डा शर्माको ठोकुवा : काग्रेसले अब कहिल्यै एक्लै चुनाव लड्न सक्दैन यो नै उसको पराजय हो

स्थानिय तहको निर्वाचनमा नेपाली काग्रेसले सबैभन्दा बढि सिट जितेको छ । सबैभन्दा बढि सिट जितेर नेपाली काग्रेस पहिलो , नेकपा एमाले दोस्रो र नेकपा माओवादी केन्द्र तेस्रो भएको देखिन्छ तर यसलाई फरक कोणबाट पनि व्याख्या भइरहको छ ।

प्रमुख प्रतिपक्षी दल नेकपा एमालेका नेताहरुले प्राविधिक कारण केहि सिट गुमाउँनु परेको भए पनि एमालेले हारेको भन्न नमिल्ने जिकिर गरिरहेका छन् उनीहरुले अहिले पनि जनमतमा एमालेनै पहिलो पार्टी भएको दाबी गरिरहेका छन् यता गठबन्धनका नेताहरु भने एमालेलाई हराइयो भन्दै दंग परिरहेका छन् । यस्तो बेलामा चर्चित राजनितीक विश्लेषक डा प्रेम शर्माले फरक तरिकाले विश्लेषण गरेका छन् ।

सबैभन्दा धेरै सिट जितेर पहिलो पार्टी भयौँ भनेर दंग परिरहेका काग्रेसका नेता र कार्यकर्ताहरुलाई नमिठो झड्का लाग्ने गरि डा शर्माले विश्लेषण गरेका छन् । सतहीरुपमा हेर्दा काग्रेसले जितेको देखिए पनि गहिरोसँग विश्लेषण गर्दा काग्रेस नमज्जासँग पराजित भएको दाबी डा शर्माले गरेका छन् ।

चुनाव जित्नकै लागी काग्रेसले जो सुकै सँग जस्तो सुकै सहकार्य पनि गर्छ भन्ने मानक स्थापित भएको भन्दै डा शर्माले अहिलेलाई चुनाव जितियो भन्दै काग्रेसलाई आनन्द आए पनि दिर्घकालिन रुपमा सँधै असर गरिरहेने तर्क उनले गरेका छन् । यो चुनावमा काग्रेसले जितेर पनि हारेको तर्क डा शर्माको रहेको छ ।

काग्रेसले माओवादी केन्द्र , नेकपा एस , जसपा लगायतका दलहरुको सहयोगमा एमाले भन्दा केहि बढि सिट स्थानिय तहमा जितेको तर एक्लै चुनाव लड्न सक्ने सामर्थ सदाका लागी गुमाएको जिकिर डा शर्माले गरेका छन् । उनले ठोकुवा गरेका छन् काग्रेसले अब कहिल्यै एक्लै चुनाव लड्न सक्ने छैन योनै उसका लागी सबैभन्दा ठूलो हार हो ।

कम्युनिष्टसँग गठबन्धन नगरिकन एक्लै चुनावी प्रतिष्पर्धामा गएको भए पनि अहिले जितेको जती सिट जित्ने अवस्था काग्रेसको रहेको भन्दै गठबन्धन गर्दा पनि धेरै जित्न नसकेको र भविश्यमा जित्न सक्ने आधार पनि काग्रेसले गुमाएको दाबी उनले गरेका छन् ।

महानगरपालीकाहरुमा अहिले जितेका सिट गठबन्धन नगर्दा पनि काग्रेसले जित्न सक्ने थियो भन्दै डा शर्माले गठबन्धन नगरेको भए अझ बढि जित्न सक्ने अवस्था आउँन सक्ने थियो पनि भनेका छन् । काग्रेसलाई नाफा भन्दा घाटानै भएको दाबी उनको छ । अहिलेलाई भन्दा पनि दिर्घकालकै लागी काग्रेसले धेरै कुरा गुमाएको तर्क उनले गरेका छन् ।

ओटिभी नेपालसँगकै कुराकानीमा डा शर्माले माओवादी जनयुद्धका क्रममा मारिएका १७ हजारको जिम्मा यस अघि प्रचण्डले लिनु पर्छ भनिँदै आएकोमा अब त्यसको जिम्मा देउवा, माधव नेपाल सबैले लिनु पर्ने बताएका छन् । प्रचण्डले पाप कटनी गरेको भन्दै उनले यसको भारी अब बराबर रुपमा देउवा र नेपालहरुमा पनि गएको बताएका छन् ।

अहिलेको गठबन्धनले सबैभन्दा खुँदो भने माओवादी केन्द्रका अध्यक्ष पुष्पकमल दहाल प्रचण्डलाई पल्टीएको पनि उनले बताएका छन् । यो हैसियतमा आउँनै नसक्ने माओवादीले निकै लाभ लिएको भन्दै प्रचण्ड निर्णायक तस्रो शक्तिका रुपमा कायम भएको उनले भनेका छन् । माधव नेपालको पार्टी नेकपा एसलाई पनि गठबन्धनले फाइदै भएको भनेका छन् ।

राजनितीक विश्लेषक डा प्रेम शर्मासँग समसामयिक राजनितिक बिषयलाई केन्द्रमा राखेर ओटिभी नेपाल डटकमले गरेको भिडियो कुराकानी हेर्नुहोस्