एमसीसीको विरोध गरेर प्रेम सुवाल बन्नु छैन भन्दै प्रचण्डले नारायणकाजीलाई दिए पार्टी छोड्न चुनौती !

नेकपा माओवादी केन्द्रका अध्यक्ष पुष्पकमल दहाल प्रचण्डले एमसीसीको विरोध गरेर प्रेम सुवाल बन्नु छैन भन्दै अभिव्यक्ति दिएका छन् ।

एमसीसीको सन्दर्भका बहुरुप देखाएको भनेर चर्को आलोचना हुने गरेका प्रचण्डले आफु माथी लागेका आरोपहरुको खण्डन गर्न पत्रकार सम्मेलननै गरेर एमसीसी पास गरेर आफुले विल्कुल ठिक गरेको बताएका छन् ।

एमसीसीको विरोध गर्दैमा सबै कार्यकर्ता र जनतको साथ नपाइने बताउँदै प्रचण्डले पार्टी भित्रैबाट एमसीसीको विरोध गरिरहेका नारायणकाजी श्रेष्ठलाई नेपाल मजदुर किसान पार्टीका सांसद प्रेम सुवाालको उदाहरण दिँदै जवाफ फर्काएका छन् ।

एमसीसीको विरोध गर्दैमा सबै पछि लाग्ने हो भने प्रेम सुवालको पछि लाग्थे के छ उहाँको हालत ? प्रचण्डले प्रश्न गरेका छन् । उनले महाकाली सन्धीका बेलाको एमालको पनि उदाहरण दिएका छन् । झण्डै आधा जमात लिएर पार्टी फुटाउँदा पनि बामदेवको हालत एक सिट पनि ल्याउँन नसकेको भन्दै नारायणकाजीलाई दनक दिएका छन् ।

प्रचण्डले प्रतिनिधीसभाको बैठकबाट एमसीसी पारित भए पछि आफु औधी खुशि भएको बताएका छन् । केहि दिन अघि सम्म आफुलाई पनी भ्रम भएको र हिजो बाट छर्लङ्ग भएको भन्दै प्रचण्डले अब आफुमा कुनै दुविधा नरहेको र एमसीसीले नेपालको पूर्वाधार विकासमा महत्वपुर्ण योगदान दिने दाबी गरेका छन् । व्याख्यात्मक घोषणाका माध्यमबाट सबै आशंकाहरु निवारण भएको जिकिर पनि उनले गरेका छन् ।

एमसीसी पारित भए पछि चौतर्फीरुपमा ओलोचित भए पछि प्रचण्डले पत्रकार सम्मेलननै गरेर प्रष्टोक्ति दिएका छन् । आफ्नै निवास खुमलटारमा पत्रकार सम्मेलन गर्दै प्रचण्डले आफु माथी लागेका आरोपहरु चिरिदिन पनि पत्रकारलाई अनुरोध गरेका छन् । पत्रकारलाई हात जोडेरनै उनले ‘प्लिज यो सब प्रचण्डलेनै गर्दा भएको भन्ने छ यसलाई तपाइहरुले चिरिदिनुस्’ ।उनले भनेका छन् ।

संविधान र प्राप्त उपलव्धीहरुनै गुम्ने अवस्था आए पछि व्याख्यात्मक घोषणाको माध्यमबाट एमसीसी पारित भएको भन्दै उनले व्याख्यात्मक घोषणालाई अन्तराष्ट्रिय कानुनले पनि मान्यता दिएको जिकिर गरेका छन् । संसदबाट यस्तो घोषणा गर्नु अघि अमेरिकी दुतावास पुगेर त्यहाँ बाट ओके भनेर नै यस्तो गरिएको खुलासा पनि प्रचण्डले गरेका छन् ।

माओवादी केन्द्रलेनै एमसीसी पारित गराए पछि पार्टी भित्र देखिएको समस्या र पार्टीनै नेताहरु बाट आइरहेको प्रतिक्रिया बारे प्रचण्डले प्रमुख सचेतक समेत रहेका देव गुरुङले पार्टीले गरेको निर्णयमा कुनै फरक मत नराखेको र यसलाई कार्यान्वयन गर्न गम्भिरताका साथ सहयोग गरिरहेको बताएका छन् । प्रचण्डले नारायणकाजी श्रेष्ठलाई भने मुखभरिको जवाफ दिएका छन् ।

पार्टी निर्णय विपरित नारायणकाजी श्रेष्ठले सार्वजनिक अभिव्यक्ति दिएर गलत गरेको भन्दै प्रचण्डले आपत्ती जनाएका छन् । पार्टी निर्णय विपरित बाहिर नबोल्ने बरु केन्द्रिय कमिटी बैठकमा व्यवस्थित रुपमा राख्न अनुरोध गरे पनि श्रेष्ठले त्यसो नगरेको भन्दै प्रचण्डले असन्तुष्टि जनाएका छन् ।

‘एमसीसीको विरोध गर्दैमा सबै जनता कार्यकर्ता मेरो पछि लाग्छन् भन्ने नारायणकाजीहरुलाई लागेको हुन सक्छ त्यस्तो हुँदैन । एमसीसीको विरोध गर्दैमा सबै जनता पछि लाग्ने हो भने प्रेम सुवालको पछि लाग्थे नी उहाँले मुर्दावाद भनेर कराएको कति भयो ?’ प्रचण्डले भनेका छन् ।

नारायणकाजी प्रति आक्रोसित भएका प्रचण्डले उनले पार्टी छोडे पनि हुने आशयको अभिव्यक्ति दिएका छन् । राजनिती भनेको स्वयमसेवी काम भएको भन्दै मन नपरे छोडे पनि हुन्छ भनेका छन् । गठबन्धन जोगाउँन भन्दा संविधान जोगाउँनका लागी माओवादीले केन्द्र सोचि विचारीकनै एमसीसीको पक्षमा आइपुगेको उनले बताएका छन् ।

प्रचण्डले अमेरिकी आर्थिक सहयोग कार्यक्रम एमसीसी अनुमोदन भएसँगै गठबन्धन र सरकार जोगिएको बताएका छन् । अब सरकारको ध्यान चुनाव गराउनेमा केन्द्रित रहने उनले बताए ।

‘एमसीसीलई लिएर यौ बहस भए, सबभन्दा बढी माओवादी केन्द्र र म माथि थुप्रै टिप्पणी भए, हिजो निकास दिइयो,’ प्रचण्डले भने, ‘अर्को समीकरण बन्ने हो कि भन्ने थियो । सबै अन्योल अन्त्य भएको छ, गठबन्धन कायम रहन्छ सरकार अगाडि जान्छ र चुनावमा केन्द्रित हुन्छौँ ।’