देउवालाई काग्रेस नेताको च्यालेन्ज, सातै छाप रुखमा भोट हाल्छु के सक्छौ कारबाही गर !

आसन्न निर्वाचनमा नेकपा माओवादी केन्द्र , नेकपा एस लगायतका दलसँग गठबन्धन गर्ने निर्णयले नेपाली काग्रेस भित्रको आन्तरिक विवाद चुलिँदै गएको छ ।

जिल्ला जिल्लाबाट आएको रिपोर्ट र कार्यकर्ताको भावना विपरित काग्रेस सभापती शेरबहादुर देउवाले प्रचण्ड र माधव नेपालको गुन तिर्न गठबन्धन गर्न लागेको भन्दै नेता कार्यकर्ताहरु आक्रोसित बनेका छन् । माओवादी लगायतसँगको गठबन्धन अस्विकार गर्ने देखी बागी उमेदवारी सम्मको चर्चा काग्रेसमा चल्न थालेको छ ।

नेपाली काग्रेसका पुराना नेता लक्ष्मण घिमिरेले केन्द्रले लादेर जे सुकै गठबन्धनको निर्णय गरे पनि आफुलाई स्विकार्य नभएको बताएका छन् । ओटिभी नेपाल डटकम सँगको विशेष कुराकानीमा नेता घिमिरेले आफुले सातै छाप रुखमा हाल्ने बताएका छन् । उनले अरु काग्रेसजनलाई पनि गठबन्धन अस्विकार गर्न अपिल गरेका छन् ।

नेता घिमिरेले काग्रेस भएर रुखमा भोट हाले बापत के कारबाही गर्ने हो गर्न पनि सभापती देउवालाई चुनौति दिएका छन् । हसिँया हथौडामा भोट हाल्नका लागी आफ्नो मात्रै होइन कुनै पनि काग्रेस कार्यकता मात्रै होइन शुभेक्छुकको पनि हात नजाने उनले भनेका छन् ।

कुराकानीका क्रममा घिमिरेले भनेका छन् ‘गठबन्धनको विरोध गरे बापत कारबाही गर्ने हो भने देउवाजी पहिला आफ्नै दुई महामन्त्री विश्वप्रकाश शर्मा र गगन थापालाई कारबाही गरेर देखाउँनुस् उनीहरु पनि गठबधनको विरोध गरिरहेको छन् मत टाढैको मान्छे भएँ । सबै जना स्पष्ट भए हुन्छ काग्रेसले रुखैमा भोट हाल्छन् अन्त हाल्दैन् । ‘

कुनै पनि काग्रेसको कार्यकर्ताले हसिँया हथौडामा भोट माग्ने र भोट हाल्ने काम गर्न नसक्ने भन्दै घिमिरेले केन्द्रबाटै गठबन्धनको निर्णय लादिएमा स्वस्फूर्त रुपमा उलंघन हुने चेतावनी दिएका छन् । माओवादीलाई काग्रेसले अंशं दिन नसक्ने भन्दै घिमिरेले आक्रोश पोखेका छन् ।
।

तपाईलाई जय नेपाल भनेर भनौँ कि लाल सलाम भनौँ? भन्ने ओटिभी नेपालको प्रश्नमा घिमिरेले कुनै समय माओवादीलाई समेत जय नेपाल लक्ष्मण दाई भन्न लगाउँने मान्छे आफुनै भएको बताए ‘ माओवादी सँग तपाईको पार्टीको पार्टीले गठबन्धन गरेर चुनाव गर्दैछ लाल सलाम भन्दा पनि होलानी !हसिँया हथौडामा भोट माग्न हिड्ने होइन तपाई ? भन्ने प्रश्नमा घिमिरेले रोचक जवाफ दिएका छन् ।

घिमिरेले हसिँया हथौडामा भोट मागेर हिड्ने काम रामचन्द्र पौडेलको भएको बताएका छन् । ‘पार्टी सभापती शेरबहादुर देउवा र रामचन्द्र पौडलजीलाई सबैभन्दा धेरै गठबन्धन चाहिएको छ , देउवाजी प्रधानमन्त्री भएको कारण आचारसंहिता लाग्नेहोला भोट माग्न हिड्न नमिल्ला हसिँया हथौडामा भोट मागेर हिड्ने काम रामचन्द्र पौडेलले गरुन अरु काग्रेसले गर्दैनन्’ । घिमिरेले भनेका छन् ।

काग्रेसको हात रुख चिन्ह बाहेक अरु चिन्हमा नजाने भन्दै उनले मतपत्र छापिसकिएको र गठबन्धन गरेर अरु पार्टीको उमेदवारलाई नेतृत्वले भाग दिने सहमती गरेछ भने पनि धेरै काग्रेसजनले रुखमानै भोटा हाल्ने दाबी उनले गरेका छन् । अघिल्लो पटकको निर्वाचनमा भरतपुरमा १२ हजार मत उमेदवार नभए पनि रुखमा आएको उनले स्मरण गरेका छन् ।

नेपाली काग्रेसका पुराना नेता लक्ष्मण घिमिरेसँग स्थानिय तहको निर्वाचन, गठबन्धन लगायतका बिषयमा केन्द्रित रहेर ओटिभी नेपाल डटकमले गरेको विस्तृत भिडियो अन्तवार्ता हेर्नुहोस्