस पैदा भएको छ ।