अब म प्रेसर थेग्न सक्दिन भन्दै खुईखुई गर्छन् देउवा, अमेरिकालाई दिएको बचन पुरा गर्न नसके पछि भयो यस्तो हालत !

अमेरिकाले कुनै पनि हालतमा तत्काल एमसीसी पास गर्नु पर्ने भन्दै चर्को दबाव दिए पछि प्रधानमन्त्री एवं नेपाली काग्रेसका सभापती शेरबहादुर देउवा वेचैन देखिएका छन् ।

स्थानिय तहको निर्वाचनको मिती त सरकारले तोकेको छ तर देउवाको ध्यान भने कसरी एमसीसी पास गर्ने भन्नेमा देखिएको छ । एमसीसीका लागी प्रधानमन्त्री देउवाको दौडधुप र सक्रियता हेर्दा उनी कुन लेभलको हतारोमा छन् भने सहज अनुमान गर्न सकिन्छ ।

तारन्तार प्रयास गरे पनि एमसीसी सदनमा पेस गर्न देउवालाई सफलता भने मिलिरहेको छैन । परमादेशबाट प्रधानमन्त्री बनाउँन साथ दिएकाहरुले एमसीसी पास गर्न साथ नदिने प्रष्ट भए पछि देउवाको दौडधुप झनै बढेको छ । प्रमुख प्रतिपक्ष नेकपा एमालेका अध्यक्ष केपी सँग गुहार माग्न गएका उनी उता बाट पनि सकारात्मक जवाफ नआए पछि चिन्तित भएका छन् ।

आज फाइनल गर्ने भनेर गठबन्धनको बैठक पटक पटक बसे पनि कुनै निष्कर्ष निकाल्न सकेका छैनन् । आजकालको बैठकमा प्रधानमन्त्री देउवा अली आक्रामक रुपमा प्रस्तुत हुन थालेको बताइएको छ । बैठकमा सहभागी एक नेताले ओटिभी नेपाललाई बताए अनुसार देउवा निकै हतास र तर्सित देखिएका छन् ।

नेकपा माओवादी केन्द्रका अध्यक्ष पुष्पकमल दहाल प्रचण्ड , नेकपा एसका नेता झलनाथ खनाल लगायतका नेताहरुले केहि समय अझै लिएर केहि बुँदाहरुमा शंशोधन गराउँ अनी पास गराउँ भन्दा पनि कुरा नै सुन्न सक्ने अवस्थामा देउवा रहेका छैनन् । देउवाले खाली पास गरा,ैँ अहिलेनै पास गरौँ मात्रै भनेर भन्ने गरेको कुरा एक नेताले ओटिभी नेपाललाई सुनाए ।

म अब थेग्नै सक्दिन ठूलो प्रेसर छ भनेर देउवा फन्फनीने गरेको प्रत्यक्षदर्शी एक नेताले बताए । नेकपा एसका नेता झलनाथ खनालले पनि प्रधानमन्त्री देउवाको छट्पटी देख्दा अचम्म लागेको छ भनेका छन् । मलाई ठूलो प्रेसर छ अब एमसीसी रोक्न सकिँदैन मात्रै भन्नुहुन्छ देउवाजी उहाँलाई कस्तो प्रेसर हो बुझ्न सकिएको छैन । खनालले भनेका छन् ।

देउवाको प्रेसर कति सम्म पुगेको रहेछ भने अमेरिकी सहायक विदेशमन्त्री डोनाल्ड लुले फोन गरेर धम्की दिँदा पनि उनले त्यसलाई स्वाभाविक भन्ने प्रतिक्रिया दिए । काग्रेस प्रवक्ता डा प्रकाशशरण महतले अमेरिकी सहायक विदेश मन्त्रीले भनेको कुरालाई धम्की भन्दा पनि चासोका रुपमा बुझ्नु पर्ने बताए ।

प्रमुख प्रतिपक्षी दल नेकपा एमालेका अध्यक्ष केपी ओलीको निवासमा श्रीमती आरजु राणालाई समेत लिएर पुगेका देउवा त्यता बाट पनि सकारात्मक जवाफ नआए पछि थप तनावमा परेका छन् । काग्रेसमा देउवा र गगन थापालाई एमसीसी पास गर्न भएको हतारो देख्दा ठूलै दबाव आएको जस्तो विश्लेषण गरिएको छ ।

वरिष्ठ अधिवक्ता डा सुरेन्द्र भण्डारीले प्रधानमन्त्री देउवा र काग्रेस महामन्त्री गगन थापामा देखिएको बेचैनीलाई सामान्य मान्य सकिने अवस्था नरहेको बताएका छन् । ओटिभी नेपाल डट कम सँगको कुराकानीमा डा भण्डारीले उनीहरुमा अमेरिकाले ठूलै प्रेसर दिइरहेको र उनीहरु पहिलनै चुकिसकेको जस्तो देखिएको बताए ।