भिम रावलहरुको उग्र चुरीफुरीले निरास छन् बादल

लामो समय देखी प्रमुख प्रतिपक्षी दल नेकपा एमाले भित्रको विवाद मूलभूत रुपमा मिलेको छ । लामो समय माधव नेपालको पछि लागेका नेताहरु पनि अन्तन्त एमालेमै समाहित भएर अगाडी बढेका छन् ,

पार्टीका गतिविधीमा सहभागी भएका नेताहरु पार्टी काममा फर्किएकोमा देशभरका एमाले पक्तीहरुमा खुशियाली छाएको छ तर हिजो केपी ओलीलाई अप्ठेरो परेका बेला आफ्नै पार्टीका मान्छेले पिठ्यू फर्काएर हिडेका बेला केपी ओलीलाई जुरुक्क काँधमा बोकेर हिडेका रामबहादुर थापा बादल भने खुशि हुन सकेका छैनन् ।

एमालेको मन चिराचिरा भएका बेला यिनै बादल एमाले पक्तिंको मनोबल बढाँनको लागी अवसरवादीहरु पाखा लागेर गए अब एमाले रफ्तारमा अगाडी बढ्छ भनेर उग्र भाषण गर्दथे अहिले एमाले एक ढिक्का हुँदा आफुलाई उपेक्षा गरिएको वा कुनामा पर्छुकी भन्ने भाव उनमा देखिन्छ ।

हिजो एमाले स्थायी कमिटीको बैठक सकिएर देशव्यापी एकताको भाव पैदा गराउँन नेताहरुले सामुहिक फोटो सेसन गराएका थिए । केहि समय अघि सम्म ओली विरोधी चर्का भाषण गरेर हिड्ने भिम रावल ओली सँगै टासिएर बसेका थिए तर बादल पछिल्लो हारमा देखिन्थे ।

किन हो किन बादल पहिले जसरी खुल्न सकेका छैनन् । हिजो पछिल्लो हारमा बसेका बादलको मुहारमा कुनै उत्साह र उमंग थिएन नियाउरो अनुहार लगाए बसेका थिए । एमालेमा अहिले आएर चर्का कुरा गर्नेहरुको हालिमुली हुन थालेपछि उनी निरास भएको चर्चा छ ।

त्यसै गरि आज नेकपा एमालेले आज आयोजना गरेको पत्रकार सम्मेलनमा रोचक दृश्य देखियो । पत्रकार सम्मेलनको मञ्चमा नेताहरुको सिट व्यवस्थापनमा केपी शर्मा ओलीको नजिक पूर्वप्रधानमन्त्री माधवकुमार नेपालको साथ छाडेका नेताहरु बसेका थिए ।

उपाध्यक्षहरु भीम रावल र युवराज ज्ञवाली ओली नजिक बसेका थिए । उपाध्यक्ष अष्टलक्ष्मी शाक्य, महासचिव ईश्वर पोखरेल, उपमहासचिव विष्णु पौडेल र स्थायी कमिटी सदस्य सुवास नेम्वाङ पनि सोफामा पहिलो हारमा बसेका थिए । तर, पूर्वमाओवादीबाट एमालेमा प्रवेश गरेका रामबहादुर थापा बादललाई अघिल्लो हारमा राखेपनि मेचमा राखिएको थियो ।

बादल ओलीभन्दा निकै टाढा छेउतिर राखिएका थिए । उनको नजिक भीम आचार्य बसेका थिए । एमालेमा माधव नेपाल छाड्नेले स्थान पाउँदा बादल भने छेउ लगाइएका छन् ।

बादल मात्र नभएर पूर्वमाओवादीका नेताहरु पनि छेउ लगाइएका छन् । स्थायी कमिटीमा राखिएका पूर्वमाओवादी नेताहरु मञ्चमै देखिएनन्