माधव नेपालले भने ‘गठबन्धन भित्रैबाटै सहनै नसक्ने गरि अपमान भयो ‘

नेकपा एमाले विभाज भएर बनेको नेकपा एसका अध्यक्ष माधव कुमार नेपालले गठबन्धन भित्रैबाट सहनै नसकिने गरि आफ्नो पार्टी माथी अपमान भइरहेको बताएका छन् ।

एकातिरबाट मात्रै होइन देशैभरीबाट अपमान भइरहेको भन्दै अध्यक्ष नेपालले धेरै पेल्न खोजे सहेर नबस्ने बताएका छन् । आफ्नो पार्टीको जन्मनै अपमान सहन नसकेर भएको भन्दै गठबन्धन बाट पनि त्यस्तैक्रम जारी गरे विद्रोह गर्ने चेतावनी दिएका छन्।

नेपालले पाँच दलीय गठबन्धन छाड्न सक्ने संकेत गरेका छन्। गठबन्धन भित्रबाटै आफूहरुको अपमान भइरहेको देशभरबाट रिपोर्ट आइरहेको बताउँदै उनले विद्रोहको चेतावनी दिएका हुन्।

आगामी वैशाख ३० गते हुने स्थानीय तह निर्वाचनको घोषणापत्र सार्वजनिक कार्यक्रमलाई मंगलबार काठमाडौंमा सम्बोधनका क्रममा नेपालले जिल्लाहरुमा पनि समाजवादीको अपमान भइरहेको बताएका हुन्।

‘देशका कतिपय जिल्लामा हाम्रो शक्तिको अवमूल्यन भएको छ। हामीमाथि अपमानपूर्ण व्यवहार भएको रिपोर्ट आइरहेको छ,’ अध्यक्ष नेपालले भने, ुतर हामी कसैको अपमान सहँदैनौँ, त्यसका लागि हाम्रो जन्म भएको होइन। हामी त अपमानविरूद्ध विद्रोह गरेर जन्मिएका हौँ।’

उनले गठबन्धनभित्रै पनि उम्मेदवार फकाउने होडबाजी चलेको बताए। ‘अहिले उम्मेदवार तानातान भइरहेको छ। चुनावमा हार्ने अवस्थाकाहरुले पनि सजिलै जित्छु भनेर घुर्क्याउँदैछन्,’ नेपालले अगाडि भने।

अध्यक्ष नेपालले अरुले कमजोर भनेको भरमा समाजवादीले मैदान खाली नगर्ने पनि बताए। उनले सम्बन्धित पालिकाको वस्तुस्थिति अध्ययन गरेर मात्रै उम्मेदवार छान्ने पनि बताएका छन्।

‘सम्बन्धित पालिका कमिटीले जनताको भावनालाई बुझेर, पार्टीको प्रभाव जाँचेर, व्यक्तित्वको पनि ख्याल गरेर, योगदान पनि हेरेर, लोकप्रियताबारे पनि ख्याल गरेर निर्णय लिनुपर्छु, उनले भने।

उनले पाँच दलभित्र सहमति भए त्यसकै आधारमा यदि त्यसो हुन नसकेमा मित्रताको आधारमा प्रतिस्पर्धा गर्ने पनि बताएका छन्।जति सहमति हुन्छ, त्यसकै आधारमा तालमेल हुन्छ। हामी पाँच दलबाहेक अरुसँग सहकार्य गर्दैनौँु, उनले भने, ुयदि सहमति नै भएनछ भने मित्रताका आधारमा स्वस्थ्य प्रतिस्पर्धामा जान्छौँ’