देउवा दिल्लीमा लम्पसार पर्दा जनताले सम्झीए संसदको रोस्टमबाटै इण्डीयालाई थर्काउँने केपी ओलीलाई !

परमादेशबाट प्रधानमन्त्री बनेका शेरबहादुर देउवा यति खेर औपचारिक इण्डीया भ्रमणका लागी नयाँदिल्लीमा रहेका छन् । स्थानिय तहको निर्वाचनको सम्मुखमा भएको उनको भ्रमण पहिलो दिन देखिनै आलोचित र विवादित बनिरहेको छ ।

दलबल सहित निकै ठाँटका साथ दिल्लीको इन्दीरागान्धी विमानस्थलमा उत्रिएका देउवालाई इण्डीयाले पहिलो गाँसमानै ढुंगा लगाइदियो । कुनै बेला काग्रेस पार्टीबाटै प्रधानमन्त्री बनेका गिरिजाप्रसाद कोइरालालाई तत्कालिन प्रधानमन्त्री मनमोहन सिंहले आफँै विमानस्थल पुगेर स्वागत गरेका थिए तर देउवाको स्वागतार्थ मोदीले एक राज्यमन्त्री मात्रै पठाए ।

स्वागतबाटनै देउवालाई साइजमा राखेको इण्डीयाले अर्को तरिकाले पनि देउवाको हैसियत देखाइदिएको छ । नेपालको प्रधानमन्त्रीको हैसियतमा दिल्ली पुगेका देउवा आफैँ भारतीय जनता पार्टीको मुख्यालयमा पुगेका छन् । एउटा पार्टीको मुख्यालयमै पुगेर नेपालको प्रधानमन्त्रीले नतमस्तक हुन कुटनितीका निकै तल्लो स्तरमा हेरिन्छ ।

सम्बन्ध सुधारका नाममा नेपालका प्रधामन्त्री देउवाले भारतीय जनता पार्टीको मुख्यालयमै पुगेर अतिरिक्त अनुराग देखाए पछि निकै आलोचित भइरहेका छन् । देउवाको दिल्लीभक्तीले सिँगो नेपाली जनताको शिर निहुरिएको भन्दै सामाजिक संजालमा खरो बहस भइरहको छ ।

देउवाले पदीय मर्यादा विपरित उत्ताउलो कुटनिती गरको भन्दै कुटनिती क्षेत्रकै व्यक्तिहरुले आपत्ती जनाइरहेका छन् । देउवा भाजपाको कार्यालयमै पुगे पछि नेपाललाई इण्डीयाको केन्द्रिय सरकारको नेतृत्व गरिरहेको पार्टीले कुन हैसियतमा हेरेको छ भन्ने सन्देश दिएको छ भन्ने देखाउँन चाहेको कुटनितीक वृतका व्यक्तिहरुले चर्चा गरेका छन् ।

प्रधामन्त्री देउवा इण्डीया सँग लम्पसार परेको भनेर आलोचना भइरहँदा कपिपयले तत्कालिन प्रधानमन्त्री केपी ओलीको पनि स्मरण गरेका छन् । केहि समय अघि मात्रै नेपालको संसदबाट इण्डीयन सरकारलाई सत्यमेव जयते की सिंहमेव जयते भनेर प्रश्न सोध्ने ओली र भाजपाको कार्यलयमै पुगेर भ्रमण गर्ने देउवाको तुलना गरिएको छ ।

महाकाली नदीमा तइन काटिदिएर इण्डीयन एसएबीले ज्यान लिएका जयसिंह धामीको बिषयमा चुइक्क बोल्न नसकेका देउवा अहिले प्रधानमन्त्रीको हैसियतमा भ्रमण पछि कति सम्म इण्डीयन भक्तीमा लागेका छन् भन्ने प्रमाणित भएको पनि सामाजिक संजाल प्रयोगकर्ताहरुले तर्क गरेका छन् ।

केपी ओलीका पालामा नेपालका प्रधानमन्त्रीसँग सिंगो इण्डीया थर्कमान हुने अवस्था र अहिले प्रधामन्त्री देउवाको लाचारीका बिषयमा संजालमा पर्याप्त बहस चलेको छ । यहि मेसोमा परमादेशबाट देउवा प्रधानमन्त्री बन्ने बेला माओवादी केन्द्रका अध्यक्ष प्रचण्डले दिएको कन्फरटेबलवाला अभिव्यक्तिको पनि धेरैले स्मरण गरेका छन् ।