राजनितीक दर्शनका ज्ञाताले ठोकेरै भने ‘ गठबन्धन बनेको होइन प्रचण्ड- माधव काग्रेसको पुच्छर बनेका हुन् ‘

आसन्न स्थानिय तहको निर्वाचनमा एमाले विरुद्ध सत्तारुढ दलहरुका विचमा महागठन्धन बन्ने चर्चा चलिरहेका बेला नयाँ कोणबाट बहस सुरु भएको छ । काग्रेस ,माओवादी ,नेकपा एस लगायतको दलका विचमा हुन लागेको तालमेललाई महागठबन्धन भन्नु आफैँमा भ्रमपुर्ण कुरा भएको आवाज पनि उठ्न थालेको छ ।

राजनिती दर्शनका अध्यता एस के तिमिल्सीनाले महागठबन्धन भन्नु आफैँमा भ्रमपुर्ण कुरा भएको जिकिर गरेका छन् । अहिले गठबन्धन बनेको नभइ यथार्थरुपमा भन्नु पर्दा माओवादी केन्द्रका अध्यक्ष पुष्पकमल दहाल प्रचण्ड र नेकपा एसका अध्यक्ष माधव कुमार नेपाल काग्रेसको पुच्छरको बनेको उनको तर्क छ ।

स्थानिय तहको निर्वाचन र गठबन्धन लगायतका बिषयमा ओटिभी नेपाल डटकम सँगको बिशेष कुराकानीमा तिमिल्सीनाले तर्क सहित गठबन्धन भन्न नसकिने दाबी पेस गरेका छन् । प्रचण्ड र माधव नेपाललाई आफुहरु काग्रसको पुच्छर र दास बनेको भन्ने कुरा स्विकार्न गारो भएकाले मात्रै गठबन्धन भन्ने हल्ला फिजाइएको दाबी उनले गरेका छन् ।

एक्लाएक्लै निर्वाचन लड्ने हो भने एउटा वडा सदस्य समेत पनि जित्न नसक्ने नेकपा एस , राष्ट्रिय जनमोर्चा जस्तादललाई मिसाएर महागठबन्धन भन्ने हल्ला फिजाएको भन्दै यो हल्ला आफैँमा मिथ्था र भ्रमपुर्ण रहेको दाबी उनले गरेका छन् ।

माधव कुमार नेपाल , झलनाथ खनाल लगायतको राजनितीनै समाप्त भएको जिकिर गर्दै तिमिल्सीनाले एमाले विभाजन गरेर बनेको दल नेकपा एसले कुनै पनि हालतमा राष्ट्रिय दलको मान्यता पाउँन नसक्ने दावी गरेका छन् । ७७ जिल्लामा बढिमा एक एक हजारका दरले ७७ हजार भन्दा बढि भोट एस पार्टीसँग नभएको ठोकुवा पनि उनले गरेका छन् ।

प्रचण्ड र माधव नेपालको पछि लागेर काग्रेस सभापती शेरबहादुर देउवाले नेपाली काग्रेस समाप्त पार्न लागेको धारण पनि तिमिल्सीनाले राखेका छन् । अहिले काग्रेस एजेण्डा विहिन भएको आरोप पनि उनले लगाएका छन् । काग्रेस एक लोकतान्त्रिक दल भए पनि अहिले एजेण्डा विर्सिएर प्रचण्ड र माधवको पछि दौडिएकाले समाप्तीको बाटोमा लागेको उनको धारणा छ ।

देउवा प्रचण्ड र माधव नेपालले माथी बसेर जतीनै गठबन्धनको निर्णय गरे पनि तल वास्तविक रुपमा भने कुनै पनि हालतमा गठबन्धन बन्न नसक्ने जिकिर पनि उनले गरेका छन् । माओवादी र एस पार्टीका कार्यकर्ताले काग्रेसलाई भोट हाले पनि काग्रेसले माओवादी र एसपार्टीलाई भोट नहाल्ने दाबी उनले गरेका छन् ।

काग्रेस पार्टीभित्रकै आकांक्षी व्यवस्थापन गर्न त हम्मेहम्मे पर्ने अवस्था रहेको भन्दै तिमिल्सीनाले त्यसमा माओवादी र समाजवादीलाई ठाउँ छोडेर चुनाव जिताउँन काग्रेसहरु लाग्छन् भन्नेकुरा मिठो कल्पनाबाहेक केहि हुन नसक्ने उनको दाबी छ । केन्द्रबाट गठबन्धनको निर्णय लादेमा देशभरका काग्रेस कार्यकर्ताले विद्रोह गर्न सक्ने आकलन उनले गरेका छन् ।

स्थानिय तहको निर्वाचन गठबन्धन लगायतका बिषयमा केन्द्रित रहेर राजनितीक दर्शनका अध्यता एस के तिमिल्सीनासँग ओटिभी नेपाल डटकमले गरेको भिडियो कुराकानी हेर्नुहोस्