माधव नेपालका कारण ठूलो टेन्सनमा प्रचण्ड, घर बाट निस्कनै छाडे

माओवादी केन्द्रका अध्यक्ष पुष्पकमल दाहाल प्रचण्डलाई अर्को टेन्सन थपिएको छ त्यो पनि माधव नेपालका कारणले ।

प्रधानमन्त्री शेरबहादुर देउवाले प्रचण्डलाई मन्त्रीहरुको नाम छिटो दिन दवाव दिएका छन् तर पनि प्रचण्डले अहिले सम्म फाइनल गर्न सकेका छैनन् । माधव नेपाल पार्टी नै फुटाएर सरकारमा जान ठिक्क परे पछि प्रचण्डले पाउँने भाग कम भएको छ । भाग कम भए पछि व्यवस्थापन गर्न नसक्दा प्रचण्ड ठूलो तनावमा रहेको बताइन्छ ।

यस अघि ७ जनाको हिसाब गरेर प्रचण्डले मोटामोटी फाइनल गरेको नामहरुबाट कम्तीमा २ जना हटाउँनु पर्ने दवावमा रहेका छन् अब कसलाई मन्त्री बनाउने कसलाई नबनाउँने भन्ने तनावले प्रचण्ड अहिले घर बाटै निस्कीएका छैनन् । मन्त्री चाहियो भन्नेको दवाव पनि थेगी नसक्नु अवस्थामा छन् प्रचण्ड ।

परमादेश बाट प्रधानमन्त्री बनेका शेरबहादुर देउवाले प्रधानमन्त्री भएको लामो समय वितिसक्दा पनि सरकार विस्तार गर्न नसकेर सार्वजनिक लाचारी प्रस्तुत गरिरहेका छन् ।

माधव नेपालका कारण सरकार विस्तारमा ढिलाई भएको बताइँदै आए पनि अहिले माधव नेपालले एमाले फुटाई सकेर सरकारमा जान खुट्टा उचाली सक्दा पनि सरकार विस्तार हुन सकेको छैन । पछिल्लो पटक उपेन्द्र यादवका कारण भन्दै दोष थुपारिएको छ ।

माधव नेपाल पनि सरकारमा जाने पक्का भए पछि भागबण्डा भने मोटामोटी मिलेको स्रोतको दावी छ । अब को केही दिन भित्रै मन्त्रीपरिषदलाई पुर्णता दिने तर्खर प्रधानमन्त्री शेरबहादुर देउवाले गरेका छन् ।

मन्त्रीपरिषद विस्तार गर्ने समय आइसक्दा माओवादी केन्द्रका अध्यक्ष पुष्पकमल दाहाल प्रचण्ड भने नयाँ खालको टेन्सनमा परेका छन् । माधव नेपालहरु सरकारमा सहभागी हुने भए पछि यस अघि माओवादीले पाउँने भनेर कन्फर्म भएको मन्त्रालयको संख्या हट्ने भएको छ ।

यस अघिनै प्रचण्डले सार्वजनिक मंचबाट नै माओवादीमा भएका सांसद जती सबैलाई मन्त्री चाहिएको र अहिले आफु ठूलो मानसिक तनावमा रहेको बताएका थिए । प्रचण्डले त्यसबेला माओवादीको भागमा ७ मन्त्रालय पाउँने हिसाब गर्दै तनाव भएको बताएका थिए अब त्यो सख्या पनि घट्ने भएको छ ।

महन्थ ठाकुरले नेतृत्व गरेको लोसपा सरकारमा जाँदा माओवादीले पाउँने भाग जम्मा ५ मात्रै पर्ने हिसाब बालुवाटारले प्रचण्डलाई सुनाइ सकेको छ । यस्तो अवस्था आए पछि प्रचण्ड थप दवाव र तनावमा परेका छन् ।

आफ्नै कारण सिर्जित तनावको व्यवस्थापन गर्ने कुनै उपाय प्रचण्डले भेट्टाउँन सकेका छैनन् । प्रचण्डको तनाव बारे एक सामाजिक संजाल प्रयोगकर्ताले सामाजिक संजालमा लेखेका छन् ‘कठै बरा प्रचण्ड विश्वमा कतै ओषधी नबनेको हाइ भोल्टेज तनाव रोगले पीडित बनेका छन्’ ।

माधव नेपाललाई स्थान दिँदा काँग्रेसले ३, माओवादीले २ र जसपाले १ मन्त्री गुमाउनुपर्नेछ । किनभने, नेपाल पक्ष सरकारमा सहभागी नभएको अवस्थामा काँग्रेसले प्रधानमन्त्रीसहित ९ मन्त्री र १ राज्य मन्त्री पाउने सहमति भएको थियो । यस्तै माओवादीले सात मन्त्री र एक राज्यमन्त्री तथा जसपाले ६ मन्त्री र एक राज्यमन्त्री पाउने गठबन्धनमा सहमति जुटेको थियो ।