चुनाव हारेर तनावमा रहेका माधव नेपाल र झलनाथलाई डा केसीले झनै लाजमर्दो हुने गरि दिए जवाफ !

स्थानिय तहको निर्वाचनको परिणाम आइरहेका बेला निर्वाचन परिणामले दिएको सन्देश र अबको राजनितीक बाटोमा बिषयमा विभिन्न कोणबाट चर्चा परिचर्चा सुरु भएको छ ।

प्रमुख प्रतिपक्षी दल नेकपा एमालेका विरुद्ध पाँच दलीय गठबन्धन बनाएर निर्वाचनमा होमिएका दलहरुका विचमा निर्वाचनको अन्तिम परिणाम नआउँदै चिसोपना देखिन थालेको छ । निर्वाचन परिणामको रुझानले विशेष त नेकपा एमाले फुटाएर नेकपा एस पार्टी बनाएका नेताहरु आक्रोसित देखिएका छन् ।

निर्वाचनमा गठबन्धन बनाएर मैदानमा गए पनि गठबन्धनबाटै धोका भएको र काग्रेस र माओवादी मात्रै भित्रीरुपमा मिलेको आरोप नेकपा एसका जिम्मेवार नेताहरुले लगाइरहेका छन् । यस्ता अभिव्यक्ति दिने नेताहरुलाई राजनितीक विश्लेषक डा सुरेन्द्र केसीले मुख भरिको जवाफ दिएका छन् ।

गठबन्धनबाट धोका भएको र कुनै पनि बेला एमालेसँग मिल्न सकिने भन्दै नेकपा एसका नेता झलनाथ खनालले दिएको अभिव्यक्तीप्रति लक्षित गर्दै विश्लेषक डा केसीले कडा टिप्पणी गरेका छन् । पार्टी फुटाउँने भँडुवाहरुलाई यस्तो कुरा गर्न सुहाउँछ ? भन्दै डा केसीले झपारेका छन् ।

ओटीभी नेपाल डटकमसँगको विशेष कुराकानीमा डा केसीले एकिकृत रुपमा रहेको एमाले फुटाएर विपक्षी पार्टीलाई सत्ता बुझाउँने भँडुवाहरु अहिले फेरी गठबन्धनबाट धोका भयो एमालेसँग मिल्छौ भन्दै हिँडेका छन् ,के माकुने र झलनाथहरुले यस्तो कुरा गर्न मिल्छ ? भन्दै केसीले प्रश्न गरेका छन् ।

निर्वाचन परिणामले देखाए जस्तै नेकपा एसले देशभरबाट भोगिरहेको पराजयलाई डा केसीले स्वाभाविक र जुरुरी भएको बताएका छन् । पार्टी फुटाउँने भँडुवाहरुलाई जनताले सजाय दिएको भन्दै डा केसीले यो हुनै पर्ने थियो भनेका छन् ।

कुराकानीको क्रममा डा केसीले काठमाडौँ महानगरपालिकामा स्वतन्त्र उमेदवार बालेन शाहको उदय पनि राजनितीक दलहरुका उदण्डता र अराजकताको उपज भएको बताए । सुर्यबाट चुनाव जितेको मान्छेले रुखमा गएर भोट हाल्न मिल्ने हामीले लौरौमा भोट हाल्न किन नमिल्ने भन्दै जनताले बालेनको लौरो रोजेको डा केसीको तर्क छ ।

बालेनले प्राप्त गरेको मत राजनितीक दलका फटाह नेताहरुलाई थप्पड भएको जिकिर डा केसीले गरेका छन् । एमालेले काठमाडौँको मेयरको उमेदवार बनाएका केशव स्थापितले आफ्नै बोलीका कारण दुख पाएको दाबी पनि उनले गरेका छन् । स्थापीत देखी गठबन्धनकी उमेदवार सिर्जना सिंह सम्मको उमदेवार हुने मापदण्डमै प्रश्न उठाउँदै केसीले त्यसैको प्रतिक्रया स्वरुप जनताले बालेनलाई रोजेको विश्लेषण गरेका छन् ।

चर्चित राजनितीक विश्लेषक डा सुरेन्द्र केसी सँग स्थानिय तहको निर्वाचनको परिणाम अबको राजनितीक बाटो लगायतको समसामयिक बिषयमा केन्द्रित रहेर ओटिभी नेपाल डटकमले गरेको भिडियो कुराकानी हेर्नुहोस्