भाग्य दरो भए पछि कसको के लाग्छर ! वडा सदस्य समेत हारेको मान्छे माधव नेपालको कृपाले मन्त्री बन्दै

परमादेश बाट प्रधानमन्त्री भएका शेरबहादुर देउवाले ल्याएको अध्यादेशमा टेकेर माधव कुमार नेपालले एमाले विभाजन गराएर एकिकृत समाजवादी पार्टीको एकल अध्यक्ष बनेका छन् । एमाले विभाजन गराउँन नेपालले के कति सम्म गरे भन्ने रहस्य विस्तारै खुल्दै गएको छ ।

एमालेमा रहँदा माधव नेपाललाई जीन्दगीभर साथ दिएका जनाधार बलियो भएका हाइप्रोफाइल नेताहरु धेरैले साथ दिएनन्। तै पनी माधव नेपाल एमाले फुटाइछोड्ने मिसनमा अगाडी बढे र अहिले नयाँ दल दर्ता गरिकन सो पार्टीको अध्यक्ष बनेर बसेका छन् ।

जनाधार बलियो भएका नेताहरुले साथ नदिए पछि निर्वाचन भने पछि परै बाट तर्सन,े निर्वाचनमा लज्जास्पद पराजय भोगेका, र निवार्चन सँग कहिल्यै साइनो नभएका समेत धेरै नेताहरुलाई बोकेर माधव नेपालले पार्टी विभाजन गराएका छन् ।

विरोध खतिवडा बाहेक पटक पटक निर्वाचन फेस गरेको र चुनाव जितेको नेता कसैले पनि साथ दिएका छैनन् माधव नेपाललाई । रामकुमारी झाँक्रीले जति नै चर्का कुरा गरे पनि आज सम्म स्ववियुको समेत निर्वाचन जितेकी छैनन् सांसदको त परको कुरा । यस पटक रामकुमारी एमालेको समानुपातिक लिष्टबाट सांसद बेनेकी हुन् ।

वडा सदस्यमा पराजित भएर पनि पछि पार्टीको समानुपातिक लिष्टमा पर्न सफल सांसद लक्ष्मी चौधरीले पनि माधव नेपाललाई साथ दिएकी छिन् । भिम रावलको विशेष कृपामा सांसद बनाइएको तर पछि माधव नेपालले मन्त्रीकोनै ललीपप देखाए पछि लक्ष्मी चौधरीले अन्तिम सम्म माधव नेपाललाई साथ दिएको चर्चा छ ।

चौधरीलाई माधव नेपाले उपसभामुख वा मन्त्री नभए पनि राज्यमन्त्री सम्म बनाउँने बचन दिएका छन् । माधव नेपालले आफुलाई साथ दिने जती सबै सांसदलाई मन्त्री बनाउँने तुरुप फाले पछि सबैजना अहिले दंग छन् । ६ ६ महिनामा मन्त्री फेरेर भए पनी सबैलाई मन्त्री बनाउँने बचन माधव नेपालले दिएको स्रोतको दावी छ ।

अहिले प्रतिनिधी सभामा समानुपातिक सांसद बनेकी लक्ष्मी चौधरी कैलालीको धनगढी उपमहानगरपालिका–५ को वडा सदस्यको उमेद्धार बनेकी थिइन तर उनले वडा सदस्य पनि जित्न नसकेर पराजित बनेकी थिइन् ।

सासंद चौधरी २०७४ को स्थानिय निर्वाचनमा धनगढी उपमहानगरपालिका–५ बाट वडा सदस्य पदमा पराजित भएकी थिइन् । त्यसक्रममा तत्कालिन एमालेबाट उमेद्धार चौधरीले ७९८ मत प्राप्त गरेकी थिइन् भने उनिसंगै उमेद्धार रहेकी नेपाली कांग्रेसकी यसोदा भण्डारीले १७८७ मतले चौधरी ल्याएर विजय भएकी थिइन् । भण्डारीको तुलनामा चौधरीले आधाभन्दा कम मतले हारेकी थिइन् । चौधरी पहुँचकै आधारमा सामानुपातिकबाट प्रतिनिधि सभा सासंद बनिन् ।

नेपाली कांग्रेसबाट निर्वाचित उप–महानगरपालिका–५ का वडा अध्यक्ष हिरा सिं पातलीले चौधरी आफ्नो वडामा तत्कालिन एमालेबाट वडा सदस्यको उम्मेदवार रहेको र आफुहरुले एमालेको प्यानलै पराजित गरेको दाबी गरे ।