देशभर प्रशंसा हुने गरि देवी ज्ञवालीले देखाए अर्को महानता , ओलीको समेत मन पग्लीयो

नेकपा एमालेका पोलिट्व्यूरो सदस्य एवं चितवन जिल्ला इन्चार्ज देवी ज्ञवाली नेकपा एमाले भित्र त्यागी , इमान्दार र निष्ठावान नेताका रुपमा चिनिन्छन् । विभिन्न समयमा विभिन्न कारणले उनको चर्चा परिचर्चा देशभर हुने गरेको छ । स्थानिय तहको निर्वाचनको सम्मुखमा देवी ज्ञवालीको फेरी एक पटक देशभर चर्चा भइरहेको छ ।

स्थानिय तहको निर्वाचनको मिती नजिक आइरहेका बेला सबै राजनितीक दलहरुलाई स्थानिय तहमा उमेदवार छान्न हम्मेहम्मे परिरहेको छ । एमाले हराउँने दाउमा रहेको गबठन्धन आफैँ भित्रको दाउ पेच र किचलोले उमेदवार फाइनल गर्न सकेको छैन प्रमुख प्रतिपक्षी दल नेकपा एमालेले पनि छिटपुट ठाउँ बाहेर उमेदवारको टुंगो लगाउँन सकेको छैन तर देवी ज्ञवालीले भने देशभर म्यासेज जाने गरि कमाल गरेका छन् ।

देशभरका स्थानिय तहहरु मध्ये निकै चासो र चर्चाका साथ हेरिएको र पेचिलो बनेको चितवनको भरतपुर महानगरपालिकामा गठबन्धन आवद्ध दलहरुको विचमा विवाद र किचलो चर्किरहेका बेला एमालेले भने मेयर पदका लागी सर्वसम्मत उमेदवार चयन गरेर विपक्षी क्याम्पमा खैलाबैला मच्चाएको छ यस खेलको मान अफ द म्याच बनेका छन् देवी ज्ञवाली ।

अघिल्लो पटकको स्थानिय तहको निर्वाचनमा काग्रेस र माओवादी केन्द्रको गठबन्धन गरेर थोरै मतले मात्रै प्रचण्ड पुत्री रेणु दहालसँग ज्ञवालीले निर्वाचन हारेका थिए । स्वाभाविक रुपमा यस पटक पनि ज्ञवालीले मेयर पदको आकांक्षा राखेका थिए तर अन्तिममा सर्वसहमत उमेदवार चयनका लागी ज्ञवालीलेनै प्रस्ताव गरेर प्रदेश सांसद समेत रहेका विजय सुवेदीको नाम भरतपुरको मेयरमा एमालेका तर्फबाट सर्वसम्मत गराए ।

सिँगो देशले नजिक बाट नियालीरहेको भरतपुरमा एमालेले के कस्तो गर्छ भनेर चासो रहिरहेका बेला सर्वसम्मत उमेदवार चयन गरेर एमालेले सन्देश दिएको छ । यस पटक एमालेबाट भरतपुरको मेयरमा देवी ज्ञवाली सहित प्रतिनिधीसभा सदस्य कृष्णभक्त पोखरेल, सर्वसम्मत नाम सिफारिस भएका विजय सुवेदी लगायतले आकांक्षा राखेका थिए तर ज्ञवालीको प्रस्ताव र पोखरेलको समर्थनमा सुवेदी सर्वसम्मत बन्न सफल भएका छन् ।

देवी ज्ञवालीको महानता र फराकिलो सोचकै कारण भरतपुर एमालेले सर्वसम्मत उमेदवार चयन गर्न सकिएको र यस्तो विशिष्ट परिस्थितीमा सर्वसम्मत उमेदवार चयन गर्नु पनी चुनावी विजयको एउटा सुचक भएको चितवन एमालेका एक नेताले ओटिभी नेपालसँग बताए । सर्वसम्मत उमेदवार सिफारिस हुनुमा जिल्ला इन्चार्ज समेत रहेका ज्ञवालीको प्रमुख हात रहेको दावी उनले गरे ।

आज सम्मको राजनितीक इतिहासमा आफुले कहिल्यै पनि पदलाई पहिलो प्राथमिकतामा नराखेको नेता देवी ज्ञवालीले ओटिभी नेपाललाई बताए । एमालेमा व्यक्ति होइन निती प्रधान हुने भन्दै उनले यति ठूलो पार्टीको एउटा सिपाही मात्रै आफु भएको बताए । पार्टीले दिएको जिम्मेवारी अनुसार काम गर्ने कुनै पनि पदमा लागी मरिहत्ते नगर्ने आफ्नो बानी रहेको पनि उनले बताए ।

