प्रचण्ड र माधव नेपाल अब कमरेड रहेनन् उनीहरु काग्रेस हुन् :ऋषि कट्टेल

नेपाल कम्युनिष्ट पार्टीका अध्यक्ष ऋषि कट्टेलले नेपाली काग्रेस , नेकपा माओवादी केन्द्र , नेकपा एस लगायतकादलहरुको विचमा भएको गठबन्धनका विरोधमा निर्ममरुपमा लाग्नु पर्ने बताएका छन् ।

अध्यक्ष कट्टेलले नेकपा माओवादी केन्द्रका अध्यक्ष पुष्पकमल दहाल प्रचण्ड र नेकपा एसका अध्यक्ष माधव कुमार नेपाल अब कमरेड नरहेको बताएका छन् । आजको दिनमा प्रचण्ड र माधव नेपाल काग्रेस भएको दाबी उनले गरेका छन् । उनीहरुलाई नव काग्रेस भने हुने कट्टेलले भनेका छन् ।

नेपालमा गणतन्त लगायतका पछिल्ला परिवर्तनहरुमा नेकपा माओवादी केन्द्रले प्रचण्डको नेतृत्वमा गरेर जनयुद्धको महत्वपुर्ण योगदान रहेको तर अब त्यो इतिहासको पानामा सिमित भएको कट्टेलले भनेका छन् । सत्ताका लागी प्रचण्डले जनयुद्धको विरासत समेत पोलेर खाएको आरोप उनले लगाएका छन् ।

ओटिभी नेपाल डटकमसँगको विशेष कुराकानीमा अध्यक्ष कट्टेलले प्रचण्ड र माधव नेपालले नेपाली काग्रेसको मतियारी गरिरहेको भन्दै यसले तत्कालका लागी उनीहरुको सत्ताको चास्नी त चाख्न पाउलान् तर दीर्घकालिन रुपमा उनीहरुकै राजनितीक अस्तित्व समाप्त हुने ठोकुवा गरेका छन् ।

प्रचण्ड र माधव नेपालहरुका कारण बाम आन्दोलनमा पनि धक्का पुगेको विश्लेषण कट्टेलले गरेका छन् । नेकपा एमालेका अध्यक्ष केपी ओलीलाई हराउँन र ओलीलाई देखाइदिन भन्दै माओवादी र समाजवादीले जे जस्तो काम गर्दै छन् यसले उनीहरुलाईनै समाप्त पार्ने दाबी उनको छ ।

ओलीलाई हराउँन लाग्दा प्रचण्ड माधवहरुले देउवालाई जिताउँदैछन्, हो यहि निर उनीहरुले ठूलो गल्ती गर्दैछन् । केपी ओलीलाई हराएर प्रचण्ड माधव बलिया भएको भए मान्न सकिन्थ्यो तर उनीहरुले काग्रेसलाई बिलियो बनाउँन मतियारी गर्दैछन् यो बिलकुल गलत छ ,यसले उनीहरुलाईनै समाप्त पार्नेछ । कट्टेलले ठोकुवा गरेका छन् ।

विदेशी प्रतिक्रियावादी र साम्राज्यवादीको सबैभन्दा भरपर्दो शक्ति अहिले नेपालमा काग्रेस रहेको भन्दै माओवादी र समाजवादीले चुनाव जित्नैका लागी उसको सेवा गर्नु गम्भिर अपराध भएको कट्टेलले भनेका छन्। काग्रेसको निती ठिक भनेर हिड्ने , रुखमा भोट हालेर हिड्नेलाई काग्रेस नभनेर के भन्ने ? तपाई आफँै भन्नुस न । कट्टेलले प्रश्न गरेका छन् ।

जसरी अहिले अग्रगमन र संविधानका लागी गठबन्धन गरिएको भन्ने कुरा छ यो विल्कुल हावादारी कुरा भएको पनि उनले भनेका छन् । राजालाई लगेर सत्ताको चाबी बुझाउँने शेरबहादुर अग्रगामी भन्ने कुरा कुनै सचेत मान्छेले पत्याउँदैन। यो राजनिती स्टन्ट बाहेक अरु केही होइन । देउवा कस्तो मान्छे भन्ने त उनको इतिहास हेरे भैहाल्योनी । कट्टेलले भनेका छन् ।

स्थानिय तहको निर्वाचन , गठबन्धन ,बाम आन्दोलको भविश्य लगायतका बिषयमा केन्द्रित रहेर नेपाल कम्युनिष्ट पार्टीका अध्यक्ष ऋषि कट्टेलसँग ओटिभी नेपाल डटकमले गरेको विस्तृत भिडियो कुराकानी हेर्नुहोस्