दाङ पुगेर प्रचण्ड विरुद्ध शंकर पोखरेलले दिए कडा अभिव्यक्ती

केहि दिन अघि लुम्बीनी प्रदेश सरकारको मुख्यमन्त्री बाट विदा भएका एमाले नेता शंकर पोखरेलले दाङ पुगेर माओवादी केन्द्रका अध्यक्ष पुष्पकमल दाहाल प्रचण्ड प्रति कडा टिप्पणी गरेका छन् ।

लुम्बिनी प्रदेशका निवर्तमान मुख्यमन्त्री तथा नेकपा एमालेका नेता शंकर पोखरेलले माओवादीका अध्यक्ष प्रचण्डले जनयुद्धकालीन ढाडमा टेकेर टाउकोमा हान्ने नीति नछोडेको टिप्पणी गरेका छन् ।

आफूहरुले भरोसा गरेर चुनावी गठबन्धनसँगै पार्टी एकता गरे पनि प्रचण्डले माधव नेपालको ढाडमा टेकेर एमाले अध्यक्ष केपी शर्मा ओलीको टाउकोमा हान्ने कोशिश गरेको उनको आरोप छ ।

‘पुष्पकमल दाहाल प्रचण्ड माओवादीका नेता,उहाँलाई आधार बनाएर हामीले चुनावी गठबन्धन गर्‍यौं । पार्टी एकता गर्‍यौं तर उहाँले ढाडमा टेकेर टाउकोमा हान्ने नीति छोड्नुभएको रहेनछ’ पोखरेलले भने, ‘माधव नेपालको ढाडमा टेकेर केपी ओलीको टाउकोमा हान्ने कोशिश गर्नुभयो ।’ आजको परिणामले त्यही पुष्टि भएको उनले बताए ।

दाङमा शनिबार आयोजित एक कार्यक्रममा बोल्दै नेता पोखरेलले प्रचण्डमा रहेको अस्थिरता, अवसरवाद र महत्वाकांक्षाको संयोजनका कारण देशमा अहिले अस्थिरता सिर्जना भएको आरोप समेत लगाए ।

लुम्बीनी प्रदेशमा माओवादी केन्द्रका नेता कुलबहादुर केसी नेपाली काग्रेस समेतको समर्थनमा मुख्यमन्त्री बनेका छन् । यो सँगै शंकर पोखरेल प्रमुख प्रतिपक्षी दलको नेता भएका छन् । केन्द्र सरकारमा एमाले प्रतिपक्ष दलमा पुगेपछि केपी ओलीले संसदमा कडा भुमिका देखाइरहका छन् शंकर पोखरेलले पनि लुम्बीनीका कडा रुपमा प्रस्तुत हुने संकेत गरेका छन् ।