बुटवल पुगेर प्रदिप ज्ञवालीले यसरी झाँको झारे परमादेशी गठबन्धनको !

नेकपा एमालेका उपमहासचिव प्रदिप ज्ञवालीले बुटवल पुगेर परमादेशी गठबन्धनवालहरुको झाँको झारेका छन् ।

एमाले विरुद्ध बनेको गठबन्धनको कुनै विचार , सिद्धान्त र दृष्टिकोण नभएको जिकिर गर्दै उपमहासचिव ज्ञवालीले परमादेशीवालाहरुको गठबन्धन केवल सत्तास्वार्थले मात्रै बनेको जिकिर गरेका छन् । उनीहरुसँग केवल एमालेलाई हराउँने बाहेक अरु कुनै एजेण्डा नभएको दाबी पनि उनले गरेका छन् ।

जनताको शक्तिका अघि जतीसुकै दल मिलेर आए पनि एमाले चुनावी मैदानमा खरो उत्रन सक्ने शक्ती रहेको जिकिर पनि ज्ञवालीले गरेका छन् । जनादेश र परमादेश विचको लडाइका रुपमा अहिलेको चुनाव हुन लागेका भन्दै परमादेशवालाहरुलाई कुनै पनि हालतमा एमालेले पराजित गर्नैै पर्ने बताए ।

नेपाल कम्युनिस्ट पार्टी एमाले गुल्मी रुपन्देहीले शुक्रवार बुटवलमा आयोजना गरेको युवा विद्यार्थी सम्पर्क मञ्च बृहत् अगुवा कार्यकर्ता भेलामा बोल्दै ज्ञवालीले अहिलेको स्थानीय तहको निर्वाचनलाई सामान्य ढङ्गले लिन नहुने बताए ।

उनले नेकपा एमालेले राष्ट्रको हित, विकास, नेपाली जनताको सम्वृद्धिका लागी अगुवाइ गरेको बताउँदै अहिलेको निर्वाचन देश बनाउने र देशलाई खाडल तिर हाल्ने शक्ति बीचको लडाई भएको तर्क गरे ।

परमादेशले बनाएको गठबन्धन सरकारले निर्वाचन गर्न नै नचाहेको जिकिर गर्दै बाध्य भएर निर्वाचनको मिति तोकेको जिकिर उनले जिकिर गरे ।उपमहासचिव ज्ञवालीले देशको सम्वृद्धि, विकास, नेपाली जनताको हकहित, नेपाली युवाहरूलाई रोजगारी गराउने काम एमालेले मात्रै गर्ने भन्दै सभ्य र समतामूलक समाज निर्माण एमालेले मत मागिरहेको बताए ।

कार्यक्रममा नेकपा एमालेका सचिव गोकर्ण विष्ट देशमा परिवर्तन ल्याउन युवाहरूको महत्त्वपूर्ण भूमिका रहेको भन्दै युवाहरूलाई देश विकास र समाज रूपान्तरणका लागी प्रयोग गर्नुपर्ने बताए ।