अग्नी सापकोटालाई जीवनभर बाडुल्की लागिरहने केपी ओलीको त्यो वचन !

सर्वोच्च अदालतको परमादेशबाट नेपाली काग्रेसका सभापती शेरबहादुर देउवालाई प्रधानमन्त्री बनाउँन बनेको गठबन्धन छोटो समयमै छिन्नभिन्न हुने अवस्थामा पुगेको छ ।

राजनितीलाई सम्भावनाको खेल भनेर जता पनी पर्लक्क पल्टन सिपालु नेकपा माओवादी केन्द्रका अध्यक्ष पुष्पकमल दहाल प्रचण्डले यस पटक भने सम्भावनाको खेलकै कारण सरकारबाट सडकमा पुग्नुपर्ने सम्भावना देखिएको छ ।

एमसीसीको विषयमा राजनितीक दलहरु विभाजित भएको अवस्थामा माओवादी केन्द्र र नेकपा एस लगायतका दलहरु सरकारबाट बाहिरिनु पर्ने अवस्था देखिएको विश्लेषण गरिएको छ भने काग्रेस र एमालेको समिकरण बन्ने अवस्था आँकलन गरिएको छ ।

बदलीँदो राजनिती परिदृश्यको साइड इफेक्टले प्रचण्ड र माधव नेपाललाई सरकारबाट सडकमा पुर्याउँनेनै छ यसका साइड इफेक्टहरु धेरै पर्न सक्छन् त्यस मध्येको एक तत्कालिन समयमा माओवादी केन्द्रको कोटाबाट सभामुख बनेका अग्नी प्रसाद सापकोटाको पद चट हुने कुरा सबैभन्दा पहिले हुने देखिएको छ ।

काग्रेस एमाले सहकार्यको प्रस्थानविन्दुनै सभामुख सापकोटालाई सभामुखबाट हटाएर सुरु हुने चर्चा राजनितीक बजारमा व्यापक रुपले चलेको छ । सत्तासहयात्री दलहरुले एमसीसीमा सघाउँने अवस्था नदेखे पछि प्रधानमन्त्री शेरबहादुर देउवाले प्रमुख प्रतिपक्षदल एमाले सँग साथका लागी हात बढाएका छन् । एमालेले पहिलो सर्तनै सभामुखको बहिर्गमन बनाएको छ ।

घटनाक्रममा चामत्कारिक परिवर्तन नआएमा काग्रेस एमाले समिरण बन्ने देखिएको दाबी राजनितीक विश्लेषकहरुले गरेका छन् । एमालेले आफुले कारबाही गरेका माधव कुमार नेपाल सहितका १४जना सांसदलाई सभामुख अग्नी सापकोटाले कारबाही नगरेको भन्दै लगातार संसद अवरोध गर्दै आइरहेको छ । आफ्नो माग पुरा नभए सम्म अरु विषयमा प्रवेशनै नगर्ने अडानमा एमाले छ ।

पछिल्लो समय नेपाली काग्रेसका नेताहरुको बोलीको लय एमाले नेताहरु सँग मिल्न थालेको छ । काग्रेस वरिष्ठ नेता रामचन्द्र पौडेलले गठबन्धनमा रहेका दलहरुले एमसीसी पारित गर्न नमाने एमालेले उठाएका मागहरु पुरा हुने सार्वजनिक अभिव्यक्ति दिएका छन् भने सरकारका प्रवक्ता समेत रहेका संचार तथा सुचना प्रविधीमन्त्री ज्ञानेन्द्र बहादुर कार्कीले पनि सरकारले ल्याएका एजेण्डा छलफलनै नहुने हो भने त्यस्तो संसदको के काम भनेर बोलेका छन् ।

माधव नेपाल सहितका सांसदलाई कारबाहीको सूचना टाँस नगरे पछि सभामुख अग्नी सापकोटा सँग नराम्रो सँग फायर भएका एमाले अध्यक्ष ओलीले उनीविरुद्ध सार्वजनिक रुपमा निकै कठोर अभिव्यक्ति दिँदै आएका छन् । सापकोटालाई संसदीय व्यवस्थाकै कलंक भन्दै ओलीले उनलाई सभामुखको कुर्सीबाटै हटाउँन जोडबल लगाउँदै आएका छन् ।

सभामुख सापकोटा सँग आक्रोस पोख्दै एमाले अध्यक्ष ओलीले एक दिन सार्वजनिक मंचबाटै अग्नी सापकोटालाई सभामुख बन्न मन छ की छैन ? भनेर प्रश्न गरेका थिए । समयक्रममा एमाले अध्यक्ष ओलीको त्यो शब्दले सापकोटाई जीवनभर बाडुल्की लाग्ने अवस्था आएको चर्चा छ । प्रचण्डको उक्साहटमा लागेर माधव नेपालहरुको पद जोगाउँन लाग्दा सापकोटा आफ्नै पद गुमाउँनु पर्ने अवस्थामा पुगेका छन् ।