प्रचण्ड र माधवलेनै एमसीसी पास गर्ने गरि तयार भयो यस्तो आइडिया , फेरी अर्को खेल सुरु !

एमसीसीको विवाद पेचिलो बनिरहेको र यहि कारण गठबन्धननै टुट्ने अवस्था सम्मको विश्लेषण भइरहेका बेला एमसीसी पनि पास हुने र गठबन्धन पनि जोगिने विकल्पमा सत्तागठबन्धनका नेताहरुले छलफल तिब्र पारेका छन् ।

नेपाली काग्रेसका सभापती एवं प्रधानमन्त्री शेरबहादुर देउवाका दूतका रुपमा वरिष्ठ नेता रामचन्द्र पौडेलले एकातिर शिर्ष तहमा संवाद बढाएका छन् भने एमसीसी पास गर्ने ठेक्कानै लिएको जसरि सक्रिय भएका काग्रेस महामन्त्री गगन थापा पनि कसरी गठबन्धन भित्रैबाट एमसीसी पास गराउँन सकिन्छ भनेर दौडिएका छन् ।

अमेरिकाले दिएको एमसीसी पास गरिसक्नु पर्ने अन्तिम समय सिमा नजिकिँदै जाँदा देउवा टिमले हर उपाय लगाएर एमसीसी पास गर्न जोडबल लगाइरहेको छ । नेकपा माओवादी केन्द्र र नेकपा एसले यथाअवस्थामा एमसीसी पास गर्न नसकिने निर्णय गरिसकेको अवस्थामा कसरी उनीहरुको फेस सेब गर्न सकिन्छ भनेर पनि उपाय खोजि हुन थालको बताइन्छ ।

नेकपा एस पार्टी भित्र मन्त्री पद जोगाउँनैका लागी भए पनि एमसीसी पास गर्नु पर्ने लाइनमा देखिएका रामकुमारी झाँक्रीहरुले पनि निकै जोडबल गरेर एमसीसी पास पनि गर्ने र गठबन्धन पनि जोगिने विकल्पमा छलफल थालेका छन् ।

संसदमा एमसीसी टेबुल भएका दिन संसद भवन बाहिर पत्रकारहरुलाई प्रतिक्रिया दिँदै एस पार्टीकी सचिव समेत रहेकी शहरी विकासमन्त्री रामकुमारी झाँक्रीले संकल्प प्रस्ताव या व्याख्यात्मक विधीको माध्यमबाट एमसीसी पास गर्न सकिने बताइएकी थिइन भने काग्रेस महामन्त्री गगन थापाले पनि मतदानको दिन सम्म आइपुग्दा गठबन्धनकै दलहरु एमसीसीको पक्षमा आइपुग्ने दाबी गरेका थिए ।

सोमबार साँझ महामन्त्री थापाले नेकपा एकीकृत समाजवादीका सचिवद्वय रामकुमारी झाँक्री, जीवनराम श्रेष्ठ र केही कानुनविद्सँग छलफल गरेका थिए । गठबन्धनभित्र एकमत निर्माणका लागि थापाले एमसीसी पास गर्दा व्याख्यात्मक घोषणा प्रस्ताव पनि पास गर्न सकिने प्रस्ताव अगाडि सारेका छन् ।

उनले भने, ‘अन्तर्राष्ट्रिय कानुनमा एउटा व्यवस्था छ । सन्धि अनुमोदन गर्ने देशले छुट्टै व्याख्या घोषणा गर्न पाउँछ । हामी त्यो व्याख्यात्मक घोषणा गरौँ । व्याख्यात्मक घोषणाबाट हामीले आफ्नो कुरा भनौँ ।’

महामन्त्री थापाका अनुसार नेकपा माओवादी र एकीकृत समाजवादीले एमसीसीमा खोजिरहेको परिमार्जन व्याख्यात्मक बाटोबाट गर्न सकिन्छ ।एमसीसीबारे व्याख्यात्मक घोषणा भए त्यो सन्धिको अंग नै बन्ने थापाको भनाइ छ । ‘हामीले संसद्बाट एमसीसी सम्झौता पासमात्र गर्दैनौँ, व्याख्यात्मक घोषणा पनि पास गर्छौँ । त्यो पनि सन्धिको अंग बन्छ,’ उनले भने ।

त्यो सन्धिको अंग बनिसकेपछि कार्यान्वयनमा जाँदा केही मान्छेले राखेको संशयको सम्बोधन हुने थापाको भनाइ छ । उनले भने, ‘त्यो संशयमा तलमाथि भयो भने यो सन्धि कुनै पनि बेला खारेज गर्ने हक राख्छ ।’

काँग्रेस महामन्त्री गगन थापाको व्याख्यात्मक प्रस्तावमा एकीकृत समाजवादीका अध्यक्ष माधव नेपाल सकारात्मक छन् । व्याख्यात्मक घोषणा गरेर जाँदा एमसीसीमा गठबन्धन एक ठाउँमा उभिने अवस्था बन्ने एकीकृत समाजवादीको पनि बुझाइ छ ।

एकीकृत समाजवादीका नेताहरूले सोमबार राति ९ बजे उक्त प्रस्ताव अध्यक्ष माधव नेपाललाई भेटेर सुनाएका थिए ।एकीकृत समाजवादीका संसदीय दलका प्रमुख सचेतक समेत रहेका जीवनराम श्रेष्ठले भने, ‘एसमीसीबारे राष्ट्रघाती बुँदा कसरी सम्बोधन गर्न सकिन्छ भन्ने विषयमा व्यापक छलफल भइरहेको छ । एमसीसी पास गर्दा राष्ट्रघात होला भन्नेमा आम चासो छ ।’

त्यसैले व्याख्यात्मक घोषणा गरेर सन्धिकै अंग बनाएर जाने विषयमा सकारात्मक रहेको उनको भनाइ छ ।काँग्रेस महामन्त्री थापासँग भएको छलफलबारे श्रेष्ठले भने, ‘हामीबीच भएको छलफलप्रति अध्यक्षज्यू सकारात्मक हुनुहुन्छ ।’

व्याख्यात्मक घोषणा सन्धिको अंगका रूपमा दुवै पक्षले स्वीकार जाने स्थितिमा ठीक हुन्छ भन्ने माधव नेपाल भनाइ रहेको श्रेष्ठले बताए ।‘जनताले उठाएका कुरा स्पष्ट पार्न सकियो र सन्धिको अंगका रूपमा राख्न सकियो भने विमतिको कुरा सकिन्छ । व्याख्यात्मक घोषणा गरी सरकार र एमसीसी दुवै पक्ष मानेर जाने कुरा हाम्रो विमति छैन र हुँदैन पनि,’ उनले भने ।

राष्ट्रिय समस्या आएको बेलामा समाधान निकाले देशलाई एकताबद्ध बनाएर लैजान सकिन्छ कि भनेर आफूहरूको पनि कोसिस रहेको उनको भनाइ छ ।