लालवावु पण्डितले माधव नेपालको बारेमा गरेको भविश्यवाणी ठ्याक्कै मिल्यो !

केहि समय अगाडी ओटीभी नेपाल डटकम सँगको कुराकानीको क्रममा एमाले नेता एवं पूर्वमन्त्री लालवावु पण्डितले भनेको कुरा सत्यतामा परिणत हुने अवस्था आएको छ ।

ओटीभी नेपाल सँगको कुराकानीमा एमाले नेता पण्डितले नेकपा एमाले भित्रका माधव नेपाल समूहका मान्छेहरु मन्त्रीखानको लागी दौरासुरुवाल सिलाएर ठिक्क परेर बसेको बताएका थिए । मन्त्री खानैका लागी पार्टी माथी गद्दारी गरेर देउवालाई विश्वासको मत दिएकाहरुले मन्त्री नखाई बस्नै नसक्ने पण्डितले जिकीर गरेका थिए ।

अहिले मन्त्री खान भनेर देउवालाई भोट हालेकाहरुले यदी माधव नेपालले सरकारमा नजाने भनेर निर्णय गरको अवस्थामा तिनै सांसदहरुले माधव नेपालको टाउको फुटाउने दावी पनि नेता पण्डीतले गरेका थिए । नभन्दै उनले भनेजस्तै मन्त्री खान खोज्नेको दवाव थेग्नै नसक्ने अवस्थामा माधव नेपाल पुगेका छन् ।

माधव नेपाल स्वयंमले सार्वजनिक रुपमै आफ्नै सांसदहरुले दाम्लो चुडाउन लागेको बताएका छन् । मन्त्री चाहियो भन्नेको प्रेसर थेगीनसक्नु भएको स्विकार गर्दै माधव नेपालले दाम्लो सँग तुलना गरेका छन् । कतिपय माधव नेपालका सांसदहरु मन्त्री चाहियो भन्दै सिधै प्रधानमन्त्री देउवालाई भेट्न धाउन थालेको यस अघिनै सार्वजनिक भइसकेको छ ।

नेकपा एमालेका वरिष्ठ नेता माधव कुमार नेपाल आफुलाई पार्टी भित्रको विद्रोही नेता भन्छन् । आफ्नै पार्टीका अध्यक्षले नेतृत्व गरेको सरकारलाई हटाएर प्रतिद्धन्द्धी दल नेपाली काग्रेसका सभापती शेरबहादुर देउवालाई प्रधानमन्त्री बनाएका छन् तर उनका दुख सकिएका छैनन् ।

प्रतिगमन सच्चाएर संविधान रक्षा गरेर आफुले ठूलो काम गरेको ठानिरहेका नेता नेपाल आफ्नै पार्टी भित्र भने दिन प्रतिदिन खुम्चँदै गएका छन् । कुनै बेला नेकपा एमालेका शक्तिशाली महासचिव बनेर १५ बर्ष सम्म एमाले हाँकेका नेपाल अहिले दयनिय अवस्थामा पुगेका छन् ।

सर्वोच्च अदालतको परमादेशबाट सरकार बनेको एक महिना पुरा भएको छ । ओली हटेको भोलीपल्ट चमत्कार गर्छु भन्नेहरुले सरकार विस्तार सम्म गर्न नसकेर लाचार भइरहेका छन् । मन्त्रीपरिषद विस्तार गर्न नसकेको पनी माधव नेपाललका कारणले भन्ने आरोप पनि उनी माथी लागेको छ ।

माधव नेपाल कुन हालतमा पुगेका रहेछन् भने उनलै स्विकार गरेका छन् मन्त्री खान आफ्नै सांसदहरु मरिहत्ते गरेर लागेको उनले बताएका छन् । दाम्लै चुडालेर मन्त्री खान जान खोज्नेहरु निक्किए भन्दै उनले आफ्नो लाचारी व्यक्त गरेका छन् ।

हिजो अनेक प्रलोभन गरेर ओलीविरुद्ध लगाएका सांससहरुले सरकारमा जान गनगन गरेपछि अहिले माधव नेपाल चेपुवामा परेका छन् । एकातिर कुनै हालतमा सरकारमा सहभागी हुन हुँदैन भनेर दवाव दिने ठूलो पक्ती उनी सँग छ भने दाम्लोनै चुँडालेर मन्त्री खान जानेको प्रेसर पनि थेगी नसक्नु छ उनीमाथी ।

सरकारमा सहभागी बनौं भने पनि ठूलो पंक्तिले आफ्नो साथ छोड्ने डर नबनौं भने पनि एकातिर माधव नेपालकै कारण सरकार विस्तार नहुन नसकेको अपजसको भारी अर्को तिर हिजो अनेकौं प्रलोभन दिएर प्रभावमा पारेर सांसदहरुले दाम्लोनै चुँडालेर जालान् भन्ने पीर ।