परराष्ट्रमन्त्री खड्काले दिउँसै रात पारे पछि …

प्रधानमन्त्री शेरबहादुर देउवा तीन दिने औपचारिक भारत भ्रमणबाट नेपाल फर्किएका छन् । जनस्तरमै व्यापक आलोचना भएको देउवा भ्रमणका बिषयमा परराष्ट्रमन्त्री डा नारायण खड्काले दिउँसै रात पार्ने अभिव्यक्ति दिएका छन् ।

प्रधानमन्त्री देउवा इन्दिरा गान्धी विमानस्थलमा टेके देखिनै विवादीत भएको भ्रमण भारतीय जनता पार्टीको मुख्यालमै पुगेर आतिथ्यता गरे पछि आलोचनाको शिखरमा पुगेको थियो , त्यत्तिमात्रै होइन भारतीय प्रधामन्त्री मोदीका अगाडी बसेर विज्ञप्ती पढ्ने बेलामा देउवाले देखाएको विजोगको समेत खरो आलोचना हुन पुग्यो ।

देउवा भ्रमण औपचारिकतामा मात्रै सिमित भएको र उनले भ्रमणले राष्ट्रिय स्वाभिमाननै गुमेको चर्चा चलिरहेका बेला मन्त्री खड्काले भने अनौठो तर्क गरेर बचाउँको प्रयास गरेका छन् । प्रधामन्त्री देउवा भाजपाको कार्यकालमा पुगेको बिषयमा मन्त्री खड्काले असुहाउँदो तर्क दिएका छन् ।

परराष्ट्रमन्त्री खड्का देउवा नेपालको प्रधानमन्त्रीको हैसियतमा नभइ नेपाली काग्रेसको सभापतीको हैसियतमा भाजपाको कार्यालय पुगेको दाबी गरेका छन् । जबकी देउवाको स्वागतार्थ राखिएको व्यानरमा उनी काग्रेस सभापती भन्ने कुरा भाजपाले कहिँ उल्लेख गरको थिएन सिर्फ नेपालको प्रधानमन्त्री मात्रै उल्लेख गरेको थियो ।

आइतबार साँझ प्रधानमन्त्री देउवा स्वदेश फर्किएपछि त्रिभुवन विमानस्थलको अति विशिष्ट कक्षमा सञ्चारकर्मीहरुले राखेका जिज्ञासाको जवाफ दिने क्रममा उनले काँग्रेस सभापति समेत रहेका प्रधानमन्त्री देउवाले दिल्लीमा दुई पार्टीबीचको सम्बन्ध बलियो बनाउन मुख्यालयमै गएर भेट गरेको र त्यसलाई कूटनीतिक मर्यादा विपरित भन्न नमिल्ने पनि बताए ।

परराष्ट्रमन्त्री खड्काले भने, ‘यो कूटनीतिक मर्यादा विपरित भन्ने धारणा ठिक होइन । नेपाली काँग्रेसको सभापति भएको नाताले नेपाली काँग्रेस अन्य विभिन्न देशका पार्टीहरुसँग पनि एउटा मैत्रीपूर्ण सम्बन्ध राख्दै आएको छ । चीनको कम्युनिष्ट पार्टीसँग पनि नेपाली काँग्रेसको राम्रो सम्बन्ध छ । त्यस्तै गरेर भारतको काँग्रेस पार्टीसँग पनि छ । र, अहिले भारतीय जनता पार्टीमा उहाँ प्रधानमन्त्रीको नाताले जानु भएको होइन । उहाँ नेपाली काँग्रेसको सभापति भएको नाताले पार्टी पार्टीबीचको सम्बन्धलाई विस्तार गर्नका लागि, सम्बन्ध कायम गर्नका लागि उहाँ विजेपी पार्टीको मुख्य कार्यालयम जानु भएको हो ।’