संसदको अन्तिम बैठकमा सरकारको सातो जाने गरि गर्जिए एमाले सांसदहरु कसले के भने ?

सर्वोच्च अदालतको परमादेश बाट बनेको शेरबहादुर देउवा नेतृत्वको सरकारले संसदको चालु अधिवेशन आजै अन्त्य गर्न राष्ट्रपति समक्ष सिफारिस गरे पछि चौतर्फी रुपमा चर्चा सुरु भएको छ ।

सरकार बनेको एक महिना सम्म पनि सरकार विस्तार गर्न नसकेर आलोचित भएको सरकारले अन्तत संसदनै अन्त्य गरेर सरकार विस्तार गर्न खोजेको छ । एमाले विभाजन गर्न सजिलो बनाउँने गरि अध्यादेश ल्याउँने र माधव नेपाल सहितलाई समेटेर सरकार विस्तार गर्ने तयारी प्रधानमन्त्री देउवाले गरेका छन् ।

सरकारले एमाले फुटाउँने तयारी गरे पछि आज बसेको संसदको चालु अधिवेशनको अन्तिम बैठकमा एमाले सांसदहरुले देउवा सरकारको सातो खाएका छन् । परमदेश सरकार भन्दा सत्तापक्षले चित्त दुखाए पछि एमाले सांसदहरुले कसैले मापसे सरकार त कसले प्रचण्ड प्रतापी भूपती सरकार भन्दै देउवा सरकार माथी खनिएका छन् ।

नेकपा एमालेका सांसद महेश बस्नेतले शेरबहादुर देउवा नेतृत्वको सरकार ‘मापसे सरकार’ रहेको बताएका छन् ।

परमादेशी सरकार भन्दा सत्तापक्षका माननीयहरूलाई चित्त दुखेको भन्दै बस्नेतले देउवा सरकारलाई ‘मापसे सरकार’ को उपमा दिएका हुन् । ‘माधव नेपालको आडमा, प्रचण्डको सहयोगमा शेरबहादुर देउवाले नेतृत्व गरेको हुनाले यो मापसे सरकार हो’, बस्नेतले भने ।

प्रतिनिधिसभाको चालु अधिवेशन अन्त्य गरेर दल विभाजसम्बन्धी अध्यादेश ल्याउन लागेको भन्दै सांसद बस्नेतले सरकारको आलोचना गरे । पुनःस्थापनाको डेढ महिनासम्म संसदलाई बिजनेश दिन नसक्ने सरकारले संसदीय इतिहासमै गलत काम गर्न खोजेको उनले टिप्पणी गरे ।

‘‘ सरकारले आज एउटा गज्जबको निर्णय गर्दैछ भन्ने सुनेँ, यो संसद अन्त्य गर्ने नेकपा एमाले विभाजन गर्ने अध्यादेश ल्याउने’ उनले भने, ‘डेढ महिनासम्म हिजो संसदीय व्यवस्था चुनौती दिने र केपी ओली सरकारलाई गाली गर्ने सरकारले आज यो निर्णय ग¥यो भने संसदीय इतिहासमा कालो निर्णय हुनेछ ।’

सांसद बस्नेतले अदालतबाट संसद पुनर्स्थापनाको निर्णय भएपछिको डेढ महिना श्रद्धाञ्जली, शून्य समय र प्रतिवेदन पेश गर्नेबाहेक कुनै काम नभएको बताए ।

बस्नेतले केपी ओलीको मात्रै नभएर कांग्रेसका नेताहरूको उपचार खर्चबारे पनि छानविन गर्न माग गरे । उनले वीर अस्पतालको उपकरण खरिद र भीसी नियुक्तिबारे पनि छानविन हुनुपर्ने बताए ।

उनले न्यायालयभित्रका विकृतिहरू सतहमा आएको भन्दै संसदमा बहस हुनुपर्ने माग गरे । सर्वोच्च अदालतको संसद पुनःस्थापनासम्बन्धी फैसला त्रुटीपूर्ण रहेको भन्दै बस्नेतले गलत काम गर्ने न्यायाधीशलाई महाभियोग लगाउन पछि हट्न नहुने बताए ।

त्यसै गरि एमाले सांसद रामवीर मानन्धरले कांग्रेस सभापति शेरबहादुर देउवा नेतृत्वको गठबन्धन सरकारलाई ‘प्रचण्ड प्रतापी भूपतिहरूको सरकार’ रहेको बताएका छन् ।

प्रतिनिधि सभाको आजको बैठकमा बोल्दै उनले देउवा सरकारलाई नयाँ नाम दिएका हुन्। उनी आबद्ध दलका सांसदहरूले बारम्बार परमादेशको सरकार भन्दै आएका छन्। तर, पूर्वराज्यमन्त्रीसमेत रहेका मानन्धरले कटाक्ष गर्दै देउवा सरकार एमसीसी ल्याउन खोज्नेहरूको मात्रै नभएको बताए।

‘कसैले भन्छ, यो सरकार परमादेशको अरे। कसैले भन्छ, यो सरकार बहादुर पञ्च पाण्डवहरूको पनि रे। कसैले भन्छ, यो सरकार तुइन चुँडाउनेहरूको पनि हो कि क्या हो भन्छ। कसैले भन्छ, यो सरकार त दाम्लै छिनाउन लागेकाहरूको हो कि क्या होरु कसैले भन्छ, एमसीसी ल्याउन खोज्नेको सरकार हो कि क्या हो ? जसले जेसकुै भने पनि मलाई यो सरकार प्रचण्ड प्रतापी र भूपतिहरूको जस्तो लाग्छ।’