मलाई मार्न सक्छौ? भन्दै अग्नी सापकोटा चिच्याएको बिषयमा बोल्यो सत्तारुढ गठबन्धन

पछिल्लो केहि दिन यता प्रमुख प्रतिपक्षी दल नेकपा एमाले र सभामुख अग्नी सापकोटा विच चरम विवाद भएको छ ।

नेकपा एमालेले कारबाही गरेका माधव नेपाल सहितका १४ जना सांसदलाई पदमुक्त गरिएको सुचना सभामुख सापकोटाले सुचना बोर्डमा नटासे पछि एमाले र सभामुख विचको विवाद बढिरेहको छ ।

एमाललेले सभामुखको कार्यकक्षमै पुगेर दवाव दिँदा पनि सापकोटाले सुनेका छैनन । केहि दिन अघि एमाले सांसद र सभामुख सापकोटा विच नोकझोकनै चलेको थियो । सभामुख सापकोटाले एमाले सांसहरु सँग संसदीय मर्यादा भुलेर मलाई मार्न सक्छौ भन्दै चिच्याएका थिए ।

एमाले सांसदले पनि तुरुन्त पार्टीले कारबाही गरेका सांसदलाई पदमुक्त गर्न नभए एमाले बल प्रयोग गर्न बाध्य हुने बताएको थियो । एमाले अध्यक्ष एवं प्रतिपक्षी दलका नेता केपी ओलीले सभामुख सापकोटालाई सभामुख बनिराख्न मन छ कि छैन भनेर पनि सोधका थिए ।

यसै विच सत्तारुढ गठबन्धनले भने सभामुख अग्निप्रसाद सापकोटालाई प्रमुख प्रतिपक्षी दल नेकपा एमालेले धम्की दिएको आरोप लगाएको छ ।

गठबन्धनमा आवद्ध नेपाली कांग्रेस, नेकपा माओवादी, जनता समाजवादी पार्टी, राष्ट्रिय जनमोर्चा र नेकपा ९एकीकृत समाजवादी० का नेताहरूले संयुक्त विज्ञप्ति निकालेर संवैधानिक मर्यादाको अवलम्बन गर्न आग्रहसमेत गरेका छन् ।

‘नेकपा एमालेका माननीय सदस्यहरूले सम्माननीय सभामुखज्यूलाई लक्षित गरी दिनुभएको संसदीय मर्यादाविपरीत बल प्रयोगजस्ता धम्कीपूर्ण अभिव्यक्ति र सोही दिन प्रमुख विपक्षी दलका नेताले सार्वजनिक मिडियाहरूमा दिनुभएको धम्कीमूलक अभिव्यक्तिको सम्बन्धमा हाम्रो गम्भीर ध्यानाकर्षण भएको छ’, विज्ञप्तिमा भनिएको छ ।

विज्ञप्तीमा कांग्रेस सचेतक पुष्पा भुसाल, माओवादी प्रमुख सचेतक देवप्रसाद गुरुङ, जसपाका सांसद प्रदीप यादव, राष्ट्रिय जनमोर्चा सांसद दुर्गा पौडेल र सांसद जीवनराम श्रेष्ठको हस्ताक्षर रहेको छ । श्रेष्ठ नेकपा ९एकीकृत समाजवादी० आवद्ध हुन् ।

विज्ञप्तिमा नेपालको संवैधानिक व्यवस्थाअनुसार सभामुख पद व्यवस्थापिकाको प्रमुख हुनुका साथै संघीय संसदको संरक्षकसमेत रहेको जनाइएकोछ । ‘सम्माननीय सभामुखज्यूविरुद्ध दिइएका धम्कीपूर्ण अभिव्यक्तिप्रति घोर आपत्ति प्रकट गर्दै संवैधानिक मर्यादा अवलम्बन गर्न हार्दिक आग्रह गर्दछौ’, विज्ञप्तिमा उल्लेख छ ।

एमालेका १४ जना सांसदहरूलाई कारवाही गर्ने सन्दर्भमा सभामुखले ढिला गरेको भन्दै एमाले सांसदहरूले सभामुखको कार्यकक्ष घेराउ गरेका थिए भने अध्यक्ष केपी शर्मा ओलीले सभामुखको भूमिकामाथि टिप्पणी गरेका थिए । विज्ञप्ति जारी गर्नुअघि सत्तारुढ दल आवद्ध सांसदहरूको बैठक सिंहदरबारमा बसेको थियो ।