आफ्नो कार्यकर्ता भर्ती गर्न फरक आस्था राखेकै कारण स्पष्टिकरण सोध्दै स्वास्थ्य मन्त्री खतिवडा !

स्वास्थ्य मन्त्री विरोध खतिवडाको निर्देशनमा मन्त्रालय मातहतका विभिन्न निकायमा कार्यरत फरक राजनीतिक आस्था भएका कर्मचारी तथा पदाधिकारीलाई स्पष्टीकरण सोधिएको छ ।

यसैक्रममा मन्त्रीस्तरीय बैठकको निर्णय भन्दै जिपी कोइराला राष्ट्रिय श्वास प्रश्वास केन्द्र विकास समितिका सदश्य शेषमणि आर्चायलाई पनि २०७८ फागुन ३० को मितिमा पत्र लेखि स्पष्टिकरण सोधिएको छ । आर्चायलाई अस्पत्तालको क्षमता विकास तथा प्रभावकारिता हुन नसकेको भन्दै स्पष्टिकरण सोधिएको हो ।

आचार्यलाई सोधिएको स्पष्टिकरणमा भनिएको छ, ‘जीपी कोइराला राष्ट्रिय श्वास प्रश्वास उपचार विकास समिति (गठन) आदेश २०७० को दफा ४ मा उल्लेखित समितिको काम, कर्तव्य र अधिकार पुरा गर्ने सन्दर्भमा तपाईले समितिमा अपेक्षित योगदान पुर्याउन नसकेको, समितिका पदाधिकारी तथा अस्पत्ताल व्यवस्थापनसँग गर्नुपर्ने समन्वय र सहजीकरण हुन नसकेको देखिएको हुँदा के कति कारणले गठन आदेशको उद्देश्य पुरा गर्ने गरि काम कारवाही गर्न नसक्नु भएको हो ? के कति कारणले सरोकारवाला निकाय सँग प्रभावकारी समन्वयन गर्न नसक्नु भएको हो ? के कति कारणले अस्पत्ताल प्रशासनलाई उचित सशजीकरण गर्न नसक्नु भएको हो ? र के कति कारण सेवाग्राही सर्वसाधारणबाट सरल र सहज स्वास्थ्य सेवा पाउन नसकेको गुनासोहरु प्राप्त भएको हो ? र तपाईलाई पदबाट हटाउनु नपर्ने कारणहरु भए पत्रको मितिले ७२ घण्टा भित्र लिखित रुपमा स्पष्टीकरण पेश गर्नुहुन नेपाल सरकार (माननीय मन्त्रीस्तर) को मिति २०७८-११-२९ को निर्णयानुसार अनुरोध छ ।’

जवाफमा आर्चायले स्पष्टीकरण पत्रमा लागाइएका आरोपमा सत्यता नभएको भन्दै झुठको पुलिन्दा भनेका छन् । उनले भने, ‘आफ्ना कार्यकर्ता भर्ना गर्न षडयन्त्रमुलक रुपमा स्पष्टीकरण सोधिएको हो ।’ उनले पेश गरेको स्पष्टीकरणमा आफूले जे जति काम गरिएको छ, यो समुहको काम भएको बताएका छन् । उनले भनेका छन, ‘शक्तिकेन्द्रको एक कार्यकर्ता भर्ती गर्न चालिएको यो षडयन्त्र रहको प्रस्ट हुन्छ । यसमा सफल हुन सकिएला तर यस कार्यले उत्पन्न परिणाम त अँधेरो कुनामा पुगेर पनि सुरक्षित रहने छैन् ।कम्तिमा पनि अहिले शहिदहरुको रगतले जवाफ खोज्दछ, षडयन्त्रले पनि केहि ढिलो होस तर दण्डित हुनुपर्ने छ । मैले जे जति काम गरें सबै समुहको काम हो । यहाँले मलाई पदबाट हटाउनु नपर्ने किन भनि प्रश्न गर्नुभएको छ, यो कुरा मेरो होइन । म कुनै पनि हालतमा निर्णयको पात्र हैन् । हाम्रो सिंगो टिम सबै यस्तै हौं ।’

आर्चायले भनेका छन्, ‘यदि विवेक, न्याय, सदाचार र इमान्दारिता हो भने यो आरोपपत्र तत्काल खारेज हुनुपर्छ । म निष्काशित हुनुपर्ने कुनै पनि सत्य कारण छैन् ।’ उनले आफूले ७२ घण्टा भित्रै जवाफ पेश गरेको बताएका छन् ।