आज सम्म कहिल्यै माधव नेपालको मन दुख्ने गरि नबोलेको गोकर्ण विष्टले आज भने दिए मुखभरिको जवाफ

नेकपा हुँदै एमाले सम्मको किचलोमा एमाले नेता गोकर्ण बिष्ट निकै सालिन तरिकाले एकताको प्रयास गर्र्दै आएका थिए ।

नेताहरु एक अर्का विरुद्ध अन्यन्तै तल्लो स्तरको अभिव्यक्ती दिँदै आएका तिर तर गोकर्ण बिष्टले कसैलाई गाली गरेनन् एकताको पक्षमा दरो सँग लागिरहे ।

माधव नेपाल सहितको एमाले एकताका लागी अन्तिम सम्म लाग्दा पनि माधव नेपालले एमाले विभाजन गराए पछि भने गोकर्ण विष्टले माधव नेपाललाई मुख भरिको जवाफ फर्काएका छन् ।

तेस्रो धारका नेताहरुले आफूलाई धोका दिएको भन्ने माधव कुमार नेपाललाई एमालेका सचिव गोकर्ण बिष्टले कडा जवाफ फर्काएका छन् । नेकपा एमालेका सचिव गोकर्ण विष्टले धोका आफूहरुले नभई पार्टी विभाजन गर्ने माधव नेपालले दिएको बताएका हुन् ।

विष्टले राजनीतिक, सांगठानिक र नैतिक कुनै पनि हिसाबले पार्टी विभाजन सही नहुने उनको भनाइ छ । नेपाली रेडियो नेटवर्कको कार्यक्रम नेपाली बहसमा पत्रकार ऋषि धमलासँग कुरा गर्दै नेता विष्टले भने, “हामीले जेमा अडान राखेका थियौं, त्यसमा कमरेड माधव नेपालसँगै लामो समयसम्म लडेका हौं । उहाँले एक शब्द नसोधी अनायासै पार्टी विभाजन गर्नुभयो ।

सिंगो पार्टी पंक्तिका लागि विभाजन नै धोका हो । दल विभाजनसम्बन्धी अध्यादेश आउँदै छ भन्ने हामी माधव पक्षकै १४ जना स्थायी कमिटी सदस्यलाई थाहा दिनुभएन । यस हिसाबले माधव नेपालले हामीलाई छाड्नुभएको छ, हामीले उहाँलाई छाडेको होइन । तपाईंले एउटै रेडियो या टेलिभिजनमा संवादमा राख्नुभयो भने स्पष्ट हुन्छ, उहाँले हामीसँग कुनै सल्लाह किन गर्नुभएन रु”

माधव नेपाल समूहलाई छाडेर ओलीमा किन विलीन हुनुभयो भन्ने पत्रकार धमलाको प्रश्नमा उनले भने, “हामीले पहिलेदेखि नै लगातार पार्टी एकतामा जोड दियौं । त्यसको अर्थ न आत्मसमर्पण हो, न त विभाजन हो । म माधवकुमार नेपाल, झलनाथ खनाललगायतका कमरेडहरुलाई अपमान हुने कुनै अपशब्द प्रयोग गर्दिनँ ।

१० बुँदे सहमति कार्यान्वयन गरेर पार्टीभित्रै भविष्य खोजौं भन्ने मेरो भनाइ हो । माधव नेपाललाई पार्टीमै फर्कनोस् भन्न चाहन्छु । माधव नेपालबिनाको एमाले बनाउने हाम्रो चाहना होइन ।”

उनले १० बुँदे सहमति कार्यान्वयन नभए पार्टी एकता सम्भव नहुने पनि औंल्याए । उनले थपे, “आज बिहान ११ बजे सहमति कार्यान्वयनको मोडालिटीबारे छलफल हुँदै छ ।

२०७५ जेठ २ भन्दा पहिलेका कमिटी पूर्ववत् फर्काउने सहमति भइसकेको छ । त्यसमा एकताबद्ध हुँदा स्थायी समितिमार्फत सम्पूर्ण अन्तर पार्टी निर्देशन जान्छ ।”

अध्यक्ष ओलीले १० बुँदे सहमति कार्यान्वयन र माधव नेपाललगायत १४ जना सांसदको कारबाही फिर्ता गर्न सहमत हुँदा माधव नेपालको नयाँ पार्टी गठनको निवदेन फिर्ता होस् भनेको चाहेको उनले बताए । उनले सांगठनिक अराजकता र वैचारिक विचलन त्यागेर एकतामा फर्काउने प्रयत्न जारी राख्ने पनि जनाए ।