अष्टलक्ष्मीको खुलासाले एमालेमा खुशियाली, त्यत्ती गरे माधव नेपाल पनि एमालेमा फर्कन तयार!

केहि दिन अघिमात्रै वाग्मती प्रदेशको मुख्यमन्त्री बनेकी एमाले नेतृ अष्टलक्ष्मी शाक्यले विभाजित एमाले तत्कालै फेरी एकतामा पुग्ने आधार प्रस्तुत गरेकी छिन् ।

माधव नेपाललाई धोका दिएर केपी ओली सँग मुख्यमन्त्री खान गएको भनेर चर्को आलोचना भए पछि मुख्यमन्त्री शाक्यले आफु कसैको विरोधी या समर्थक भएर मुख्यमन्त्री बनेको नभइ पार्टी अध्यक्ष ओली र माधव नेपाल सँगको सल्लाहमै मुख्यमन्त्री भएको दावी गरेकी छिन् ।

एमाले विभाजन भएर माधव नेपालहरुले नयाँ पार्टीनै दर्ता गरिसकेको अवस्थामा पनि अझै एकताको सम्भावना रहेको शाक्यले बताइन । एमाले अध्यक्ष केपी ओलीले इमान्दारीता पुर्वक १० बुँदे सहमतीलाई कार्यान्वयन गर्न तयार भए एमाले एक हुने दावी शाक्यले गरिन् ।

शाक्यले पार्टी एकता कार्यदलले तयार पारेको १० बुँदे सहमतिलाई कार्यान्वयनमा ल्याउने प्रतिवद्धता अध्यक्ष केपी शर्मा ओलीले गर्ने बित्तिकै नेकपा एमाले एकजुट भएर अघि बढने समेत बताइन्।

नेकपा एमाले रामेछाप–काठमाडौं सम्पर्क मञ्चले शनिवार काठमाडौंमा आयोजना गरेको एक कार्यक्रममा उनले पार्टी एकतालाई कमजोर बनाउने काम कसैले पनि गर्न नहुने भन्दै सिंगो पार्टीले एकतामा ध्यान दिनुपर्ने बताइन्।

शाक्यले आफू अध्यक्ष ओली र वरिष्ठ नेता माधवकुमार नेपाल दुवैको साथ पाएर मुख्यमन्त्री भएको उल्लेख गर्दै बाहिरबाहिर नेता नेपाललाई धोका दिएको भन्ने खालको गलत सन्देश दिएर पार्टीको एकतालाई कमजोर बनाउने काम नगर्न पनि आग्रह गरिन्।

भनिन्, ‘म मुख्यमन्त्री हुनुमा दुवै नेताहरुको साथ छ। सहमति छ। अनि बाहिर बाहिर कुरा आउँछ, अष्ट त के–के भयो, के–के भनेर। लामो समयसम्म फलाना नेतालाई साथ दिएर लाग्ने, अनि मुख्यमन्त्री पाएपछि त अर्कोतिर भनेर भन्नु भयो, यो गलत कुरा हो। गलत सन्देश दिने काम नगरी दिनुहोस्। जे छ, त्यहीँ कुरा बाहिर आयो भने त्यसले पार्टी एकताका लागि हौसला बढाउँछ, प्रेरणा मिल्छ।’

शाक्यले केही समयपछि नेकपा एमाले एकजुट भएर अघि बढने विश्वास समेत व्यक्त गरिन्।

आफूहरु अझै एकताको पक्षमा रहेको भन्दै उनले केही समयपछि नेकपा एमाले एकजुट भएर अघि बढ्ने विश्वास व्यक्त गरिन् । त्यसका लागि १० बूँदे प्रस्तावलाई उच्च मूल्यांकन गरेर अगाडि बढाउन उनले आह्वान गरिन् ।

‘हाम्रो नेतृत्वले मन फराकिलो बनाएर नेकपा एमालेलाई बलियो बनाउन चाहन्छु भनेको खण्डमा स्थिति उथलपुथल हुन्छ,’ शाक्यले भनिन् ।

निवर्तमान मुख्यमन्त्री डोरमणि पौडेलसहितको सल्लाहमा प्रदेश सरकारलाई अघि बढाउने प्रतिवद्धता उनले व्यक्त गरिन् । निवर्तमान मुख्यमन्त्री र निवर्तमान मन्त्रीहरुको परामर्शको आधारमा अघि बढ्दा नै प्रदेश सरकारले राम्रो काम गर्नसक्ने उनको विश्वास छ ।