एमाले फुटाउन खोजेपछि एक्सनमा उत्रिए ओली, तत्काल चाले यस्तो कदम

सर्वोच्च अदालतको परमादेश बाट प्रधानमन्त्री बनेका शेरबहादुर देउवाले नेकपा एमाले विभाजन गराउँनको लागी अध्यादेश ल्याउँने उदेश्यका साथ संसद अधिवेशन अन्त्य गरेपछि देशैभरी ठूलो तरंग गएको छ ।

अध्यादेश ल्याउँने र एमाले फुटाउँनेनै देउवाको सुुर बुझे पछि नेकपा एमालेका अध्यक्ष केपी अ‍ोलीले पनि तत्काल कदम चालेका छन् । सरकारको तयारीलाई पहिले देखीनै सुचनामा रहेका एमाले अध्यक्ष ओली सरकारको कदमलाई कसरी डिफेन्स गर्ने भनेर रणनिती बनाउँन थालका छन् ।

सरकारले संसद अधिवेशन अन्त्य गरेर राजनीतिक दल विभाजनसम्बन्धी अध्यादेश ल्याउने तयारी थालेपछि एमाले अध्यक्ष केपी शर्मा ओली आन्तरिक छलफलमा जुटेका छन् ।

संसद अधिवेशन आजै मध्यराति अन्त्य हुँदैछ । माधव नेपाल पक्षलाई सहज हुने गरी दल विभाजनसम्बन्धी अध्यादेश ल्याउने सूचना कांग्रेस नेताहरुबाटै पाएपछि ओलीले स्थायी कमिटीका नेताहरुसँग अनौपचारिक छलफल गर्न लागेका हुन् ।

महासचिव ईश्वर पोखरेलसहित पार्टीका पदाधिकारी र स्थायी कमिटीका नेताहरु बालकोट पुगेका छन् । सरकारले अध्यादेश ल्याउनुअघि नै कुनै कदम चाल्नेबारे समेत ओली छलफलमा छन् ।

एमाले एकताको लागि १० बुँदे सहमतिका आधारमा अघि बढ्ने भने पनि माधव नेपालले समान अधिकारसहितको अध्यक्षबाहेक अन्य कुरामा सहमत नहुने बताएपछि ओली अबको रणनीतिका बारेमा छलफलमा छन् ।

यसबीचमा माधव नेपाल पक्षका वार्ता टोली संयोजक समेत रहिसकेका उपाध्यक्ष भीम रावलले आइतबार महासचिव ईश्वर पोखरेल र उपमहासचिव विष्णु पौडेलसँग लामो छलफल गरेका थिए ।

माधव नेपालका शर्त मान्न ओली तयार नभएपछि एमाले नेताहरु नयाँ रणनीतिका लागि छलफलमा जुटेका हुन् ।