देखियो सुर्य थापाको पावर, प्यूठानमा जरै देखी उखलियो माधव नेपालको पार्टी !

नेकपा एमाले विभाजन गरेर बनेको नेकपा एस पार्टीले प्यूठान जिल्लामा बल्लतल्ल बनाएको संगठन पनि भताभुंग भएको छ । एस पर्टी प्यूठानका उपाध्यक्ष सहित ठूलो संख्यामा कार्यकर्ताहरुले एकै पटक पार्टी परित्याग गरेका छन् ।

नेकपा एमालेका पोलिटव्यूरो सदस्य एवं प्यूठान जिल्ला इन्चार्ज सुर्य थापाले माधव नेपाल अध्यक्ष रहेको एस पार्टीलाई छ महिना भित्र जिल्लाबाट उन्मुलन गर्ने सार्वजनिक उद्घोषनै गरेका थिए । थापाले घोषणा गरेको मिती नजिक आइपुग्दा उक्त घोषणा सार्थक हुने बाटोमा गएको दाबी गरिएको छ ।

एमसीसीमा माधव कुमार नेपालले देखाएको सत्तामुखी फोहोरी चरित्रका कारण एस पार्टी प्युठानमा पहिरो गएको बताइन्छ । एस पार्टी प्युठानका जिल्ला उपाध्यक्ष माेहम्मद हलिम हलुवाईले यस अघिनै एस पार्टीमा लागेर समाजमा मुख देखाउँनै नसक्ने अवस्था आएको भन्दै भण्डाफोर गरेका थिए । अन्तत उनी ठूलो टिम सहित मूल घर एमालेमै फर्किएका छन् ।

प्यूठान सरूमारानीको बड्डाँडामा एस पार्टीका जिल्ला उपाध्यक्ष माेहम्मद हलिम हलुवाईको नेतृतवमा जिल्ला कमिटी सदस्यहरू वासु गिरी र भानुभक्त भुसालसहित १५३ जना नेता कार्यकर्ता र ६५० मतदाताहरू नेकपा(एमाले)मा समाहित भएका छन् ।

सुरु देखिनै सांगठनिक रुपमा प्यूठानमा निकै कमजोर देखिएको एस पार्टी अब प्यारालाइसिसको अवस्थामा पुगेको दाबी एमाले जिल्ला नेतृत्वले गरेको छ । नव प्रवेशीहरूलाई पार्टी पोलिटव्युरो सदस्य तथा जिल्ला इन्चार्ज सूर्य थापाले स्वागत गरेका थिए ।

नवप्रवेशीहरुलाई एमालेमा स्वागत गर्दै जिल्ला इन्चार्ज थापाले विभाजनकारी गुटलाई प्युठान जिल्लाबाट निर्मूल पार्ने उदेश्य करिब साकार भएको र बाँकी रहेकाहरु पनि छिट्टै एमालेमा फर्कने विश्वास व्यक्त गरे । माधव नेपालको भम्र सबैमा टुट्दै गएको भन्दै थापाले अझै भ्रममा रहेकाहरुलाई सजग हुन आग्रह गरे।

कार्यक्रमलाई एमाले केन्द्रीय सदस्य तथा जिल्ला सहइन्चार्ज हरि रिजाल,जिल्ला अध्यक्ष विजयविराज विष्ट, पूर्व अध्यक्ष तुल्सीराम शर्मा, संविधानसभा सदस्य धनबहादुर रायमाझी , जिल्ला पार्टी उपाध्यक्ष झगबहादुर विश्वकर्मा र प्रवेशको नेतृत्व गरेका हलुवाई लगायतले सम्बोध गरेका थिए ।