किन त्यसै त्यसै गदगद छन् राजेन्द्र पाण्डे ?

नेकपा एमाले विभाजन भएर नेकपा एकिकृत समाजवादी पार्टी गठन भए पछि सो पार्टीका नेता बनेको दिन देखी नेता राजेन्द्र पाण्डे औधी नै खुशि देखिएका छन् । उनी जतिखेर पनि हाँसी रहेको मात्रै देखीन्छ ।

नेकपा एमाले विभाजन गर्दै नयाँ पार्टी दर्ताका लागी निवेदन दिन निर्वाचन आयोग जाँदाका बखत नेकपा एस का अध्यक्ष माधव कुमार नेपालको अनुहार निकै नै मधुरो थियो उनी क्यामेरा तिर हेर्न पनि सकिरहेका थिएनन् । तर राजेन्द्र पाण्डेको अनुहारमा भने विछट्टैको खुशियाली देखिन्थ्यो ।

हर्ताकर्ता बनेर पत्रकारलाई सुचना दिइरहेको उनको अनुहारमा वेग्लै किसीमको उमंग देखीन्थ्यो । पार्टी विभाजन हुँदा पनि किन अलिकती पनि पीर नपरेर पाण्डे किन त्यति धेरै खुशि छन् भन्ने धेरैलाई लागेको थियो तर त्यसको एक मात्रै कारण भनेको उनले आँखै अगाडी बाग्मती प्रदेशको मूख्यमन्त्रीको कुर्सी झलल देख्नु हो भन्ने चर्चा चलेको छ ।

अष्टलक्ष्मी शाक्य एमालेमै रहने भए पछि अब आफैं मुख्यमन्त्री बन्ने सोझो हिसाब पाण्डेले निकालेका छन् । अहिलेकी मुख्यमन्त्री शाक्यले पदका लागी माधव नेपाल सँग लाग्दीन भनेर बोलेपछि न झन पाण्डेको खुशिको सिमानानै छैन । गठबन्धनको भागमा वाग्मतीको मुख्यमन्त्री माधव नेपाललाई पर्ने र आफैँ मुख्यमन्त्री बनिने सोझो हिसाव पाण्डले निकालेका छन् ।

मुख्यमन्त्री मात्रै होइन नेकपा एसको महासचिव पदको दौडमा पनि रहेका छन् राजेन्द्र पाण्डे । लामो समय देखी राष्ट्रिय राजनितीमा खासै स्पेश नपाएरर कुनामा बसीरहेका उनी महत्वपुर्ण मौका हात पर्ने लक्षण देखा परे पछि अहिले हात धोएर दौडिएका छन् । उनले भने जसै गरि घटनाक्रम अघि बढ्यो भने दुवै हातमा लड्डुको अवस्था पनि नपर्ला भन्न सकिन्न ।

नवगठित नेकपा (एकीकृत समाजवादी) का नेता तथा प्रदेश सांसद राजेन्द्र पाण्डेले अष्टलक्ष्मी शाक्य नेतृत्वको वाग्मती प्रदेश सरकार छिट्टै ढल्ने दाबी गरेका छन् ।

एकल बहुमत रहेको एमाले फुटेर नयाँ दल दर्ता भएसँगै शाक्य नेतृत्वको प्रदेश सरकार अल्पमतमा पर्ने देखिएको समयमा पाण्डेको यस्तो अभिव्यक्ति आएको हो । सांसद पाण्डेले दल दर्ताको आधिकारिक पत्र प्रदेशसभामा आएसँगै शाक्यलाई दिएको समर्थन फिर्ता लिने बताए । ‘हामीले समर्थन फिर्ता लिएपछि यो सरकार अल्पमतमा पर्छ । विश्वासको मत लिनुपर्ने हुन्छ,’ उनले भने । शाक्य नवगठित पार्टीमा आएको खण्डमा मुख्यमन्त्री मान्न सकिन्ने र एमालेमै रहेको खण्डमा नयाँ सरकार गठनका लागि कसरत गरिने उनले बताए ।

उनले शाक्यलाई मुख्यमन्त्रीबाट प्रक्रियागत रुपमा हटाइने बताए । ‘हामीसँग प्रदेशसभाका २१ जना सदस्य छन् । अझै थप्ने कोसिस गरिरहेका छौं । यो सरकार ढल्छ । अष्टलक्ष्मीलाई बिदाइ गरिन्छ । हामी गठबन्धनमा रहेका तीनवटा पार्टी मिलेर नयाँ सरकार बनाउँछौं,’ उनले भने । उनले माओवादी र कांग्रेससँग छलफल गरेर कसको नेतृत्वमा प्रदेश सरकारमा जाने तय गरिने बताए । ‘नेतृत्व ठूलो विषय होइन । हामी गठबन्धनमा छौं । नेतृत्वको विषय सजिलै टुंगिन्छ,’ उनले थपे ।

१ सय ९ सदस्यीय वाग्मती प्रदेशसभामा एमालेको सभामुखसहित ५६ सांसद छन् । सरकार गठनका लागि ५५ सांसद चाहिन्छ । तर, आधा दर्जनभन्दा बढी सांसदहरु नवगठित नेकपा ९एकीकृत समाजवादी० मा खुलिसकेका कारण शाक्यले अब सदनबाट विश्वासको मत लिनुपर्ने अवस्था सिर्जना हुने देखिएको छ ।

वाग्मतीमा प्रमुख प्रतिपक्ष नेकपा माओवादी केन्द्रका २३, विपक्षी दल नेपाली कांग्रेसका २२ सांसद छन् । साना दलहरु नेपाल मजदुर किसान पार्टीका ३, विवेकशील साझा पार्टीका ३, राप्रपाका २ र स्वतन्त्र एक सांसद छन् ।