एमसीसीमा एमालेले के गर्छ ओलीले खोले मुख, देशभरमा एमाले कार्यकर्तामा खुशियाली !

सत्तागठबन्धन भत्किने र एमाले काग्रेस विच नयाँ समिकरण बन्न लागेको चर्चाका विच एमाले अध्यक्ष केपी ओलीले खरो अभिव्यक्ति दिएका छन् ।

काग्रेस नेताहरुको तारन्तारको बालकोट दौडाह चलिरहेका बेला अध्यक्ष ओलीले भने काग्रेस सहित गठबन्धन दलका अन्य पार्टीहरुलाई एमालेलाई खुत्रुके नसम्झन चेतावनी दिएका छन् । एमसीसीमा सघाउँन काग्रेस नेताहरुको दौडधुप चलिरहेका बेला आएको ओलीको यस्तो अभिव्यक्तिलाई अर्थपुर्ण रुपमा हेरिएको छ ।

एमसीसी पास गर्नु परे सरकारमै रहेका दलहरुको विचमा बहुमत रहेको भन्दै ओलीले यसमा एमाले नजोडिने पनि प्रष्ट पारेका छन् । एमालेको नाम लिँदै आफ्नो स्वार्थ पुरा गर्ने सपना कसैले नदेख्न पनि उनले सचेत गराएका छन् ।

अध्यक्ष ओलीले बिहीबार प्रधानमन्त्री शेरबहादुर देउवा र माओवादी अध्यक्ष प्रचण्डसँगको भेटमा पनि एमाले विरूद्धको षडयन्त्ररथिचोमिचो र खुत्रुकेका रूपमा नुबुझ्न भनेको बताए ।

‘हिजो मेरो प्रचण्डसँग पनि कुरा भएको थियो, प्रधानमन्त्रीसँग पनि,’ ओलीले भने, ‘दुबैलाई भनेको छु, हामीलाई खुत्रुकेका रूपमा नबुझ्नुस्, जसलाई जतिबेला चाहियो त्यतिबेला फुटाएर काम चलाउने।’

घर-घरमा पैसा सकिँदा खुत्रुके फुटाएर काम चलाउने चलन रहेको प्रसंग निकाल्दै ओलीले उक्त कुरा बताएका हुन्। जसलाई जति चाहियो एमाले फुटाएर त्यति लिने काम रोक्न उनले आग्रह गरे। एमालेविरूद्धको षडयन्त्र बन्द हुनुपर्ने भन्दै ओलीले संसदमा आफूहरूविरूद्ध थिचोमिचो भएको बताए।

‘हाम्रा विरूद्धका षडयन्त्र बन्द हुनुपर्छ, हामीविरूद्ध थिचोमिचो बन्द हुनुपर्छ,’ उनले भने, ‘यिनीहरूले हामीलाई फुटाउन खोजेका थिए, सकेनन्, चोइटिएर
एमाले पदका लागि मरिमेट्ने पार्टी नभएको ओलीले दाबी गरे। उनले भने, ‘प्रधानमन्त्री पदका लागि स्वाँस्वाँ र फ्वाँ फ्वाँ गरेर कुद्ने ५ दलजस्तो होइन हामी।’

आफू नेतृत्वको सरकार ढालेर प्रचण्ड र माधव नेपालले जनतालाई धोका दिएको उनले दाबी गरे। उनीहरू दक्षिणपन्थी सरकार बनाउन गएको भन्दै उनले झिंगाको पछि नलाग्न कार्यकर्तालाई आग्रह गरे।

नेकपा एकीकृत समाजवादीका अध्यक्ष माधव नेपालले अपराध गरेको र कम्युनिष्ट नभएको ओलीले आरोप लगाए। ‘माधव नेपाललाई कम्युनिष्ट ठानेर पछि लाग्नेहरू के देखेर लागेका होलान्,’ उनले भने, ‘यस्ता अपराध गर्नेको पछाडि लाग्दा फोहोरको थुप्रोमा पुगिन्छ।’