एकै पटक देशभरका एमालेलाई जुरुक्कै उचाल्ने ओलीको त्यो भाषण !

प्रमुख प्रतिपक्षी दल नेकपा एमालेका अध्यक्ष केपी ओलीले एकै पटक देशभरका एमाले कार्यकर्ता देखी शुभचिन्तक सम्मलाई जुरुक्क उचाल्ने अभिव्यक्ति दिएका छन् ।

परमादेशबाट बनेको सरकार धर्मराइरहेको र गठबन्धन नै तोडिने अवस्था आएका बेला एमाले अध्यक्ष ओलीले परामादेशी गठबन्धनमा रहेका दलहरुमाथी कडा शब्दमा प्रहार गरेका छन् । ओलीले देउवा र उनको पछि रहेका गठबन्धनलाई पानी मुनी गए नछोड्ने बताएका छन् ।

केहि समय देखी सार्वजनिक मंचमा कमै देखिएका ओलीले एकै पटक गठबन्धन दलका नेता माथी फायर खोलेको छन् । ओलीले वर्तमान सत्ता गठबन्धनको आयु बढीमा एक वर्ष मात्रै रहेको बताएका छन् । शनिबार भक्तपुरको सूर्यविनायकमा आयोजित एक कार्यक्रममा बोल्दै अध्यक्ष ओलीले अब एक वर्षभित्र संघीय संसद्को चुनाव हुने र चुनावपछि एमालेले वर्तमान सरकारलाई विस्थापित गर्ने दाबी गरे ।

सत्तारूढ पाँचदलीय गठबन्धनलाई स्वार्थी भन्दै उनले उनीहरूलाई आगामी निर्वाचनमा पानीमुनि गए पनि एमालेले नछाड्ने बताए । अब एक वर्षभित्र चुनाव हुनैपर्छ । पानीमुनि गए पनि यो स्वार्थी गठबन्धन बच्न सक्दैन । त्यसकारण अब त बढीमा एक वर्ष हो आयु । संसारभरिका जोतिषीलाई एकैठाउँमा राखेर सोध्यो भने पनि त्यही भन्छ– यो सरकारको आयु बढीमा एक वर्ष हो ‘
अध्यक्ष ओलीले निर्वाचनमा प्रशासनको दुरूपयोग गरे त्यसको प्रतिवाद गरेर अघि बढ्न आफ्नो पार्टी सक्षम रहेको पनि बताए । उनले निर्वाचनमा जनताको मतलाई खोस्न नदिनेगरी अघि बढ्न पार्टीका नेता–कार्यकर्तालाई निर्देशनसमेत दिए ।

ओलीले प्रचण्ड र माधवकुमार नेपाल नेतृत्वको पार्टीमा गएकाहरूलाई एमालेमै फर्कन पनि आग्रह गरे । प्रचण्ड र नेपालले झुक्याएर पार्टीको सदस्यता दिएकाहरूलाई पार्टीमा आउन र राष्ट्र निर्माणको अभियानमा सहभागी हुन ओलीको आग्रह छ ।

‘राम्री केटी देखेपछि छ्वास्स टाउकोमा सिन्दूर हालेर भाग्ने । के भो, के भो भन्दाभन्दै ह्वाँु पुगिसक्यो । माइतीहरू सिन्दूर हालिहाल्यो खोजेर सिन्दूर लाउने कहिले माकुनले सिन्दूर हालिदिएको छ झुक्याएर । कहिले प्रचण्डले झुक्याएर छ्वास्स हालिदिएको छ, सिन्दूर । कहिले कांग्रेसले हालिदिएको छ । आउनुस्, तिनीहरूले झुक्याएर हालिदिएका सिन्दूरहरू छोडिदिनुस् । एमालेका आउनुस्, देश बनाउने अभियानमा लागौँ,’ ओलीले भने ।