कुलमानलाई बदनाम गराउँन प्राधिकरण भित्रै सल्बलाउन थाले धमीरा !

नेपाल विधुत प्राधिकरणको कार्यकारी निर्देशकका रुपमा कुलमान घिसिङले दोस्रो पटक नियुक्ती पाएर काम सुरु गरेका छन् । आफ्नो जीवनकै सबैभन्दा ठूलो चुनौती स्विकार गरेर प्राधिकरणमा फर्किएको घोषणा गरेका कुलमानलाई असफल बनाउँन प्राधिकरण भित्रकै धमिराहरु सलबलाउँन थालका छन् ।

कुलमान घिसिङ प्राधिकरण बाट विदा भए पछि पटक पटक विजुली जाने समस्या देखा पर्न थालिसकेको थियो । कतिपय इन्भटर कम्पनीहरुले त इन्भटरको विज्ञापन नै गर्न पनि थालिसकेका थिए । कतिपयले इन्भर पनि जडान गरिसकेका थिए कतिले जडानको विचार गरिरहको बेलामा कुलमानको नियुक्तीले सबै ढुक्क भएका थिए । तर अहिले पनि बत्ती जाने समस्या जस्ताको तस्तै छ ।

कति सम्म भने नेपाल विद्युत प्राधिकरणको कार्यकारी निर्देशक भएसँगै प्रधानमन्त्री शेरबहादुर देउवालाई भेट्न बालुवाटार पुगेको बेलामा विद्युत कटौती भएको थियो देउवालाई कहिल्यै बत्ती नजाने भनेर कुलमानले योजना सुनाउँदै गर्दा बालुवटारमै झ्याप्पै बत्ति गएको थियो ।पछि घिसिङले रत्नपार्क वितरण केन्द्रका प्रमुखलाई झपारेका छन् ।

घिसिङ देउवालाई भेटन् बिहान बालुवाटार पुगेका थिए । त्यही समयमा संयोगले दुई पटक बत्ति गएपछि देउवाले व्यङ्ग्य गर्दै घिसिङलाई प्रश्न गरेको बालुवाटार स्रोतले बतायो । देउवासँग कुराकानी सक्किएपछि घिसिङले सोही ठाउँबाट फोन गरेर रत्नपार्क वितरण केन्द्रका प्रमुख प्रज्वलमान प्रधानलाई हप्काएका थिए ।

साथै, आजै घिसिङले विभागीय प्रमुखहरू तथा काठमाडौं उपत्यकाका वितरण केन्द्र प्रमुखहरूलाई बोलाएर बत्ति कटौतीको अवस्था आउन नदिन निर्देशन दिएका थिए । बैठकमा पनि उनले बालुवाटारको कुरा खुलासा गरेका थिए ।

कुलमान स्वयमंले आफ्नो जीवनकै सबैभन्दा चुनौतीको सामना गरेर प्राधिकरणमा फर्किएको बताएका छन् । यस अघि पनि उनलाई असफल बनाउँन पटक पटक प्रयास भएका थिए । कतिपयले यस पटक कुलमानलाई चरम असफल बनाएर अघिल्लो पटक पाएको ख्याती समाप्त पारिदिने भनेर मुर्मुरिएर बसको पनि बुझिएको छ ।