प्रचण्ड र देउवा विचको खटपट छताछुल्ल !

सर्वोच्च अदालतको परमादेश बाट सरकार बनेको एक महिना नपुग्दै सत्तारुढ गठबन्धन विच खटपट सुरु भएको छ । प्रधानमन्त्री तथा नेपाली काग्रेसका सभापती शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्ड विचको खटपट छताछुल्लै हुन थालेका छन् ।

सत्तासाझेदार प्रमुख दल नेपाली काग्रेस र माओवादी केन्द्रका मूल नेतृत्वनै एक अर्का विरुद्ध बोल्न र घोचपेच गर्न थालेका छन् । प्रधानमन्त्री देउवा र माओवादी केन्द्रका अध्यक्ष प्रचण्ड विच खटपट भएको चर्चा चलिरहँदा उनीहरुलेनै त्यसको पुष्टि हुने गरि अभिव्यक्ती दिन थालेका छन् ।

प्रधानमन्त्री शेरबहादुर देउवाले माओवादी केन्द्रका अध्यक्ष पुष्पकमल दाहाल प्रचण्डका कारण सरकारको साझा निति तथा कार्यक्रममा एमसीसी राख्न नसिकिएको बताएका छन् भने प्रचण्डले घुमाउँरो भाषामा देउवाले पनि ओलीले जस्तै संसद विघठन गरेर चुनाव घोषणा गर्नसक्ने बताएका छन् । प्रचण्ड र देउवा विच सम्बन्ध चिसिँदै गएको यसैबाट प्रमाणित हुन्छ ।

नयाँ सरकार बने लगत्तै माओवादी केन्द्रका अध्यक्ष प्रचण्डले सरकार संचालनका लागी उच्च स्तरीय राजनितीक संयन्त्र बनाउँन देउवालाई दवाव दिएका थिए । प्रचण्डको त्यो प्रस्ताव देउवाले सिधै खारेज गरिदिए । त्यस पछि प्रचण्ड र देउवा विच इगो प्रम्बलम सुरु भएको बताइन्छ । प्रचण्डले हैरान बनाउँन थाले पछी प्रधानमन्त्री देउवाले आफ्ना नजिकका मान्छे सँग दिक्दारी व्यक्त गर्न थालेका छन् ।

पार्टी मुख्यालय कोटेश्वर पोरिसडाँडामा शनिबार सुरु केन्द्रीय समिति बैठकमा प्रचण्डले माधव नेपालका कारण मात्र सरकार अल्पमतमा पर्नबाट जोगिएको बताए । सत्ता बहिर्गमनमा परेर छटपटाएका केपी ओली पुनः सत्तामा फर्कन प्रयाससरत रहेकाले मुलुकमा अझै प्रतिगमनको खतरा टरिनसकेको उनको भनाइ थियो । ‘प्रतिगमनको खतरा अझै टरेको छैन । ओली फेरि प्रधानमन्त्री बन्ने खतरा रहेको उनले औल्याए ।

प्रतिगामी शक्तिले फेरि सत्तामा फर्कने कोसिस जारी राखेको छ’, प्रचण्डको भनाइ उद्धृत गर्दै एक केन्द्रीय सदस्यले भने, ‘माधव नेपाल दह्रोसँग अडिएका कारण मात्र यो सरकार टिकेको छ ।’ प्रचण्डले माधव नेपाल समूह अलग हुने बित्तिकै काँग्रेसका ६२, माओवादी केन्द्रका ४९ र जसपा उपेन्द्र यादव पक्षमा २० गरी १ सय ३१ सांसद मात्र रहेको र त्यो संख्या बहुमतका लागि पर्याप्त नभएको स्पष्ट गरे ।

‘माधव नेपाल नउभिएका दिन हामी अल्पमतमा पर्छौ, हामीसँग १ सय ३१ मात्रै छ ।’ फरक प्रसंगमा उनले मन्त्रिमण्डल विस्तारमा ढिलाइ हुनुमा आफूहरुको दोष नरहेको बताए । प्रचण्डले प्रधानमन्त्री देउवाले नाम माग्ने बित्तिकै स्थायी समिति बैठक बसेर मन्त्रीको नाम सिफारिस गरिने उल्लेख गरे ।

जसपा आधिकारिकता विवाद र एमालेको माधव नेपाल समूहलाई कुर्दा एक महिना बितेको र पछिल्लो समय प्रधानमन्त्री देउवाले काँग्रेस केन्द्रीय समिति बैठकसम्म समय मागेको उनको भनाइ थियो ।