राष्ट्रपतीलाई राजा वीरेन्द्रसँग तुलना गर्दै डा सुरेन्द्र भण्डारीले गरे स्यालुट !

राष्ट्रपती विद्यादेवी भण्डारीले विवादास्पद नागरिकता विद्ययेकलाई प्रमाणिकरण नगरी संसदमै फिर्ता पठाइदिए पछि निकै चर्चा चुलिएको छ । नागरिक स्तरबाट राष्ट्रपती भण्डारीलाई अभूतपुर्व समर्थन प्राप्त भइरहेको छ ।

यस्तो नागरिकता विद्ययेक पारित गर्नु हुँदैन भनेर राष्ट्रपती विद्यादेवी भण्डारीलाई भेटेरै सल्लाह दिने मध्येका एक वरिष्ठ अधिवक्ता डा सुरेन्द्र भण्डारीले राष्ट्रपतीको कदमलाई उच्च प्रशंसा गरेका छन् । देश र जनताको पक्षमा राष्ट्रपतीले निर्णय लिएको भन्दै डा भण्डारीले आभार प्रकट गरेका छन् ।

राष्ट्रपतीको कदमबाट नेपाली जनता औधी खुशि रहेको भन्दै डा भण्डारीले नागरिकता विद्ययेकमा राष्ट्र प्रमुखको जस्तो भूमिका देखिनुपर्ने हो त्यस्तै भूमिका राष्ट्रपतीको देखिएको भन्दै डा भण्डारीले देशको भविश्यका लागी राष्ट्रपतीले जोखिम उठाउँन तयार भएको भनेका छन् ।

राष्ट्रपती सबैको साझा र अभिभावकीय भूमिकामा हुनु पर्छ भन्ने मान्यतालाई पनि विद्या भण्डारीले पुरा गरेको भन्दै डा सुरेन्द्रले राष्ट्रपतीको यो कदमलाई पछि सम्म पनि नेपाली जनताले स्मरण गरिरहने बताएका छन् । नागरिकता विद्ययेक फिर्ता पठउँने कदम दीर्घकालिन महत्वको रहेको उनले भनेका छन् ।

नागरिकता विद्ययेक फिर्ता पठाउँदा १५ बुँदे सन्देशमा राष्ट्रपतीले उल्लेख गरेका कुराहरु निकै महत्वपुर्ण रहेको भन्दै डा भण्डारीले अब ती सन्देशहरुलाई नेपाली जनताको विचमा सार्वजनिक गरिनु पर्ने बताएका छन् । अब नागरिकता विद्ययेकलाई पर्याप्त छलफल र बहस गरेर मात्रै अघि बढाइनु पर्ने उनले भनेका छन् ।

सत्तारुढ दलका कतिपय नेताहरुले राष्ट्रपतीको सन्देश सुन्ने सम्म धैर्यता नराखी आलोचना गरेकामा डा भण्डारीले आपत्ती जनाएका छन् । राष्ट्रपतीको सन्देशमा के भनिएको छ सुन्ने समेत धैर्यता नराखी हतार गर्नु पर्ने छट्पटी उनीहरुलाई किन पर्यो ? डा भण्डारीले प्रश्न गरेका छन् ।

कतिपयले राष्ट्रपतीलाई महाअभियोग समेत लगाउनु पर्छ भनिरहेको कुरालाई डा भण्डारीले त्यो राजनितिक दिवालीयापन मात्रै भएको बताएका छन् । नागरिकता विद्ययेक फिर्ता पठाएको कारणले राष्ट्रपतीलाई महाअभियोग लगाए उनीहरुलाईनै महंगो पर्ने तर्क उनले गरेका छन् ।

महाअभियोग लगाउँछु भन्ने राजनितिक दिवालीयापन मात्रै हो, मलाई त्यस्तो गर्छन् जस्तो लाग्दैनन् गरेछन् भने यसले राष्ट्रपतीलाई कुनै हानी पुग्दैन फाइदानै हुन्छ । जनताले राष्ट्रघातीहरु को को हुन् भन्ने राम्रोसँग चिन्न पाउँछन् जनताको नजरमा उनीहरु नांगो हुने छन् । डा भण्डारीले भनेका छन् ।

राष्ट्रपतीको अहिलेको कदमबाट पुराना कमीकमजोरीहरु सबै मेटिएको पनि डा भण्डारीले भनेका छन् । नागरिकता विद्ययेक फिर्ता पठाएर राजा वीरेन्द्र पछिको सबैभन्दा लोकप्रिय व्यक्ति राष्ट्रपती विद्यादेवी भण्डारी बनेको तर्क पनि उनले गरेका छन् । हरेक देशभक्त नेपालीहरुले कुनै कन्जुस्याँइ नगरी राष्ट्रपतीलाई बधाई र समर्थन गर्नु पर्ने पनि डा भण्डारीले भनेका छन् ।

राष्ट्रपतीले फिर्ता पठाएको नागरिकता विद्ययेक , अबको कानुनी बाटो र राजनितिक कोर्षमा केन्द्रित रहेर बरिष्ठ अधिवक्ता डा सुरेन्द्र भण्डारीसँग ओटिभी नेपाल डटकमले गरेको भिडियो कुराकानी हेर्नुहोस्