काग्रेस नेताका नौटंकी: चुनावी मसलाका लागी हिन्दु धर्मको मजाक

नेपाली काग्रेसका सभापती शेरबहादुर देउवा देखी शीर्ष तहका नेताहरुले चुनावी मसलाका लागी मात्रै हिन्दु धर्मको एजेण्डा बोके जस्तो गरि हिन्दु धर्म माथी नै मजाक गरिरहेका छन् ।

कुनै आन्दोलको एजेण्डा विनानै २०६३ साल जेठ ४ गते नेपाललाई संसद बाट हिन्दुराज्य हटाउँदै धर्मनिरपेक्ष मुलुक घोषणा गरिएको थियो जुन कामको नेतृत्व स्वयंम त्यसबेलाका प्रधानमन्त्री एवं नेपाली काग्रेसका सभापती गिरीजाप्रसाद कोइरालाले गरेका थिए ।

नेपालमा हिन्दुराष्ट्र हुन पर्छ भन्ने मत निकै बलियो छ काग्रेस भित्र त हिन्दु राष्ट्र बनाउँनु पर्छ भन्ने मत जबर्जस्त दिनानु दिन बढ्दै गइरहको छ । मनले कट्टर हिन्दु विराधी काग्रेसी नेताहरु पनि चुनावी फण्डाका लागी हिन्दुराष्ट्र चाहेको जस्तो गरि फण्डा गरिरहेका छन् ।

चुनाव कन्द्रित मसलाका लागी मात्रै काग्रेस नेताहरुले हिन्दु धर्मको मजाक गरेको भन्दै विरोध सुर भएको छ । यस मामलामा प्रधानमन्त्री शेरबहादुर देउवा देखी शसांक कोइराला हुँदै विमलेन्द्र निधी सम्म थपिएका छन् । हिन्दु धर्मको नाम सम्म सुन्न नचाहने निधी अहिले मन्दिर मन्दिर धाउने र पुजारीको आर्शिवाद लिने काम गरिरहेका छन् ।

नेपाली काँग्रेसका सभापति शेरबहादुर देउवाले केही वर्षयता यज्ञ र पूजामा समय बढी खर्चिएका छन् । बुढानिलकण्ठमै उनले यज्ञ आयोजना गरे । त्यसपछि विशेष पूजा पनि चल्दै आएको छ ।

देउवा हिन्दु धर्मप्रति आस्था राख्छन् भन्ने सन्देश दिने गरी आरजु देउवाले तस्बिर पनि सार्वजनिक गरिरहन्छिन् । तस्बिरमा गेरु वस्त्रमा फूलमाला लगाएका देउवा देखिन्छन् । त्यसो त हिन्दुत्वको मुद्दा बोकेको भारतीय जनता पार्टीका विदेश विभाग प्रमुख विजय चौथाइवालेलाई रक्षाबन्धनका दिन आरजु देउवाले बालुवाटारमा राखी बाँधेर स्वागत गरिन् ।

आज नेपाली काँग्रेसका उपसभापति विमलेन्द्र निधिले विहानै शक्तिपीठका पूजारीहरुबाट आशिष लिए । पशुपतिनाथ, जानकी, डोलेश्वरलगायत शक्तिपीठका गुरुहरुको आशिष लिएर बानेश्वरमा सम्पर्क कार्यालय सुरु गरेका छन् । काँग्रेस महाधिवेशनमा सभापतिका दाबेदार निधि पछिल्लो समय हिन्दु धर्मप्रति आस्थावान रहेको सन्देश दिइरहेका छन् ।

विगतमा धर्मनीरपेक्षको पक्षमा जोडतोडले बोल्दा भक्तपुरमा आफ्नै कार्यकर्ताले निधिलाई घेरेका थिए । त्यसपछि धर्मनीरपेक्षबारे उनी बोल्न कम गरेका छन् । पछिल्लो समय उनको यु टर्न देखिएको छ । निधिले चौथाइवालेसँग भेटेपछि धेरै व्यवहार परिवर्तन हुन थालेको छ ।

काँग्रेस महामन्त्री डा। सशांक कोइरालाले हिन्दु राष्ट्रको पक्षमा विगतमा बोलेका थिए । तर, अहिले उनी केही फरक भएका छन् । विगतमा कोइरालाले उत्तर प्रदेशका मुख्यमन्त्री योगी आदित्यनाथलाई भेटेको तस्बिर सार्वजनिक भएको थियो । हिन्दुत्वमा आस्था राख्ने धर्मगुरु योगीसँगको भेट अर्थपूर्ण थियो ।

काँग्रेस केन्द्रीय सदस्य डा। शेखर कोइरालाले पनि धर्मको मुद्दा बेला बेलामा उठाउने गरेका छन् । प्रकाशमान सिंहले पनि दक्षिणकाली मन्दिरको विशेष पूजा गरेको तस्बिर सार्वजनिक भएको थियो । यसरी काँग्रेस नेताहरु महाधिवेशन नजिकिदै गर्दा धर्मप्रति आस्थाको सन्देश दिइरहेका छन् । उनीहरुले हिन्दुत्वको मुद्दाप्रति सकारात्मक रहेको सन्देश पनि दिन खोजेको देखिदैछ ।

काँग्रेसभित्र हिन्दुत्वका पक्षधर कार्यकर्ताको संख्या उल्लेख्य छ । विगतमा बहुमत महाधिवेशन प्रतिनिधिले हिन्दु राष्ट्रको पक्षमा हस्ताक्षर नै गरेका थिए । हिन्दुत्वको पक्षधर कार्यकर्ता ठूलो संख्यामा रहेकाले उनीहरुको साथ लिन पनि नेताहरुले सन्देश दिइरहेका छन् । अर्कोतर्फ, भारतमा भारतीय जनता पार्टी सत्तामा रहेकाले नेताहरुले साथ पाउन खोजेको देखिदैछ । त्यसका लागि पनि हिन्दुत्वप्रति सकारात्मक रहेको सन्देश दिन खोजिरहेका छन् ।

काँग्रेसका हस्तीहरुले भगवानप्रति भरोसा बढेको सन्देश प्रवाह भइरहेको छ । धार्मिक गतिविधिमार्फत् राजनीतिक ऊर्जा हासिल गर्न खोजिरहेको देखिन्छ ।