रवि लामिछाने त के ठोरीका राम आएर प्रधानमन्त्री भए पनि यो व्यवस्थामा केही गर्न सक्दैनन् :बालकृष्ण न्यौपाने

पत्रकारिता क्षेत्रबाट अलग भएर पुर्णकालिन राजनितीमा होमिएका रवि लामिछानेका बारेमा बरिष्ठ अधिवक्ता एवं नेपालका लागी नेपाली पार्टीका अध्यक्ष बालकृष्ण न्यौपानेले खरो विश्लेषण गरेका छन् ।

आफ्नो एजेण्डा व्यवस्था परिवर्तन नभइ अवस्था मात्रै परिवर्तन गर्ने भएको भन्दै राजनितीमा होमिएका रविको यहि चिज ठिक नभएको दाबी उनले गरेका छन् । व्यवस्था परिवर्तन नगरि अवस्था परिवर्तन हुनै नसक्ने जिकिर गर्दै न्यौपानेले लामिछानेलाई खरो प्रश्न पनि गरेका छन् ।

रवि लामिछाने रविन्द्र मिश्रको बिँडो थाप्न मात्रै आएको भन्दै न्यौपानेले व्यवस्था परिवर्तन नगरी अवस्था कसरी परिवर्तन गर्नुहुन्छ रवि जी ? भन्दै प्रश्न गरेका छन् । यो व्यवस्थानै घिटिघिटी भएका बेलामा यहि व्यवस्थाबाट अवस्था परिवर्तन गर्छु भन्दै आएका लामिछानेबाट केहि माखो नमर्ने ठोकुवा पनि उनले गरेका छन् ।

समस्यानै अहिलेको व्यवस्थामा रहेको भन्दै न्यौपानेले यहि व्यवस्थामा त रवि लामिछाने त के ठोरीका राम आएर प्रधानमन्त्री बने पनि केहि गर्न नसक्ने भन्दै आक्रोस व्यक्त गरे । इट्टा बनाउँने साँचोसँग तुलना गर्दै उनले साँचोनै बांगो छ भने इट्टा बनाउँने मान्छे परिवर्तन गरेर केही नहुने उनले जिकिर गरे ।

रवि लामिछाने राजनितिमा आउँने खबर सुन्दा सुरुमा आफुलाई पनि खुशि लागेको तर यहि व्यवस्थाबाट अवस्था परिवर्तन गर्छु भन्ने उनको घोषणा पछि यिनीबाट पनि केही पार लाग्दैन भन्नेमा आफु निचोडमा पुगेको उनले भनेका छन् ।

रविन्द्र मिश्रको पत्तासाफ भए पछि त्यहि खाली ठाउँ भर्नका लागी रवि लामिछानेलाई मोहरा बनाएको पनि हुन सक्ने आकलन उनले गरेका छन् । रविन्द्रको ठाँउमा रविलाई ल्याएर राखेर नयाँ प्रयोग हुन खोजेको दाबी उनले गरेका छन् । रविलाई नेपाली जेनेलेक्सी बनाउँन खोजिएको हुन सक्ने अनुमान पनि उनले गरेका छन् ।

जेनेलेस्की जस्तै कमेडियनको रुपमा रविलाई स्थापित गर्न खोजिएको हुन सक्छ तर त्यो सम्भव छैन । चार बर्ष पछि रवि पनी रविन्द्रकै हालतमा पुगेर राप्रपा प्रवेशको दर्खास्त बोकेर हिड्नेछन् । न्यौपानेले ठोकुवा गर्दै भनेका छन् । रावि लामिछाने दोस्रो रविन्द्र मिश्र बन्ने ठोकुवा उनले गरेका छन् ।

रवि लामिछानेले घोषणा गरेको पार्टी र उनको राजनितीक भविश्यका बारेमा नेपालका लागी नेपाली पार्टीका अध्यक्ष एवं वरिष्ठ अधिवक्ता बालकृष्ण न्यौपानेसँग ओटिभी नेपाल डटकमले गरेको भिडियो कुराकानी हेर्नुहोस्