राजनितीमा नाटकिय परिर्वतन ,ओलीलाई प्रधानमन्त्री बन्न दोहोरो अफर !

परमादेशबाट नेपाली काग्रेसका सभापती शेरबहादुर देउवालाई प्रधानमन्त्री बनाउँन बनेको गठबन्धन भत्किने अन्तिम अवस्थामा पुगेको छ । नयाँ सत्तासमिकरणको सम्भावना बारे पनि चर्चा सुरु भएको छ ।

विवादित अमेरिकी सहयोग परियोजना एमसीसीकै कारण सत्तागठबन्धन गर्लाम्म ढल्न लागेको बताइन्छ । परमादेशबाट बिग्रिएको नेपालको राजनितीको लिक फेरी फर्किएर उहि ठाउँमा पुग्न लागेको विश्लेषण पनि सुरु भएको छ ।

घटनाक्रम र परिस्थितीमा आएको गम्भिर परिवर्तनले प्रमुख प्रतिपक्षी दलका नेता केपी ओलीलाई फेरी बालकोटको बार्दली बाट बालुवाटार बसाई सार्न सक्ने सम्मको अवस्था बारे चर्चा सुरु भएको छ । प्रधानमन्त्री शेरबहादुर देउवा र माओवादी केन्द्रका अध्यक्ष प्रचण्ड र नेकाप एसका अध्यक्ष माधव कुमार नेपाल विच विग्रिएको सम्बन्धले त्यहाँ सम्म पनि पुग्न सक्ने अुनमान गरिएको छ ।

यसै विच एमाले अध्यक्ष ओलीलाई प्रधानमन्त्री बन्न देउवा र प्रचण्ड दुवै लाइनबाट अफर आएको सुचना ओटिभी नेपालले प्राप्त गरेको छ । विश्वस्त स्रोतले दिएको जानकारी अनुसार प्रधानमन्त्री देउवाले एमसीसी पास गर्न सहयोग गर्न ओलीलाई आग्रह गरेका छन् । देउवाले ओलीलाई दिएको विभिन्न विकल्पहरुमा प्रधानमन्त्री छोड्न समेत आफु राजी भएको वचन दिएका छन् ।

गठबन्धनमा सहमती नभए पछि पत्नी आरजु राणालाई समेत बोकेर ओली निवास बालकोट पुगको देउवाले ओली सँग लामो गोप्य वार्ता गरेका थिए । ओली र देउवा विच भएको कुराकानी बाहिर नआए पनि विभिन्न विकल्पहरुमा कुराकानी भएको स्रोतको दाबी छ ।

यता माओवादी केन्द्रका अध्यक्ष पुष्पकमल दहाल प्रचण्ड लाइनबाट पनि ओलीलाई प्रधानमन्त्री बनाउँन सकिने सांकेतिक प्रस्ताव बालकोट पुगेको बताइन्छ । मुखै खोलेर प्रस्ताव नआए पनि त्यसको संकेत खुमलटारबाट बालकोट पुगेकोे बताइएको छ ।

केहि दिन अघि मात्रै एक अन्तवार्तामा माओवादी केन्द्रका अध्यक्ष पुष्पकमल दहाल प्रचण्डले आफु बालकोट जान सक्ने बताएका थिए । आाफु केपी ओली जस्तो ढोका बन्दवाला नभएको भन्दै उनले समस्याको गाँठो फुकाउँन बालकोट जाने बताएका थिए ।

एमसीसी पास गरिछाड्ने र गर्नै नदिने दुवै लाइनले ओलीलाई प्रधानमन्त्री बनाउँदा मात्रै आफुले भने जस्तो हुन सक्ने विश्लेषण गरेको बताइएको छ । काग्रेसले ओलीलाई प्रधानमन्त्री बनाउँदा एमसीसी सजिलै पास हुने र त्यसको भारी आफ्नो मात्रै काँधमा नआउँने हिसाब गरेका छ भने प्रचण्ड लाइनले पनि ओलीलाई प्रधानमन्त्री बनाउँदा एमसीसी रोकिने र फेरी पनि बामगठबन्धनको सम्भावना खोज्न सकिने हिसाब निकालेर बसेको छ ।

ज्योतिष समेत रहेका एमाले अध्यक्ष केपी ओलीका बुवा मोहन प्रसाद ओलीले आफ्नो छोरो फेरी प्रधानमन्त्री बन्ने भविश्यवाणी गरेका थिए , एमाले ज्योतिषमा विश्वास नगर्ने मार्सवादी पार्टी भए पनि बुवाको भविश्यवाणी छोरालाई मिल्ने होकी ? फागुनमै ओली चौथो पटक नेपालको प्रधानमन्त्री बन्ने साइत आएकै होकी ? भन्ने चर्चा एमाले वृतमा व्यापक रुपमा चल्न थालेको छ ।