नयाँ दल दर्ता बाट माधव नेपाल एकाएक व्याक हुने सम्भावना बढ्यो !

नेकपा एमालेका नेता तथा सांसद सोमप्रसाद पाण्डे अन्तिम समय सम्म पनि माधव कुमार नेपाल नयाँ दल दर्ताको प्रक्रिया बाट पछि हट्ने बताएका छन् ।

नेकपा एमाले विभाजन गराएर एकिकृत समाजवादी पार्टी दर्ताका लागी निवेदन दिएका र निर्वाचन आयोगले सनाखतका लागी समेत बोलाई सकेको अवस्थामा माधव नेपालका सम्धी समते रहेका नेता पाण्डेले माधव नेपाल लास्ट आवरमा व्याक हुने बताएका छन् ।

प्राइम टाइम्स टेलिभिजनको कार्यक्रम जनता जान्न चाहन्छन् मा पत्रकार ऋषि धमला सँग कुराकानी गर्दै नेता पाण्डेले आज ११ बजे बस्ने नेकपा एमालेको स्थायि कमिटी बैठको निर्णयम सबै कुरा भर पर्ने बताए । पार्टी एकताका लागी विश्वासीलो र भर पर्दो प्रस्ताव आएमा माधव नेपाल अहिले पनि पछि हट्न तयार रहको उनले बताए ।

माधव नेपाल सहित १४ जना माथी गरिएको कारबाही फिर्ता ,संसद बाँकी कार्यकाल चल्ने सुनिश्चता , केपी ओलीले गरेको संसद विघठन गलत थियो भन्ने आसयको प्रष्टोक्ति र माधव कुमार नेपाललाई पनि पार्टीका पावर सेयरिङ मा हिस्सा सहित १० बुँदे सहमतीको अक्षरंश कार्यन्वयमा प्रतिवद्धता जनाउने हो भने माधव नेपाल दल दर्ता नगरि तुरुन्त फर्कन तयार रहको उनले बताए।

कुराकानी को क्रममा हिजो माधव नेपाललाई साथ दिने तर अहिले एक्लो बनाएर हिड्ने नेताहरु प्रति आक्रोस व्यक्त गरेका छन् । नेपाललाई पार्टी फुटाउन उक्साउने काम उपाध्यक्ष डा।भीम रावलले गरेको पनि उनले खुलासा गरेका छन् । हिजो सबैभन्दा चम्किनेनै रावल भएको भन्दै अहिले एकाएक उनको युटर्न देख्दा अचम्म लागेको पाण्डले बताए ।

उनले अहिले माधव नेपालले निर्वाचन आयोगमा दर्ताको लागि निवेदन दिएको प्रस्तावित पार्टी नेकपा ९एकीकृत समाजवादी० को विधान भीम रावलले नै तयार पारेको पनि खुलासा गरे ।

उनले भने,”सम्भवतः समाजवादी पार्टीको विधान भीम रावललगायत स्थायी कमिटी सदस्यहरुले तयार पार्नुभएको थियो । अनि माधव नेपाल अघि बढ्नुभएको थियो । आज किन छोड्नुभयो ? मलाई थाहा छैन् । हिजो म भीम रावलको घरमा गएर पार्टी विभाजन गर्ने काममा नलाग्नुहोस है भनेको थिएँ । नयाँ पार्टी दर्ता गर्नको लागि विधान तयार पार्ने कुरामा तपाईँको सहयोग हुनुहुन्न भनेर मैले भनेको थिएँ ।

माधव नेपालसँग जतिबेला पनि भीम रावलले पार्टी विभाजनको लागि कुरा गर्नुभएको थियो । आज किन छोड्नुभयो ?मैले बुझेको छैन् । तर, साँच्चिकै यो राजनीतिक अपराध हो ।” पाण्डले भनेका छन् ।

नेकपा एमालेको स्थायी कमिटी बैठक अहिले बिहान ११ बजे बस्दै छ आजको बठैकमा माधव नेपाल समुहमा रहेका तर उनीसँग पार्टी विभाजनमा सरिक नभएका नेताहरु सहभागी हुने छन् । आजको बैठकले कार्यदलले गरेको १० बुँदे सहमती कार्यान्वयनको लागी महत्वपुर्ण निर्णय लिने अनुमान गरिएको छ ।