आज त यस्ता कुरा पनि गरे प्रचण्डले, किन छोड्थे भरतपुरको मेयर !

आसन्न स्थानिय तहको निर्वाचनमा गठबन्धन गरेर जाने बिषयमा निकै पेचिलो बनेको तह मध्ये चितवनको भरतपुर महानगरपालिका पनि एक हो । माओवादी केन्द्रका अध्यक्ष पुष्पकमल दहाल प्रचण्डकी छोरी रेणु दाहाल मेयर रहेको भरतपुरमा फेरी पनि छोरीलाई नै उमेदवार बनाउँने स्पष्ट संकेत प्रचण्डले गरेका छन् ।

तारन्तार चितवन धाइरहेका प्रचण्डले आफ्नो गतिविधी निकै तिब्र पारेका छन् । केहि समय अघि चितवनका काग्रेसले भनेर नहुने माथीबाटै गठबन्धनको निर्णय हुने भनेर भनेका उनले आज भरतपुर महानरपालिका माओवादीको भागमा दिने गरि माथी निर्णय भइसकेको खुलासा गरेका छन् ।

भरतपुर महानगर माओवादी केन्द्रको भागमा परेको खुलासा गरे सँगै फेरी पनि मेयरको उमेदवार आफ्नै छोरी रेणु दहाल हुने संकेत पनि उनले दिएका छन् । प्रचण्डले स्पष्ट बुझिने लवजमा यस्तो बताएका छन् । छोरी रेणु दहालकै कारण आफु पनि चिनिन थालको समेत भन्न भ्याएका प्रचण्डले महिलाले नेतृत्व गरेका ठाउँमा राम्रो रिजल्ट देखिएको समेत भनेका छन् ।

अध्यक्ष ‘प्रचण्ड’ले आफू भरतपुर महानगरपालिका मेयर रेनु दाहाल प्रचण्डको मात्रै छोरी नभएको बताएका छन्। चितवनको भरतपुरमा आयोजित लालपूर्जा वितरण कार्यक्रममा बोल्दै प्रचण्डले रेनु प्रचण्डको छोरी नभएर रनुको बुवा प्रचण्ड भएर चिन्न थालिएको बताए।

‘२०७४ सालमा रेनु आउँदा सबैले प्रचण्डको छोरी आइ भन्ने गर्थे । यद्यती रनुको आफ्नै त्याग,तपस्या थियोे। रोल्पा रुकुमका जिल्लादेखि भारतका विभिन्न सहरमा भूमिगत रुपमा काम गरेका आफ्नै अनुभव थिए’ प्रचण्डले भने, ‘मलाई खुसी छ । प्रचण्डको छोरी होइन रनुको बुवा प्रचण्ड भएको छ। महिलाहरुले चाहे भने धेरै गर्न सक्छन भन्ने पुष्टी भएको छ।’ महिलाले आट गरेमा गर्न सक्छन भन्ने भूमी मन्त्री सशी श्रेष्ठदेखि उर्जा मन्त्री पम्फा भुसालले पुष्टी गरेको प्रचण्डले दाबी गरे।

‘महिलाले अग्रसरता लिँदा इमान्दारीता, लगसिलता सुशासन तुलनात्मक रुपमा बढी देखियो । त्यहीँ भएर बढी भन्दा बढी पालिका मेयर उपमेयर बनाउन सोचेको छु’ प्रचण्डले भने, ‘एक पटक मलाई इच्छा महिलालाई अलि बढी नै जिम्मेवारी दिएर हेरौं न भन्ने छ।’