‘पद होइन काम ठूलो गर्ने हो आफ्नो भूमिका अनुसारको जिम्मेवारी समय क्रममा आफैँ मिल्ने छ नेतृत्वलाई विश्वास गरेर निरन्तर कर्ममा लाग्दा उचित मूल्यांकन भएको छ र हुनेछ’ ज्ञवालीले भनेका छन् । केहि समय अघि चितवनमा भएको एमालेको दशौँ राष्ट्रिय महाधिवेशनमा ज्ञवालीले सबैभन्दा लोकप्रिय मत ल्याएर केन्द्रिय सदस्य निर्वाचित भएका थिए।

ज्ञवालीले भरतपुरको मेयर बन्न योग्य नेता धेरै भए पनि पार्टीको बृहत्तर हित र अहिलेको परिस्थितिलाई दृष्टिगत गर्दै जसरी पनि चुनाव जित्न सुवेदीलाई सर्वसम्मतिका साथ मेयरको उम्मेदवार प्रस्ताव गरेको बताए।

‘यसो गरिरहँदा माथिका नेताहरूले त छोड्दा रहेछन्, ठूला नेताहरूका बीचमा मेयर पदमै त विवाद छैन वडामा किन विवाद गर्ने, जित्ने साथीलाई सर्वसम्मत उठाउँछौं भन्ने सन्देश तल्लो तहसम्म पुर्‍याउन म आफैंले विजयजीलाई मेयरमा प्रस्ताव गरें,’ ज्ञवालीले भने, ‘हामी एक ढिक्का भएर जाँदा निर्वाचन जित्न सक्छौं।’

अर्का नेता कृष्णभक्त पोखरेलले चितवनमा जनस्तरमा राम्रोसँग भिजेका नेता सुवेदीलाई उम्मेदवार बनाउँदा एमाले एक्लैले निर्वाचन जित्न सक्ने आँकलन रहेको बताए।एमालेले अघि सारेको उम्मेदवार विजय सुवेदीले २०४३ सालको निर्वाचनमा जनपक्षीय उम्मेदवार जागृतप्रसाद भेटवालको चुनाव प्रचार संयोजक बनेर काम गरेका थिए। उनी २०४९ सालदेखि २०५१ सालसम्म पार्टीको चितवन जिल्ला प्रमुख भए। त्यसपछि उनले २०६१–२०६४, २०६४–२०६६ को कार्यकाल पनि पार्टी सचिव बनेर जिल्लाको नेतृत्व गरे।

२०६२र०६३ सालको जनआन्दोलनमा उनले एमालेको नेतृत्व गर्दै समन्वयकारी भूमिका खेलेका थिए। २०७४ सालमा भएको प्रदेश सभाको निर्वाचनमा उनले नेपाली कांग्रेसका उम्मेदवारले भन्दा ८ हजार ९ सय २ मत ल्याएका थिए।

सुवेदी धुर्मुस–सुन्तली फाउन्डेसनले निर्माण गरेको अन्तर्राष्ट्रिय क्रिकेट रंगशालाका लागि स्रोत जुटाउने, भरतपुरमा गणेशधाम निर्माणको समन्वय गर्नेजस्ता कामहरू पनि पनि सक्रिय भए। जिल्ला समन्वय समितिले उनकै संयोजनमा चितवनको इतिहास, वर्तमान र भविष्यमा गर्न सकिने कामलाई समेटिएको ‘चितवन दर्पण’ नामको पुस्तक प्रकाशन गरेको छ।

प्रदेश सांसदको रूपमा उनले अघि सारेको भरतपुर एक बगैंचा कार्यक्रमका प्रशंसक पनि भरतपुरमा धेरै छन्। उनले महानगरसँग मिलेर सार्वजनिक र व्यक्तिका खाली जमिनमा फलफूलका बिरूवा रोप्ने अभियान चलाएका थिए। उनले सडकको दुबै छेउमा फलफूलका बिरूवा रोप्ने र खाली जमिनमा पनि वृक्षारोपण गर्ने अभियान सुरू गरेका थिए।

सुवेदीले आफूसँग काम गर्ने दृढ इच्छा शक्ति र भिजन भएको र भरतपुरका मतदातासँग तल्लो तहमै भिजेका कारण निर्वाचन जित्ने दाबी गरे। उनले भरतपुर महानगरलाई अन्तर्राष्ट्रिय मापदण्डको सुन्दर सहरका रूपमा विकास गर्ने आफ्नो योजना रहेको बताए।

भरतपुर महानगरपालिकामा यस पटक ३५ हजार ४ सय ७८ जना मतदाता थपिएका छन्। गत निर्वाचनमा यहाँ १ लाख ५० हजार २ सय ७४ जना मतदाता थिए। १ लाख १२ हजार ८ सय ९७ जनाले मतदान गरेका थिए। थपिएका मतदाताको निर्णय अबको निर्वाचनमा निर्णायक बन्न सक्छ।