देउवा, प्रचण्ड देखी माधव सम्मको मन चसक्कै हुने बिष्णु पौडेलका ती दुई शब्द !

तुलनात्मक रुपमा कम बोल्ने र शालिन नेताको परिचय बनाएका प्रमुख प्रतिपक्षी दल नेकपा एमालेका उपाध्यक्ष बिष्णु पौडेल पछिल्लो समय निकै आक्रामक रुपमा प्रस्तुत हुन थालेका छन् ।

स्थानिय तहको निर्वाचनको मिति नजिक आइरहेको र यस पटकको निर्वाचनमा गठबन्धन भर्सेस एमाले बन्ने अवस्थामा आइरहेका बेला एमाले अध्यक्ष ओलीले निकै चोटिला शब्दहरुले विपक्षी क्याम्पमा प्रहार गरिरहेका छन् । पौडेल पनि एमाले अध्यक्ष ओलीकै लयमा उत्रिएका छन् ।

एमाले उपाध्यक्ष पौडेलले केहि दिन अघिमात्रै एमाले विरुद्ध बन्ने चुनावी गठबन्धलाई बालुवाको लड्डु भनेका थिए । बालुवाको लड्डु र एमाले विरुद्ध बन्ने गठबन्धन एउटै भएको भन्दै उनले त्यसको कुनै औचित्य नभएको बताएका थिए । पौडेलले फेरी उस्तै चोटिलो अभिव्यक्ति दिएका छन् । एमाले विरुद्ध गठबन्धन गरेर हराउँछु भन्नु पटका पड्काएर तर्साउन खोज्नु जस्तै भएको उनले भनेका छन् ।

पौडेलले चुनावका नाममा कसैले पटाका पड्काउँदैमा एमाले नतर्सिने बताएका छन् ।एमालेका लागि गठबन्धन कुनै नयाँ कुरा नभई जति दल मिलेर गठबन्धन गरे पनि त्यसले कुनै फरक नपर्ने उनले बताएका छन् । ।

देशको ‘ड्राइभिङ लिड’ गर्ने पार्टी एमाले रहेको बताउँदै उनले कसैले तर्साउन पटका पड्काउँदैमा विशाल जनआधार भएको पार्टीले केही तत्विक असर नपर्ने दाबी गरे ।

प्रेस चौतारी नेपाल रुपन्देहीले बुधवार बुटवलमा आयोजना गरेको सम्मान कार्यक्रममा बोल्दै नेता पौडेलले भने, ‘सरकार निर्वाचन रोक्ने पक्षमा थियो । एमाले बलियो हेम्बर लिएर उत्रिएपछि चुनाव घोषणा गर्न बाध्य भयो । अहिले फेरि गठबन्धन गरिएको छ । त्यो गठबन्धनको पटाकाले एमालेलाई केही गर्दैन ।’

पौडेलले भने, ‘गठबन्धनले केही दिनेवाला छैन । एमालेको विजययात्रा कसैले रोक्न सक्दैन । २०७४ सालको निर्वाचनभन्दा आउँदो वैशाखको निर्वाचनमा हामीले गुणात्मक रूपमा प्रगति गर्छौं ।’

विभिन्न षड्यन्त्रले एमाले अहिले प्रतिपक्षमा पुगे पनि आसन्न तीनै तहका निर्वाचनपछि एमालेले सबै तहका सरकारको नेतृत्व गर्ने उनले बताए । प्रधानमन्त्रीसहित सत्तारुढ गठबन्धनले एमाले बलियो रहेको स्वीकार गरेको पौडेलले बताए ।

अहिले परमादेशी सरकार रहेको अवस्थामा चुनावपछि जनादेशको सरकार आउने उनले बताए । देशभर अहिले एमालेको जनलहर बढेको पौडेलले बताए ।