काग्रेसमा पनि एमसीसी विरोधी क्याम्पेनिङ सुरु ,देउवा र गगनलाई गम्भिर धक्का !

सरकारको नेतृत्व गरिरहेको दल नेपाली काग्रेस भित्र विवादित अमेरिकी सहयोग परियोजना एमसीसीको बिषयमा एकमत भएको र त्यो पारित गरिनु पर्छ भन्ने मत रहेको भन्ने कोणबाट प्रचार भए पनि वास्तविकता त्यो भन्दा फरक भएको पाइएको छ ।

एमसीसीकै बिषयलाई लिएर सिंगो देश धु्रविकृत भएको अवस्था छ । अमेरिकाले अहिलेनै पारित गर्नका लागी निकै जोडबल लगाए पनि कुनै पनि हालतमा पास गरिहाल्ने र पास गर्न नदिने शक्तिहरु आमने सामने हुने अवस्था देखिएको छ ।

प्रधानमन्त्री समेत रहेका काग्रेस सभापती शेरबहादुर देउवाले अब आफुले दबाव थेग्नै नसक्ने अवस्था आएको भन्दै एमसीसी पास गराउँन दौडधुप गरिरहेका छन्। काग्रेस भित्र अहिले उनलाई फरक प्यानल बाट महामन्त्री निर्वाचित भएका गगन थापाले काँधमा बोकेका छन् ।

परिस्थिती यति गम्भिर बनिसकेको छ की एमसीसीको बिषय अब घरेलु राजनितीको बिषय मात्रै नभएर अमेरिका र चिन दुवै देश खुलेर मैदानमा उत्रिएका छन् । केहि समय अघि मात्रै अमेरिकी सहायक विदेशमन्त्री डोनाल्ड लुले फोन गरेर नेपालका मुख्य राजनितीक दलका मूख्य नेताहरुलाई धम्कीनै दिएको खबर सार्वजनिक भयो भने चिनले पनि अमेरिकाले धम्कीको कुटनिती सुरु गरेको भन्दै प्रतिवाद गर्ने चेतावनी दिएको छ ।

सत्तागठबन्धनमा रहेका दलहरु नेकपा माओवादी केन्द्र , नेकपा एस र राष्ट्रिय जनमोर्चाले यथाअवस्थामा एमसीसी पारित गर्न नसकिने भन्दै सडक तताउँन थालेसकेका छन् भने जनता समाजवादी पार्टीका संघिय परिषद अध्यक्ष डा बावुराम भट्टराई एमसीसी पास गर्न हतारिएका छन् तर उनकै पार्टी भित्र उपेन्द्र यादव पक्ष मान्न तयार छैन ।

सरकारको नेतृत्व गरिरहेको दल नेपाली काग्रेसका अधिकांश नेताहरु एमसीसी पारित गरेरै जानु पनर्,े ढिलो गर्दा अन्तराष्ट्रिय रुपमै नेपालको छवी विग्रने भयो भन्नेमा देखिए सहमत भए पनि उक्त पार्टी भित्र पनि एमसीसी विरोधी मत बलियो बन्दै गएको बताइएको छ ।

प्रधानमन्त्री देउवाले एमसीसी पारित गराउँनका लागी महामन्त्री गगन थापालाई काँध हालेर हिँडे पछि अर्का महामन्त्री विश्वप्रकाश शर्मा सशंकित भएको बताइएको छ । पछिल्लो समय खासै सार्वजनिक अभिव्यक्ति नदिएका शर्मा एमसीसीको विरोधमा रहेको सुचना ओटिभी नेपाल डटकमले प्राप्त गरेको छ ।

शर्मा निकट स्रोतले ओटिभी नेपाल डटकमलाई दिएको सुचना अनुसार उनी राष्ट्रिय सहमती नभइ एमसीसी पास गर्न नुहुने पक्षमा रहेका छन् । त्यसो त केहि समय अघि एक सार्वजनिक कार्यक्रममै शर्माले देशलाईनै धरौटि राखेर कुनै अनुदान नचाहिने बताएका थिए ।

जनस्तरमा व्यापक आलोचना भइरहेको बिषयलाई काग्रेसले झ्याप्पै बोकेर हिड्दा व्याक फायर हुने कतिपय काग्रेस नेताको बुझाइ रहेको देखिन्छ । पार्टी भित्र एमसीसीको विरोध गरिहाल्दा कोपभाजनमा पर्ने देखेर विस्तारै उनीहरु संगठित शक्ति निर्माण गरेर बोल्ने तयारीमा रहेको बताइएको छ ।

काग्रेस भित्र लोकप्रिय रहेका अर्का नेता चन्द्र भण्डारी पनि एमसीसीको विरोधमा देखिएका छन् । भण्डारीले राष्ट्रिय सहमती नभइ कुनै पनि हालतमा एमसीसी पास गर्नै नहुने बताएका छन् । नेपालमा एमसीसी धेरैनै गिजोलिएकोे भन्दै भण्डारीले विदेशीले दियो भन्ने बित्तिकै ऋण ,अनुदान जे भए पनि खाइहाल्ने नेपाली नेताहरुका कारण समस्या भएको उनले बताए ।

जनस्तर बाट यति धेरै प्रश्न र आशंकाहरु उठिसके पछि त्यसको उचित सम्बोधन र जवाफ नदिइ काग्रेसले जर्बजस्ती एमसीसी पास गराउँन नमिल्ने पनि उनले बताएका छन् ।’ एमसीसी राम्रो होला तर यो मान्न जनता तयार छैनन् यसको जवाफ दिनै पर्छ अन्यथा यो कमद काग्रेसकै लागी पनि आत्मघाती हुने छ’ । भण्डारीले भनेका छन् ।